Omupresidende a yapukila Nujoma

O SHEENDO shOmupresidende Hifikepunye Pohamba shoka sha adhika sha thinda kOshipangelo shEpangelo kOshakati ongula yEtiyali, osha li sha thiminikwa shi ze ko kopate ombaadhilila nokuyapukila osheendo shOmupresidende omukulu, He yOshigwana, Sam Nujoma, shoka sha adhika nasho tashi longitha ondjila ndjoka okuza kOshakati shuuka kOndangwa.

The Namibian okwa kundana kutya ongula yEtiyali ndyoka, Opolisi ya Shakati oya mono elombwelo kutya Omupresidende omukulu, He yOshigwana, ota piti mOshakati a thinda kOvenduka. Opolisi, oya tulwa pomatsakaneno goondjila opo He yOshigwana sho ta zi hoka, iiyenditho yaakwashigwana yi kankame nokumu yapukila.Pomatsakaneno goondjila pokati kOmarobota ga Ngwediva nOkolindji ya Ngwediva napo opwa tulwa Aapolisi.Sho ngaa Osheendo shOmupresidende omukulu sha thiki mOshakati tashi pula komeho okuuka kOndangwa, aaniihauto ayehe mboka ya adhika taya zi kOndangwa ya thinda kOshakati oya sitopwa nokupewa elomnbwelo ya ze ko kOpate.Mboka ya adhika taya zi kOndangwa ya thinda kOngwediva nayo oya kuthwa ko kOpate, ya tegelele Omundohotola Nujoma nosheendo she ya pite po manga.Manga ngaa Aapolisi taya kankameke aaniihauto pokati kOkolligi nOmarobota ga Ngwediva nokulombwele aaniihauto mboka taya zilile kOndangwa ya ze ko kOpate molwashoka he yoshigwana nosheendo she oye li lela popepi nokupita mpoka, oya papala kombinga tuu ndjoka yokOndangwa taku zilile osheendo shOmupresidende Pohamba sha thinda kOshakati.Oshinima osha kala nee sha piyagana, molwashoka osheendo shOmupresidende omukulu Nujoma osha li shi li pokuthika mpoka, showo shoka shOmupresidende Pohamba nasho oshuuluka ko.Opolisi, mokukala ya limbililwa mpoka, oya kutha ko kOpate osheendo shOmupresidende Pohamba nosha kala mooha dhopate manga kumwe naakwashigwana sha tegelela shoka sha tatekulu Nujoma shi pite po.Aakwashigwana mboka ya li mpoka, oya kala ya limbililwa konkalo ndjoka, unene tuu yokumona osheendo shOmupresidende Pohamba tashi kuthwa ko kOpate ngashi aakwashigwana haya kuthwa ko nosha kala kooha dhopate kumwe naakwashigwana.”Oshike ngawo? Yamwe osho ya kala taya pula ngaaka.Ashike yamwe oya ti kutya Omupresidende Pohamba okwa ninga nawa sho a yapukila omukuluntu gwe.”Eeno, tse pamuthigululwakalo, omunona oye ngaa e na okuyapukila omukuluntu,” gumwe a li mpoka ta ti ngaaka.Ngoka a li pehala lya Komanda gwOpolisi mOshitopolwa sha Shana esiku ndjoka, ano Chief Inspecta Golden Naanda, kepulo, okwa lombwele The Namibian kutya epuko olya fa lya etwa po komakwatathano pokati kOoprotokolo dhAawiliki lya li inali enda nawa.Oshinima shimwe ishewe, Chief Inspecta Naanda ta ti, Omupresidende Pohamba esiku ndjoka nani okwa li a kutha etokolo lyokuya koshipangelo shEpangelo sha Shakati ombaadhilila, ano paholamo, opo a ka konaakone sha ngiika, a li e shi lopotelwa.Omukuluntu gwOshipangelo shEpangelo sha Shakati Omundohotola Williams Denner, kepulo, okwa koleke koThe Namibian kutya oshoshili Omupresidende Pohamba ongula yEtiyali lyoshiwike shika okwa li i iyakele ombaadhilila moshipangelo sha Shakati.”Tse otwa mona ashike sho e li mokati ketu, ta ti okwe ya oku tu talela po pamwe noshipangelo shetu,” Omundohotola Denner ta