Omuprima Nahas Angula ota ka popitha oshigwana mOshitopolwa sha Ohangwena ngula mEtitatu

O SHITUTHIVALO shOrepublika ya Namibia sho ta gwanitha oomvula 17 a manguluka otashi dhanwa mIitopolwa ayihe omulongoniitatu ya Namibia nomuumbangalantu oshituthi oshinene otashi ka dhanenwa pOhangwena mOshitopolwa sha Hangwena, mpoka tashi ka popithwa kOministeli Onkuluntu ya Namibia omusamane Nahas Angula.

pOhangwena mpoka opwa tegelelwa pu ka kale lela engathithi enene lyaanashituthi mboka taye ke ya mpoka nokupulakena etumwalaka lyOmuprima gwoshilongo. Oshituthi oshikwawo oshinene sha fa shikwawo otashi ka dhanenwa pOkapale kEmanguluko komOvenduka moka engathithi enene lyaakalimo yomOshitopolwa shaKhomas nosho tuu lya tegelelwa li ka gongale mpoka nokutyapula esiku ndika neitulomo.Ookaansela dhIitopolwa odha kala nodhi li tadhi igidhile oshigwana noku shi tseyithila mpoka tapu gongalwa ngula mIitopolwa yawo moka.Mba taya ti ngaa eteleleni uumbele niiyaha yeni.Sha hala kutya kokuma hoka okwa tselwa oondumetana dhoondoka nani.Mboka itaya gongala pashitopolwa, Ookaansela dhIikandjohogololo yadho oya longekidha Iituthi mbika mIikandjohogololo yawo, ano ya longekidha paikandjohogololo yawo.Okuzilila kOmbelewa ya Gavena ya Hangwena, otaku tiwa kutya kakele kiitendele mbyoka yi li pOhangwena mpoka, Omuprima nosheendo she oya tegelelwa ya ka tyapule oshituthi shika kOogavena, ano kegumbo lya Gavena yOshitopolwa sha Hangwena tate Usko Nghaamwa.mOshikandjohogololo sha Anamulenge, otwa kundana ku Kaansela gwOshikandjohogololo shoka tate Josef Kanyenye Aluvilu kutya yo otaye ke shi dhanena momukunda Oshiputu mOmbalantu mOshitopolwa sha Musati moka, omanga Kaansela gwOshikandjohogololo sha Nesi tate Fillemon Jatileni a ti kutya yo yomOshikandjohogololo sha Nesi mOshitopolwa sha Musati moka otaye ke shi dhanena pIilyateko.Kakele kwaashoka tashi ka kala pOhangwena mOshitopolwa sha Hangwena moka, Kaansela gwOshikandjohogololo sha Kongo mOshitopolwa sha Hangwena moka, tate Paulus Mwahanyenkange, okwa ti kutya yo wo mOshikandjohogololo she sha Kongo otaye ke shi dhanena momukunda Ehafo mOshitopolwa shawo sha Hangwena moka meti 23 Malitsa 2007.Ta ti kutya otashi ka popithwa kOministeli Onkuluntu tatekulu Nahas Angula.mOshitopolwa sha Shana nosho wo sha Shikoto, namo Ookaansela dhIitopolwa odha tseyitha kutya otamu dhanwa oshituthi shika sha simana mondjokonona ya Namibia naakalimo yomIikandjohogololo oya tseyithilwa nale kutya openi taya ka dhanena nokutyapulila oshituthi shawo shika.Yamwe otaye shi dhana ngula mEtitatu omanga yamwe ye shi longekidha konima yesiku lya ngula.Tu shi tyapuleni ano nawa nombili nengungumano nesimanekathano.Oshituthi oshikwawo oshinene sha fa shikwawo otashi ka dhanenwa pOkapale kEmanguluko komOvenduka moka engathithi enene lyaakalimo yomOshitopolwa shaKhomas nosho tuu lya tegelelwa li ka gongale mpoka nokutyapula esiku ndika neitulomo.Ookaansela dhIitopolwa odha kala nodhi li tadhi igidhile oshigwana noku shi tseyithila mpoka tapu gongalwa ngula mIitopolwa yawo moka.Mba taya ti ngaa eteleleni uumbele niiyaha yeni.Sha hala kutya kokuma hoka okwa tselwa oondumetana dhoondoka nani.Mboka itaya gongala pashitopolwa, Ookaansela dhIikandjohogololo yadho oya longekidha Iituthi mbika mIikandjohogololo yawo, ano ya longekidha paikandjohogololo yawo.Okuzilila kOmbelewa ya Gavena ya Hangwena, otaku tiwa kutya kakele kiitendele mbyoka yi li pOhangwena mpoka, Omuprima nosheendo she oya tegelelwa ya ka tyapule oshituthi shika kOogavena, ano kegumbo lya Gavena yOshitopolwa sha Hangwena tate Usko Nghaamwa.mOshikandjohogololo sha Anamulenge, otwa kundana ku Kaansela gwOshikandjohogololo shoka tate Josef Kanyenye Aluvilu kutya yo otaye ke shi dhanena momukunda Oshiputu mOmbalantu mOshitopolwa sha Musati moka, omanga Kaansela gwOshikandjohogololo sha Nesi tate Fillemon Jatileni a ti kutya yo yomOshikandjohogololo sha Nesi mOshitopolwa sha Musati moka otaye ke shi dhanena pIilyateko.Kakele kwaashoka tashi ka kala pOhangwena mOshitopolwa sha Hangwena moka, Kaansela gwOshikandjohogololo sha Kongo mOshitopolwa sha Hangwena moka, tate Paulus Mwahanyenkange, okwa ti kutya yo wo mOshikandjohogololo she sha Kongo otaye ke shi dhanena momukunda Ehafo mOshitopolwa shawo sha Hangwena moka meti 23 Malitsa 2007.Ta ti kutya otashi ka popithwa kOministeli Onkuluntu tatekulu Nahas Angula.mOshitopolwa sha Shana nosho wo sha Shikoto, namo Ookaansela dhIitopolwa odha tseyitha kutya otamu dhanwa oshituthi shika sha simana mondjokonona ya Namibia naakalimo yomIikandjohogololo oya tseyithilwa nale kutya openi taya ka dhanena nokutyapulila oshituthi shawo shika.Yamwe otaye shi dhana ngula mEtitatu omanga yamwe ye shi longekidha konima yesiku lya ngula.Tu shi tyapuleni ano nawa nombili nengungumano nesimanekathano.