Omusamane gwomOkankuzi a tidhwa megumbo nokuningilwa okagumbo komukulukadhi gwe

POKANKUZI O MUSAMANE gwomomukunda Okankuzi popepi nOshigambo mOndonga mOshitopolwa sha Shikoto tate Simon Kakili omasiku ngaka okwa tidhwaatidhwa mo megumbo lyawo komukulukadhi gwe nokuningilwa okagumbo ke mepya lyawo.

Kepulo kutya okwa tidhilwa shike, tate Kakili ota ti ke shi shoka a ninga oshinene shoku mu tidhitha megumbo lye ngeyi. Ta ti okwa haluka ashike omukulukadhi gwe Soini Nandjembo Kakili noyana yamwe nomusamane gumwe gwomomukunda gwawo moka ya tameke taye mu hepeke, taye mu tuku noku mu undagula.Taya ti kutya ye oshinima showala na naze mo megumbo lyawo.”Epya ndjoka ongaye nde li kokola po nokutunga mo egumbo manga inandi hokana Soini ngoka na ka ndi uvite ko kutya omolwashike e na okutidha ndje mo ngawo nokukaningilwa okagumbo mepya lyandje nda fa omukulukadhi,” Kakili ta ti ngawo.Ta ti sho nee e li mokagumbo ke moka a dhikilwa mepya lye kathikama ashike moondunda mbali, ke na sho ta lile mo oshoka ka pelwa mo iikulya komukulukadhi gwe ngoka.Shoka oshe mu thiminike a thige po wo okagumbo ke hoka nokwa yi a ka kale nomutekulu gwe Tetekela Matheus Shihepo mOkankuzi tuu moka, ngoka naye wo e li omupombolume okuza mpoka sho omukomukulukadhi gwe e mu fadhuka po omathimbo ga zi ko.Aasamane mbaka yaali, otaya mono iihuna noyendji yomomukunda gwawo moka otaya ti kutya oya pumbwa ekwatho muupyakadhi wawo mbuka.Tatekulu Kakili ota hokololele The Namibian kutya uupyakadhi wawo mbuka owa yile sigo okoomwene gwomukunda gwawo tatekulu Erastus Namutuya nokoshipundi oshinene sha Hangano, hoka ooyene yomikunda naakwashigwana mOkankuzi nomomudhingoloko ye yile okupulakena shoka shi li po, ashike sigo oompaka owa nyengana okupotokononwa.Tatekulu Namutuya ota ti kutya uupyakadhi mboka wu li pokati ka tate Kakili nomukulukadhi gwe Soini uunene nowa nyengwa okupotokononwa.Tatekulu Namutuya ta ti kutya owa li wa pwaakenwa kompangu yopamukunda ndele inau pondoka.Tau falwa nee kOshipundi shopokati sha Ehangano hoka wo natango inau pondoka.Opolisi nayo oya yile mo moshinima na nayo inayi pondola sha.”Shoka sha talika po shi li hwepo, ooshoka shokukala ngeno ya topoka nonando ye li megumbo limwe, “tatekulu Namutuya ta ti ngawo.Kepulo, Omupopiliko gwElelo lyOndonga Elenga enene Boas Mweendeleli, okwa ti kutya yo mElelo lyOndonga kaye shi oshinima shatya ngawo.Ta uvaneke kutya ngele osha etwa ko kuyo, otaye shi konaakona.”Inatu shi uva nande nale.Muuyuni omu na iinima tayi ningwa kaantu ya nika iinyengandunge taaa! Tatekulu Mweendeleli ta ti nokuuvaneka kutya otaye shi konaakona.The Namibian okwa kala ta ningi oonkembadhala dhokumonathana na meme Soini, ashike ine shi pondola oku mu mona pethimbo oshinyolwa shika tashi yi komanyanyangidho.Onkee tatu ka kembadhala oku mu mona opo e tu pe wo ehokololo okuza kombinga ye moshinima shika.Tatekulu Kakili ota ti kutya yo na meme Soini oya hokana paNgeleka.Ya hokanithwa aniwa kOngeleka yimwe yomoongeleka dhomOshakati, ndjoka ke shi kutya edhina lyayo oshike.Ta ti okwa haluka ashike omukulukadhi gwe Soini Nandjembo Kakili noyana yamwe nomusamane gumwe gwomomukunda gwawo moka ya tameke taye mu hepeke, taye mu tuku noku mu undagula.Taya ti kutya ye oshinima showala na naze mo megumbo lyawo.”Epya ndjoka ongaye nde li kokola po nokutunga mo egumbo manga inandi hokana Soini ngoka na ka ndi uvite ko kutya omolwashike e na okutidha ndje mo ngawo nokukaningilwa okagumbo mepya lyandje nda fa omukulukadhi,” Kakili ta ti ngawo.Ta ti sho nee e li mokagumbo ke moka a dhikilwa mepya lye kathikama ashike moondunda mbali, ke na sho ta lile mo oshoka ka pelwa mo iikulya komukulukadhi gwe ngoka.Shoka oshe mu thiminike a thige po wo okagumbo ke hoka nokwa yi a ka kale nomutekulu gwe Tetekela Matheus Shihepo mOkankuzi tuu moka, ngoka naye wo e li omupombolume okuza mpoka sho omukomukulukadhi gwe e mu fadhuka po omathimbo ga zi ko.Aasamane mbaka yaali, otaya mono iihuna noyendji yomomukunda gwawo moka otaya ti kutya oya pumbwa ekwatho muupyakadhi wawo mbuka.Tatekulu Kakili ota hokololele The Namibian kutya uupyakadhi wawo mbuka owa yile sigo okoomwene gwomukunda gwawo tatekulu Erastus Namutuya nokoshipundi oshinene sha Hangano, hoka ooyene yomikunda naakwashigwana mOkankuzi nomomudhingoloko ye yile okupulakena shoka shi li po, ashike sigo oompaka owa nyengana okupotokononwa.Tatekulu Namutuya ota ti kutya uupyakadhi mboka wu li pokati ka tate Kakili nomukulukadhi gwe Soini uunene nowa nyengwa okupotokononwa.Tatekulu Namutuya ta ti kutya owa li wa pwaakenwa kompangu yopamukunda ndele inau pondoka.Tau falwa nee kOshipundi shopokati sha Ehangano hoka wo natango inau pondoka.Opolisi nayo oya yile mo moshinima na nayo inayi pondola sha.”Shoka sha talika po shi li hwepo, ooshoka shokukala ngeno ya topoka nonando ye li megumbo limwe, “tatekulu Namutuya ta ti ngawo.Kepulo, Omupopiliko gwElelo lyOndonga Elenga enene Boas Mweendeleli, okwa ti kutya yo mElelo lyOndonga kaye shi oshinima shatya ngawo.Ta uvaneke kutya ngele osha etwa ko kuyo, otaye shi konaakona.”Inatu shi uva nande nale.Muuyuni omu na iinima tayi ningwa kaantu ya nika iinyengandunge taaa! Tatekulu Mweendeleli ta ti nokuuvaneka kutya otaye shi konaakona.The Namibian okwa kala ta ningi oonkembadhala dhokumonathana na meme Soini, ashike ine shi pondola oku mu mona pethimbo oshinyolwa shika tashi yi komanyanyangidho.Onkee tatu ka kembadhala oku mu mona opo e tu pe wo ehokololo okuza kombinga ye moshinima shika.Tatekulu Kakili ota ti kutya yo na meme Soini oya hokana paNgeleka.Ya hokanithwa aniwa kOngeleka yimwe yomoongeleka dhomOshakati, ndjoka ke shi kutya edhina lyayo oshike.