lombwele Oshifo shika ngawo.Onzo yimwe okuzilila mOshipangelo shEpangelo sha Shakati oya lombwela Oshifo shika kutya Omupresidende Pohamba okwa li a yi mu dhimwe dhomoosala moka nokukonaakona mpeyaka naampeyaka.Sho a mana shoka a li e ya okukonaakona okwa shuna nombili ishewe.Opolisi, oya tulwa pomatsakaneno goondjila opo He yOshigwana sho ta zi hoka, iiyenditho yaakwashigwana yi kankame nokumu yapukila.Pomatsakaneno goondjila pokati kOmarobota ga Ngwediva nOkolindji ya Ngwediva napo opwa tulwa Aapolisi.Sho ngaa Osheendo shOmupresidende omukulu sha thiki mOshakati tashi pula komeho okuuka kOndangwa, aaniihauto ayehe mboka ya adhika taya zi kOndangwa ya thinda kOshakati oya sitopwa nokupewa elomnbwelo ya ze ko kOpate.Mboka ya adhika taya zi kOndangwa ya thinda kOngwediva nayo oya kuthwa ko kOpate, ya tegelele Omundohotola Nujoma nosheendo she ya pite po manga.Manga ngaa Aapolisi taya kankameke aaniihauto pokati kOkolligi nOmarobota ga Ngwediva nokulombwele aaniihauto mboka taya zilile kOndangwa ya ze ko kOpate molwashoka he yoshigwana nosheendo she oye li lela popepi nokupita mpoka, oya papala kombinga tuu ndjoka yokOndangwa taku zilile osheendo shOmupresidende Pohamba sha thinda kOshakati.Oshinima osha kala nee sha piyagana, molwashoka osheendo shOmupresidende omukulu Nujoma osha li shi li pokuthika mpoka, showo shoka shOmupresidende Pohamba nasho oshuuluka ko.Opolisi, mokukala ya limbililwa mpoka, oya kutha ko kOpate osheendo shOmupresidende Pohamba nosha kala mooha dhopate manga kumwe naakwashigwana sha tegelela shoka sha tatekulu Nujoma shi pite po.Aakwashigwana mboka ya li mpoka, oya kala ya limbililwa konkalo ndjoka, unene tuu yokumona osheendo shOmupresidende Pohamba tashi kuthwa ko kOpate ngashi aakwashigwana haya kuthwa ko nosha kala kooha dhopate kumwe naakwashigwana.”Oshike ngawo? Yamwe osho ya kala taya pula ngaaka.Ashike yamwe oya ti kutya Omupresidende Pohamba okwa ninga nawa sho a yapukila omukuluntu gwe.”Eeno, tse pamuthigululwakalo, omunona oye ngaa e na okuyapukila omukuluntu,” gumwe a li mpoka ta ti ngaaka.Ngoka a li pehala lya Komanda gwOpolisi mOshitopolwa sha Shana esiku ndjoka, ano Chief Inspecta Golden Naanda, kepulo, okwa lombwele The Namibian kutya epuko olya fa lya etwa po komakwatathano pokati kOoprotokolo dhAawiliki lya li inali enda nawa.Oshinima shimwe ishewe, Chief Inspecta Naanda ta ti, Omupresidende Pohamba esiku ndjoka nani okwa li a kutha etokolo lyokuya koshipangelo shEpangelo sha Shakati ombaadhilila, ano paholamo, opo a ka konaakone sha ngiika, a li e shi lopotelwa.Omukuluntu gwOshipangelo shEpangelo sha Shakati Omundohotola Williams Denner, kepulo, okwa koleke koThe Namibian kutya oshoshili Omupresidende Pohamba ongula yEtiyali lyoshiwike shika okwa li i iyakele ombaadhilila moshipangelo sha Shakati.”Tse otwa mona ashike sho e li mokati ketu, ta ti okwe ya oku tu talela po pamwe noshipangelo shetu,” Omundohotola Denner ta lombwele Oshifo shika ngawo.Onzo yimwe okuzilila mOshipangelo shEpangelo sha Shakati oya lombwela Oshifo shika kutya Omupresidende Pohamba okwa li a yi mu dhimwe dhomoosala moka nokukonaakona mpeyaka naampeyaka.Sho a mana shoka a li e ya okukonaakona okwa shuna nombili ishewe.