Omupresidende a londodha oonakupopya nayi He yOshigwana mEsiku lyOmapenda

O MUPRESIDENDE Hifikepunye Pohamba okwa longitha ompito yeegululo pambelewa lyesiku lyokudhimbulukwa Omapendafule mekondjelomanguluko lya Namibia pEenhana mOsoondaha oku ulika mpoka ye nosho wo ongundu ye ya thikama kombinga yoshipotha shoka NSHR a fala kOmpangu yIimbuluma yOpaigwana nenge tutye International Criminal Court (ICC).

Kuyelee esiku tuu ndyoka, Omupresidende okwa li a suukula Ewendo moka mwa fumvikwa omasipa goonakulwa yoSwapo ngoka ga li gi itsuwa pEenhana mpoka nosho wo pomahala galwe moshitopolwa shoka shomOnooli momumvo 2005. Pohamba pamwe naakwanegongalo yalwe aakuluntu, mwakwatelwa wo nOmupresidende Omukulu tatekulu Sam Nujoma, oya li ya gandja esimaneko lyawo konakulwa yoSwapo mboka omasipa gawo ga fumvikululwa esiku ndyoka.Moshipopiwa she shoka a lesha esiku ndyoka, Pohamba okwa popi kutya oshinima sha NSHR oshi na okulongiwa nasho koohailwa ayehe yAanamibia.”Mboka taya ponokele nokuninga Hailwa Nujoma ondeveli, otaya kutha ombinga moshinima sha nyika oshiponga shoka tashi vulu okufala oshilongo shetu muupyakadhi uunene, nokushi kutha mombili nengungumano moka shi li nokushi fala mokwaainekelathana,” Omupresidende ta lombwele ngaaka aantu omayovi ogendji mboka ya li ya gongala pEenhana mpoka okuza kiitopolwa ayihe ya Namibia.Ta ti Namibia okwa mona nkene epiyagano nomakuyunguto gopapolitika ga hanagula iilongo mu Afrika nosho wo miilongo yilwe muuyuni.NSHR okwa pula Ompangu ndjoka yOpaigwana opo yi ningile Nujoma nosho wo aaleli yalwe aakulu yopakwiita yatatu omakonakono kombinga yaantu mboka aniwa ya kana pethimbo lyekondjelomanguluko nosho wo konima yekondjelomanguluko lyoshilongo.Pohamba okwa indile Aanamibia ayehe opo ya hangane mokukondema mboka ya hala okupiyaganeka ombili nengungumano moshilongo.Ta popi kutya omanga aayambidhidhi yamwe yoSwapo ya yi pondje yoshilongo muupongekwa, yamwe oya kala meni lyoshilongo taya kondjele evi lyawo nokumonithwa iihuna ngaashi okudhengwa nokutulwa moondholongo.Ayehe oya kala ya hangana muukumwe wumwe nelalakano limwe lyokumangulula evi lyawo kutya nee oye shi ningi paundiplomaate, papolitika nenge omamilitali.”Ombinzi yawo oya eta emanguluko lyoshilongo.Ombili nengungumano mbyoka tatu tyapula nena, oyo iinima ya simana noonkondo meyambulepo lyoshilongo shetu, molwashoka ngele kayi po, itatu vulu okuya komeho nawa nomayambulepo goshilongo shetu.Na ngele mbyoka kayi po, itatu vulu wo okwaadha omalalakano getu ngaashi ndyoka lyontengenekwathaneko yomumvo 2030 nosho wo yilwe,” Omupresidende ta popi.Pohamba ta ti kapu na omalimbililo kutya oshipotha shoka sha falwa kOmpangu ya ICC nosho wo omaponokelo gopakanya ngoka taga ningilwa Nujoma oshinima tashi ningilwa owina nelalakano okupiyaganeka ombili nengungumano mu Namibia.Okwa lombwele wo engungo ndyoka lya li lya gongala mpoka kutya oshi li oshinakugwanithwa shOmunamibia kehe okugamenena po ombili nengungumano mbyoka tayi tyapulwa mu Namibia nena.”Omaponokelo ngoka taga ningilwa Omukokoli Presidende ngoka wo e li He yOshigwana Hailwa Sam Nujoma nooyakwawo yatatu, oshinima shoka tashi vulu okuteyagula ombili nengungumano moshilongo shetu, notandi longitha ishewe ompito ndjika okupopitha oshigwana kombinga yoshinima shika,” ta popi ngaaka.”Omukokoli Presidende gwetu Nujoma, onda hala okukukwashilipaleka mpaka kutya otatu ku yambidhidha moshinima shika,” Pohamba ta popi ngaaka miipathi ya tatekulu Nujoma ngoka a li wo poshituthi shoka.Ta ti omanga taya dhimbulukwa omapendafule ngoka ga sila mekondjelomanguluko, oshigwana oshi na wo oudhimbulukwa mboka ye na omwenyo ngaashi Nujoma na yakwawo mboka ya gandja oonkalamwenyo dhawo mekondjelomanguluko.”Ondishi shi kutya opu na aantu yamwe taya popi kutya ngame opaapeta ya Nujoma.Onda hala oku mu lombwela mpaka kutya, kandali, na kandili na itandi ka kala opaapeta yomuntu,” Pohamba ta tsu ngaaka omuthindo.”Onda hala okuyelitha mpaka kutyetokolo