Omutse nomagulu ya monika

O MUTSE gwomuntu, omagulu gaali noompadhi oya adhika mEtitatu lyoshiwike shika lwopofaalama yimwe mondjila onene yopokati ka Venduka nOkapale koondhila kopaigwana ka Hosea Kutako.

Omutetaguli gwomukiintu ngoka omudhimba gwe gwa li gwi itsuwa gwa tetagulwa mendoloma limwe lyiiyagaya mondjila onene ya Venduka nOkahandja ngoka iitopolwa ye yilwe ya adhikile mondjila onene yoB1 pokati ka Venduka Rehoboth konyala pwa piti ngashiingeyi iiwike itatu noshitata, okwa fa ta taandelitha omahala gokweekelahi iitopolwa yomuntu ngoka. Aaniilonga yamwe mboka haya longo pofaalama yedhina Voigtland, konyala ookilometa 35 muuzilo wa Venduka, oyi itsu miitopolwa mbyoka yomuntu ya lala meputa omutenya gwEtitatu, oshikondo oshigandjimulombo shOpolisi tashi popi ngaaka.Sigo taku ningwa omakonakono gopaunongononi, Opolisi itayi vulu okukoleka ngele opu na ekwatathano pokati kiitopolwa mbyoka yi itsuwa mEtitatu nolutu lwomuntu ndoka lwa li lwi itsuwa lwa umbulwa mendoloma lyiiyagaya mondjila konyala ookilometa 42 kuumbangalantu wa Venduka momasiku 17 ga Juni, Omugandjimulombo gwOpolisi mOvenduka Inspekta Omukuluntu Angula Amulungu ta popi ngaaka mEtitatu.Pahokololo lya Amulungu, aaniilonga mboka oya li aniwa taya longo ondhalate pokato kOfaalama ndjoka ya Voigtland sho yi itsu momutse gwomuntu, oompadhi nosho wo omagulu kombinga yoshiputushilo shuunamapya sha Neudamm Agricultural College lwopomagookelo gondjila yokuya ku Dordabis nondjila yoB6.”Omuniilonga gumwe ngoka a li kokule kashona na yakwawo, oye a mono omutse gwomuntu nokwa ithana yakwawo yee ya tale shoka i tsa musho.Omanga nee taya talatala, oyi itsu ishewe mokugulu,” Amulungu ta popi momushangwa ngoka a pititha kwatoka lela omutenya gwEtitatu.Aaniilonga oya li nee ya ka lombwela mwene gwofaalama ngoka a ka lombwelwa Opolisi yopOkapale koondhila kopaigwana ka Hosea Kutako.Olukongo ndoka lwa ningwa mpoka konyala momudhongoloko gwoometa 500, aantu oye ki itsa ishewe mokugulu, nosho wo moompadhi mbali, Amulungu ta tseyitha.Ominwe ndatu dhopokati odha tetwa ko.Ngele nee iitopolwa mbika oyomuntu gwumwe ngoka omulutu lwe lwa adhika lwa tetwa miisitiki nokuumbilwa mendoloma lyiiyagaya iiwike itatu netata ya pitipo ngashiingeyi, osha yela kutya iitopolwa mbika nayo oya li manga ya tulwa mokila yokutalaleka omanga inayi ekelwahi.Omuluntu ndyoka nosho wo omatundji, mbyoka ya li yi itsuwa omathimbo ga zi ko otaku popiwa wo kutya nayo oya li ya tulwa manga mokila omanga inayi ekelwahi momandoloma giiyagaya.Amulungu okwa popi ta ti: “Nando kapu na naanaa ngoka ta vulu okupopya kutya iitopolwa mbika oya kala pehala mpoka ethimbo li thike peni, oshi li ngeyi kutya inayi kala po naanaa ethimbo molwashoka omutse gwomuntu ngoka otagu vulu natango okudhimbululwa.Oshinima shimwe shoka tashi uvitha nayi osho shoka kutya ominwe ndatu dhopokati odha tetwa ko koompadhi adhihe.”Iitopolwa ayihe mbyoka oya tumwa kOkila yOpolisi kOvenduka.Amulungu okwa indile koshigwana