Ondjila yaMakange na Kamanya noya Puwo na Makange dha egululwa kOmupresidende

O ONDJILA oompe oonene, ano ndjoka ya Makange na Kamanya noshowo ndjoka ya Makange nOpuwo noya Outapi na Kahao odha egululwa pambelewa kOmupresidende Hifikepunye Pohamba mOlyomakaya ga zi ko geti 18 Oktoba 2008.

Oondjila ndhoka odha tamekelwe okutungwa omathimbo ga zi ko. Dhimwe dhomudho odha pwa nalenale kwali okutungwa, ashike nee kadha li dha egululwa pambelewa kwali.pEthimbo ta egulula oondjila ndhoka pambelewa Omupresidende Pohamba okwa ti kutya shoka osho naanaa shi li omalalakano gEpangelo okutunga oshilongo nokugandja omayakulo gatya shoo koshigwana, ngashi okutunga oondjila noshowo iiyakulitho yilwe yi ili noyi ili moshilongo, mokati koshigwana moka.Omupresidende ta indile koshigwana shi longithe nawa oondjila dhasho noku dhi kaleka po hi na uukolele.Oondjila oonene ndhoka odhi na oonomola.Ndjoka ya Makange na Kamanya onomola yayo oyo Ondjila onene yonomola 67.Ndjoka ya Puwo na Makange oyo Ondjila onene yonomola 100 omanga ndjoka yAutapi nOkahao oyo Ondjila onene yonomola 123.Oshituthiegululo shika osha li sha kalwa ku Gavena yOshitopolwa sha Kunene tate Murorua noshowo kOokaansela dhe dhOpashitopolwa noshowo ndhoka dhOmalelo gOondoolopa, mwa kwatelwa nOogavena yomuushiinda nOokaansela wo dhIitopolwa nOondoolopa, Aawiliki yOpamuthigululwakalo noyOpambepo, aanangeshefa, aanafaalama noshowo kaagundjuka nosho tuu.Meme H.Kaifanwa ngoka e li Omunashipundi gwOngunduwiliki yElelo lyOondjila oye a ningi oshipopiwa shefalomo.Omusamane Amadou Oumarou gwOmbaanga ya Africa yEhumithokomeho naye ta eta po sha nokwa landulwa kOministeli yIilonga nIiyenditho omusamane Helmut Angula.Omunambelewa Omukuluntupitithi mElelo lyOondjila tate E.Ikela ta pandula ayehe ye yile koshituthiegululo shoondjila oonene shika sha simana noonkondo.Omathimbo ga zi ko Omupresidende omukulu, he yoshigwana tatekulu Sam Nujoma okwa tile kutya Epangelo oli na okutunga ondjila onene tayi taakana uumbangalantu wa Namibia, ano okuza kOkatimamulilo kOshitopolwa sha Caprivi, tayi taakana Okawango, Ohangwena, Omusati nOkunene sigo okefuta lya Atilanda.Ngashiingeyi oshi li nale ngeyi kutya, ondjila ndjoka oya thika nale mOpuwo noya pumbwa ashike okuukithwa muuninginino wa Puwo moka ndele tayi ka mbandukila mefuta ndyoka lya Atilanda, ngashi sha thanekwa.Ondjila yeshina lyokolutenda nayo wo otashi vulika yi ukithwe hoka.Ngashiingeyi ondjila yeshina lyokolutenda, ano olutena lweshina olwa thika nale mOndangwa.Okuza mOndangwa otalu ya mOshakati nokuza mpoka otalu thindithwa muuninginino moka sigo ngaa okomunkulo gwefuta lya Atilanda, hoka kwa ya oondjila dhiihauto.Olutena okuza mOndangwaq olwa ya wo kOshikango hoka kwa tegelelwa lu ka kwatathane naandoka talu ka za mu Angola okuya pOshikango mpoka.Dhimwe dhomudho odha pwa nalenale kwali okutungwa, ashike nee kadha li dha egululwa pambelewa kwali.pEthimbo ta egulula oondjila ndhoka pambelewa Omupresidende Pohamba okwa ti kutya shoka osho naanaa shi li omalalakano gEpangelo okutunga oshilongo nokugandja omayakulo gatya shoo koshigwana, ngashi okutunga oondjila noshowo iiyakulitho yilwe yi ili noyi ili moshilongo, mokati koshigwana moka.Omupresidende ta indile koshigwana shi longithe nawa oondjila dhasho noku dhi kaleka po hi na uukolele.Oondjila oonene ndhoka odhi na oonomola.Ndjoka ya Makange na Kamanya onomola yayo oyo Ondjila onene yonomola 67.Ndjoka ya Puwo na Makange oyo Ondjila onene yonomola 100 omanga ndjoka yAutapi nOkahao oyo Ondjila onene yonomola 123.Oshituthiegululo shika osha li sha kalwa ku Gavena yOshitopolwa sha Kunene tate Murorua noshowo kOokaansela dhe dhOpashitopolwa noshowo ndhoka dhOmalelo gOondoolopa, mwa kwatelwa nOogavena yomuushiinda nOokaansela wo dhIitopolwa nOondoolopa, Aawiliki yOpamuthigululwakalo noyOpambepo, aanangeshefa, aanafaalama noshowo kaagundjuka nosho tuu.Meme H.Kaifanwa ngoka e li Omunashipundi gwOngunduwiliki yElelo lyOondjila oye a ningi oshipopiwa shefalomo.Omusamane Amadou Oumarou gwOmbaanga ya Africa yEhumithokomeho naye ta eta po sha nokwa landulwa kOministeli yIilonga nIiyenditho omusamane Helmut Angula.Omunambelewa Omukuluntupitithi mElelo lyOondjila tate E.Ikela ta pandula ayehe ye yile koshituthiegululo shoondjila oonene shika sha simana noonkondo.Omathimbo ga zi ko Omupresidende omukulu, he yoshigwana tatekulu Sam Nujoma okwa tile kutya Epangelo oli na okutunga ondjila onene tayi taakana uumbangalantu wa Namibia, ano okuza kOkatimamulilo kOshitopolwa sha Caprivi, tayi taakana Okawango, Ohangwena, Omusati nOkunene sigo okefuta lya Atilanda.Ngashiingeyi oshi li nale ngeyi kutya, ondjila ndjoka oya thika nale mOpuwo noya pumbwa ashike okuukithwa muuninginino wa Puwo moka ndele tayi ka mbandukila mefuta ndyoka lya Atilanda, ngashi sha thanekwa.Ondjila yeshina lyokolutenda nayo wo otashi vulika yi ukithwe hoka.Ngashiingeyi ondjila yeshina lyokolutenda, ano olutena lweshina olwa thika nale mOndangwa.Okuza mOndangwa otalu ya mOshakati nokuza mpoka otalu thindithwa muuninginino moka sigo ngaa okomunkulo gwefuta lya Atilanda, hoka kwa ya oondjila dhiihauto.Olutena okuza mOndangwaq olwa ya wo kOshikango hoka kwa tegelelwa lu ka kwatathane naandoka talu ka za mu Angola okuya pOshikango mpoka.