Ondhilayo Airbus ya Air Namibia ontiyali ya thika

O NDHILA ontiyali yo Airbus ya Air Namibia, ndjoka tayi ka kala hayi yi ku Europa, oya thiki pOkapale koondhila kopaigwana ka Hosea Kutako ongula onene yEtitatu.

Ondhila ndjika yo Airbus A340-300 oya thiki mu Namibia okuza molweendo lwayo lwotango okuza ku Frankfurt sha Ndowishi, Omugandjimulombo gwa Air Namibia Ellison Hijarunguru, osho a lombwele The Namibian ngaaka. Ondhila ndjika okwa li yi na okushuna ku Frankfurt uusiku wEtitatu.Hijarungguru okwa ti ondhila ndjika otayi kala hayi longitha oondjila oonde dha Air Namibia, ndhoka dha li nale hadhi tukwa kondhila ya Air Namibia yo Boeng 747, ndjoka Air Namibia a li a landitha po molwashoka aniwa oseevesa yayo oya li yi na ondilo noonkondo.Okuza mpoka, Air Namibia okwa li a tokola okukonga po oondhila ndhika dho Airbus, ta ti, oondhila ndhika ohadhi pula oshimaliwa shi li hwepo.Ngashiingeyi Air Namibia oku na nee oondhila dho Airbus mbali, ndhoka a thitha kehangano limwe lyokuFrance mu Mei omumvo gwa zi ko.Ndjoka yotango, oya tameke okulongithwa mu Desemba gwomumvo gwa zi ko.Hijarunguru okwa ti ndjoka ya thiki mEtitatu oyi na natango olwaala lwoondhila dhehangano lyoondhila ya Lufthansa (lya Ndowishi).Ondhila ndjika Air Namibia okwe yi indila e yi longithe uule woomvula heyali na ohayi humbata aantu ye li 278.Iipundi mbyoka yi li moshikondo shuukengeli (Business Class) oyi li 44.Ondhila ndjika okwa li yi na okushuna ku Frankfurt uusiku wEtitatu.Hijarungguru okwa ti ondhila ndjika otayi kala hayi longitha oondjila oonde dha Air Namibia, ndhoka dha li nale hadhi tukwa kondhila ya Air Namibia yo Boeng 747, ndjoka Air Namibia a li a landitha po molwashoka aniwa oseevesa yayo oya li yi na ondilo noonkondo.Okuza mpoka, Air Namibia okwa li a tokola okukonga po oondhila ndhika dho Airbus, ta ti, oondhila ndhika ohadhi pula oshimaliwa shi li hwepo.Ngashiingeyi Air Namibia oku na nee oondhila dho Airbus mbali, ndhoka a thitha kehangano limwe lyokuFrance mu Mei omumvo gwa zi ko.Ndjoka yotango, oya tameke okulongithwa mu Desemba gwomumvo gwa zi ko.Hijarunguru okwa ti ndjoka ya thiki mEtitatu oyi na natango olwaala lwoondhila dhehangano lyoondhila ya Lufthansa (lya Ndowishi).Ondhila ndjika Air Namibia okwe yi indila e yi longithe uule woomvula heyali na ohayi humbata aantu ye li 278.Iipundi mbyoka yi li moshikondo shuukengeli (Business Class) oyi li 44.