kutya mboka ya lopota aantu yawo ya kana naya kambadhale okuninga ekwatathano nOkila yOpolisi opo ya ka tale ngele omutse ngoka ogwomuntu ngoka ya lopota a kana.Ongodhi yokOkila oyo nee (061) 209 4235.Sho olutu lwomunu kalu na omutse lwi itsuwa momasiku 17 Juni opwa piti owala omasiku gatatu ko otaku monika ishewe omatundji gomuntu pehalala limwe lyomavululukilo mondjila onene yoB1.Momasiku 20 Juni, omatundji gomuntu oga li gi itsuwa mondjila ndjoka pokati ka Venduka na Rehoboth konyala ookilometa 25 kuumbangalantu wa Rehoboth.Ehala ndika oli li wo ookilometa 14 kuumbugantu wehala mpoka pwa li pwa adhika omutse gwa nakusa Juanita Mabula ngoka gwa li gwi itsuwa hoka momasiku 24 Kotoba 2005, natango ngaaka komunkulo gwondjila ndjoka yoB1.Omudhimba gwa Mabula ogwa li gwi itsuwa gwa tetwa omutse popepi nondjila onene ya Western Bypass/B1 po Windhoek Turk Club popepi nOhotela onene yedhina Country Club Resort ongula yeti 25 Septemba 2005.Kuyele momasiku 20 Aguste, omudhimba gwa Melanie Jansen gwomimvo 22 gwa li gwi itsuwa gwa umbilwa pooha dhondjila onene ya Western Bypass – oshitopolwa shondjila onene yoB1 – popepi nOsasiona yolusheno yedhina Van Eck Power Station momasiku 20 Aguste 2005.Opolisi inayi ekelahi nenge yi zimine omapopyo kutya otashi vulika omadhipago gaantu mboka yaali ga kale ga kwatathana.Oshiwike sha zi ko, kakukutu kEtanga lyOpolisi ya Namibia, Leitenanda-Ndjayi Sebastian Ndeitunga okwa li a lombwele iikundaneki mOvenduka kutya Opolisi otayi vulu okwashilipaleka noopelesenda 99 kutya omatundji ngoka gi itsuwa omasiku ga zi ko oga kwatathana nomuntu ngoka olutu lwe lwa li lwi itsuwa mendoloma lyiiyagaya pokati ka Venduka nOkahandja.Ashike okwa ti kutya omakonakono gopaunongononi okukoleka oshinima shika, otaga tsikile.Aaniilonga yamwe mboka haya longo pofaalama yedhina Voigtland, konyala ookilometa 35 muuzilo wa Venduka, oyi itsu miitopolwa mbyoka yomuntu ya lala meputa omutenya gwEtitatu, oshikondo oshigandjimulombo shOpolisi tashi popi ngaaka.Sigo taku ningwa omakonakono gopaunongononi, Opolisi itayi vulu okukoleka ngele opu na ekwatathano pokati kiitopolwa mbyoka yi itsuwa mEtitatu nolutu lwomuntu ndoka lwa li lwi itsuwa lwa umbulwa mendoloma lyiiyagaya mondjila konyala ookilometa 42 kuumbangalantu wa Venduka momasiku 17 ga Juni, Omugandjimulombo gwOpolisi mOvenduka Inspekta Omukuluntu Angula Amulungu ta popi ngaaka mEtitatu.Pahokololo lya Amulungu, aaniilonga mboka oya li aniwa taya longo ondhalate pokato kOfaalama ndjoka ya Voigtland sho yi itsu momutse gwomuntu, oompadhi nosho wo omagulu kombinga yoshiputushilo shuunamapya sha Neudamm Agricultural College lwopomagookelo gondjila yokuya ku Dordabis nondjila yoB6.”Omuniilonga gumwe ngoka a li kokule kashona na yakwawo, oye a mono omutse gwomuntu nokwa ithana yakwawo yee ya tale shoka i tsa musho.Omanga nee taya talatala, oyi itsu ishewe mokugulu,” Amulungu ta popi momushangwa ngoka a pititha kwatoka lela omutenya gwEtitatu.Aaniilonga oya li nee