Ongangala onene Theron nayo oya fa omo yi li moshinima sha

ODC E DHINA lyongangala onene yokuSouth Afrika, Vloog Theron, nalyo olya tumbulwa moshinima shekano lyoshimaliwa shOondola oomiliyuna ethele shOkampani ya Offshore Development Company (ODC), shoka sha li sha pungulwa mOkampani ya Great Triangle Investments.

Oonzo dhi shi okwiinekelwa odha yakele ko The Namibian kutya Philip Fourie, ngoka ODC a popi kutya oye omutse omunene moshinima shetulo lyoshimaliwa shawo mu GTI, ota popi aniwa kutya Vloog oye aniwa a pewa iimaliwa mbika. Ngele oye shili, omulumentu nguka okwa li a tseyika nawa pomimvo dho 1980 nasha sho a li a kotokele aaantu oyendji mu South Afrika noosikema odhindji dhokwiiyambapaleka mbala.Iilonga ye yuulingilingi ootaku popiwa kutya oya li wo ya thiki sigo oku Amerika, hoka a li a kala ko uule wethimbo nokwa li wo aniwa i ilandele ko Odigree yUundohotola.Nonande ODC omasiku ga zi ko okwa li a tseyitha kutya oye li moonkundathana naamboka ya li ya pewa oshimaliwa shika opo ye shi galule, sigo onena kapu na uuyelele kutya olye naanaa a li a pewa oshimaliwa shika.Nonande oonzo dhomauyelele odha popi kutya Fourie ota ti Theron oye a li a pewa oshimaliwa shika, Fourrie oye tuu nguka okwa li a popi oshiwike sha piti po kutya omulumentu gwehdina TT Theart – oye a li a ungaunga nekutho lyoshimaliwa shika mu ODC.Ota ku popiwa kutya oshimaliwa shika osha laata nethimbo olindji noonkondo okushunithwa.Yamwe otaya ti nokuli kutya osha laata nethimbo lya thika pomumvo.Ngashiingeyi opu na omapopyo kutya Oshikondo oshikonakoni shomonanguwi shOpolisi ya South Afrika shedhina Scorpions, osha lombwelwa shi kwathele Namibia molukongo lwa Fourie.Omutamaneki-Ndjayi gwaNamibia, Martha Imalwa okwa ti ODC ina indila Ombelewa yawo yi ya kwathele molukongo lwoshimaliwa shika.Ihe okwa popi ngaa kutya otashi vulika aakonakoni yawo yopaumwene, taya longele kumwe nEpangelo lya South Afrika (shuukilila) moshinima shika.Omukuluntuwiliki gwa ODC Abdool Aboobakar, sigo Omaandaha ina lyata mo mOmbelewa sho Oshifo shika sha li sha kambadhala shi popye naye.Otaku popiwa kutya Aboobar okwa galukila moshilongo okuza mefudho ko Mauritius, ihe aniwa sigo onene ina lyata mo ompadhi mOmbelewa ye.Momaandaha, oonkambadhala dha The Namibian okukonga Theron odha hulile mu Durban Ville sha Cape Town, pOkampani yimwe hayi landitha omiti, ooyene yokampani ndjika oya valwa kaamwayina ya Theron.Ota ku popiwa kutya Okampani ndjika ya Mouldmend oyi na ekwatathano na Theron.Nande ongaaka, Henry Kruger (e li Menindjela mOkampani ndjika) okwa lombwele The Namibian kutya Theron ke na ekwatathano lyuukilila nayo.Ta ti, Theron oku na ekwatathano li li kokule nayo, okupitila ashike moopaatina dhimwe.Kruger okwa ti Theron ohe mu mono omalupita na okwa uvaneke kutya ngele okwe mu mono, ote ke mu lombwela kutya Oshifo sha The Namibian osha li tashi mu kongo.Ngele oye shili, omulumentu nguka okwa li a tseyika nawa pomimvo dho 1980 nasha sho a li a kotokele aaantu oyendji mu South Afrika noosikema odhindji dhokwiiyambapaleka mbala.Iilonga ye yuulingilingi ootaku popiwa kutya oya li wo ya thiki sigo oku Amerika, hoka a li a kala ko uule wethimbo nokwa li wo aniwa i ilandele ko Odigree yUundohotola.Nonande ODC omasiku ga zi ko okwa li a tseyitha kutya oye li moonkundathana naamboka ya li ya pewa oshimaliwa shika opo ye shi galule, sigo onena kapu na uuyelele kutya olye naanaa a li a pewa oshimaliwa shika.Nonande oonzo dhomauyelele odha popi kutya Fourie ota ti Theron oye a li a pewa oshimaliwa shika, Fourrie oye tuu nguka okwa li a popi oshiwike sha piti po kutya omulumentu gwehdina TT Theart – oye a li a ungaunga nekutho lyoshimaliwa shika mu ODC. Ota ku popiwa kutya oshimaliwa shika osha laata nethimbo olindji noonkondo okushunithwa.Yamwe otaya ti nokuli kutya osha laata nethimbo lya thika pomumvo.Ngashiingeyi opu na omapopyo kutya Oshikondo oshikonakoni shomonanguwi shOpolisi ya South Afrika shedhina Scorpions, osha lombwelwa shi kwathele Namibia molukongo lwa Fourie.Omutamaneki-Ndjayi gwaNamibia, Martha Imalwa okwa ti ODC ina indila Ombelewa yawo yi ya kwathele molukongo lwoshimaliwa shika.Ihe okwa popi ngaa kutya otashi vulika aakonakoni yawo yopaumwene, taya longele kumwe nEpangelo lya South Afrika (shuukilila) moshinima shika.Omukuluntuwiliki gwa ODC Abdool Aboobakar, sigo Omaandaha ina lyata mo mOmbelewa sho Oshifo shika sha li sha kambadhala shi popye naye.Otaku popiwa kutya Aboobar okwa galukila moshilongo okuza mefudho ko Mauritius, ihe aniwa sigo onene ina lyata mo ompadhi mOmbelewa ye.Momaandaha, oonkambadhala dha The Namibian okukonga Theron odha hulile mu Durban Ville sha Cape Town, pOkampani yimwe hayi landitha omiti, ooyene yokampani ndjika oya valwa kaamwayina ya Theron.Ota ku popiwa kutya Okampani ndjika ya Mouldmend oyi na ekwatathano na Theron.Nande ongaaka, Henry Kruger (e li Menindjela mOkampani ndjika) okwa lombwele The Namibian kutya Theron ke na ekwatathano lyuukilila nayo.Ta ti, Theron oku na ekwatathano li li kokule nayo, okupitila ashike moopaatina dhimwe.Kruger okwa ti Theron ohe mu mono omalupita na okwa uvaneke kutya ngele okwe mu mono, ote ke mu lombwela kutya Oshifo sha The Namibian osha li tashi mu kongo.