ya ka lombwela mwene gwofaalama ngoka a ka lombwelwa Opolisi yopOkapale koondhila kopaigwana ka Hosea Kutako.Olukongo ndoka lwa ningwa mpoka konyala momudhongoloko gwoometa 500, aantu oye ki itsa ishewe mokugulu, nosho wo moompadhi mbali, Amulungu ta tseyitha.Ominwe ndatu dhopokati odha tetwa ko.Ngele nee iitopolwa mbika oyomuntu gwumwe ngoka omulutu lwe lwa adhika lwa tetwa miisitiki nokuumbilwa mendoloma lyiiyagaya iiwike itatu netata ya pitipo ngashiingeyi, osha yela kutya iitopolwa mbika nayo oya li manga ya tulwa mokila yokutalaleka omanga inayi ekelwahi.Omuluntu ndyoka nosho wo omatundji, mbyoka ya li yi itsuwa omathimbo ga zi ko otaku popiwa wo kutya nayo oya li ya tulwa manga mokila omanga inayi ekelwahi momandoloma giiyagaya.Amulungu okwa popi ta ti: “Nando kapu na naanaa ngoka ta vulu okupopya kutya iitopolwa mbika oya kala pehala mpoka ethimbo li thike peni, oshi li ngeyi kutya inayi kala po naanaa ethimbo molwashoka omutse gwomuntu ngoka otagu vulu natango okudhimbululwa.Oshinima shimwe shoka tashi uvitha nayi osho shoka kutya ominwe ndatu dhopokati odha tetwa ko koompadhi adhihe.”Iitopolwa ayihe mbyoka oya tumwa kOkila yOpolisi kOvenduka.Amulungu okwa indile koshigwana kutya mboka ya lopota aantu yawo ya kana naya kambadhale okuninga ekwatathano nOkila yOpolisi opo ya ka tale ngele omutse ngoka ogwomuntu ngoka ya lopota a kana.Ongodhi yokOkila oyo nee (061) 209 4235.Sho olutu lwomunu kalu na omutse lwi itsuwa momasiku 17 Juni opwa piti owala omasiku gatatu ko otaku monika ishewe omatundji gomuntu pehalala limwe lyomavululukilo mondjila onene yoB1.Momasiku 20 Juni, omatundji gomuntu oga li gi itsuwa mondjila ndjoka pokati ka Venduka na Rehoboth konyala ookilometa 25 kuumbangalantu wa Rehoboth.Ehala ndika oli li wo ookilometa 14 kuumbugantu wehala mpoka pwa li pwa adhika omutse gwa nakusa Juanita Mabula ngoka gwa li gwi itsuwa hoka momasiku 24 Kotoba 2005, natango ngaaka komunkulo gwondjila ndjoka yoB1.Omudhimba gwa Mabula ogwa li gwi itsuwa gwa tetwa omutse popepi nondjila onene ya Western Bypass/B1 po Windhoek Turk Club popepi nOhotela onene yedhina Country Club Resort ongula yeti 25 Septemba 2005. Kuyele momasiku 20 Aguste, omudhimba gwa Melanie Jansen gwomimvo 22 gwa li gwi itsuwa gwa umbilwa pooha dhondjila onene ya Western Bypass – oshitopolwa shondjila onene yoB1 – popepi nOsasiona yolusheno yedhina Van Eck Power Station momasiku 20 Aguste 2005.Opolisi inayi ekelahi nenge yi zimine omapopyo kutya otashi vulika omadhipago gaantu mboka yaali ga kale ga kwatathana.Oshiwike sha zi ko, kakukutu kEtanga lyOpolisi ya Namibia, Leitenanda-Ndjayi Sebastian Ndeitunga okwa li a lombwele iikundaneki mOvenduka kutya Opolisi otayi vulu okwashilipaleka noopelesenda 99 kutya omatundji ngoka gi itsuwa omasiku ga zi ko oga kwatathana nomuntu ngoka olutu lwe lwa li lwi itsuwa mendoloma lyiiyagaya pokati ka Venduka nOkahandja.Ashike okwa ti kutya omakonakono gopaunongononi okukoleka oshinima shika, otaga tsikile.