okugalukila kegumbo nokukondjitha okatongotongo, olya li etokolo lyewiliko lyoSwapo, ihe ka lya li etokolo lya Nujoma nenge lya Pohamba.”Ta ti oyendji yomAanamibia oyeshi shi kutya Nujoma ependafule lyekondjelomanguluko naamboka taye mu ningi omwiinayi, taye shi ningi ye shi shi nenge mokwaashiwo, otaya piyaganeke ombili nengungumano mu Namibia.Pohamba pamwe naakwanegongalo yalwe aakuluntu, mwakwatelwa wo nOmupresidende Omukulu tatekulu Sam Nujoma, oya li ya gandja esimaneko lyawo konakulwa yoSwapo mboka omasipa gawo ga fumvikululwa esiku ndyoka.Moshipopiwa she shoka a lesha esiku ndyoka, Pohamba okwa popi kutya oshinima sha NSHR oshi na okulongiwa nasho koohailwa ayehe yAanamibia.”Mboka taya ponokele nokuninga Hailwa Nujoma ondeveli, otaya kutha ombinga moshinima sha nyika oshiponga shoka tashi vulu okufala oshilongo shetu muupyakadhi uunene, nokushi kutha mombili nengungumano moka shi li nokushi fala mokwaainekelathana,” Omupresidende ta lombwele ngaaka aantu omayovi ogendji mboka ya li ya gongala pEenhana mpoka okuza kiitopolwa ayihe ya Namibia.Ta ti Namibia okwa mona nkene epiyagano nomakuyunguto gopapolitika ga hanagula iilongo mu Afrika nosho wo miilongo yilwe muuyuni.NSHR okwa pula Ompangu ndjoka yOpaigwana opo yi ningile Nujoma nosho wo aaleli yalwe aakulu yopakwiita yatatu omakonakono kombinga yaantu mboka aniwa ya kana pethimbo lyekondjelomanguluko nosho wo konima yekondjelomanguluko lyoshilongo.Pohamba okwa indile Aanamibia ayehe opo ya hangane mokukondema mboka ya hala okupiyaganeka ombili nengungumano moshilongo.Ta popi kutya omanga aayambidhidhi yamwe yoSwapo ya yi pondje yoshilongo muupongekwa, yamwe oya kala meni lyoshilongo taya kondjele evi lyawo nokumonithwa iihuna ngaashi okudhengwa nokutulwa moondholongo.Ayehe oya kala ya hangana muukumwe wumwe nelalakano limwe lyokumangulula evi lyawo kutya nee oye shi ningi paundiplomaate, papolitika nenge omamilitali.”Ombinzi yawo oya eta emanguluko lyoshilongo.Ombili nengungumano mbyoka tatu tyapula nena, oyo iinima ya simana noonkondo meyambulepo lyoshilongo shetu, molwashoka ngele kayi po, itatu vulu okuya komeho nawa nomayambulepo goshilongo shetu.Na ngele mbyoka kayi po, itatu vulu wo okwaadha omalalakano getu ngaashi ndyoka lyontengenekwathaneko yomumvo 2030 nosho wo yilwe,” Omupresidende ta popi.Pohamba ta ti kapu na omalimbililo kutya oshipotha shoka sha falwa kOmpangu ya ICC nosho wo omaponokelo gopakanya ngoka taga ningilwa Nujoma oshinima tashi ningilwa owina nelalakano okupiyaganeka ombili nengungumano mu Namibia.Okwa lombwele wo engungo ndyoka lya li lya gongala mpoka kutya oshi li oshinakugwanithwa shOmunamibia kehe okugamenena po ombili nengungumano mbyoka tayi tyapulwa mu Namibia nena.”Omaponokelo ngoka taga ningilwa Omukokoli Presidende ngoka wo e li He yOshigwana Hailwa Sam Nujoma nooyakwawo yatatu, oshinima shoka tashi vulu okuteyagula ombili nengungumano moshilongo shetu, notandi longitha ishewe ompito ndjika okupopitha oshigwana kombinga yoshinima shika,” ta popi ngaaka.”Omukokoli Presidende gwetu Nujoma, onda hala okukukwashilipaleka mpaka kutya otatu ku yambidhidha moshinima shika,” Pohamba ta popi ngaaka miipathi ya tatekulu Nujoma ngoka a li wo poshituthi shoka.Ta ti omanga taya dhimbulukwa omapendafule ngoka ga sila mekondjelomanguluko, oshigwana oshi na wo oudhimbulukwa mboka ye na omwenyo ngaashi Nujoma na yakwawo mboka ya gandja oonkalamwenyo dhawo mekondjelomanguluko.”Ondishi shi kutya opu na aantu yamwe taya popi kutya ngame opaapeta ya Nujoma.Onda hala oku mu lombwela mpaka kutya, kandali, na kandili na itandi ka kala opaapeta yomuntu,” Pohamba ta tsu ngaaka omuthindo.”Onda hala okuyelitha mpaka kutyetokolo okugalukila kegumbo nokukondjitha okatongotongo, olya li etokolo lyewiliko lyoSwapo, ihe ka lya li etokolo lya Nujoma nenge lya Pohamba.”Ta ti oyendji yomAanamibia oyeshi shi kutya Nujoma ependafule lyekondjelomanguluko naamboka taye mu ningi omwiinayi, taye shi ningi ye shi shi nenge mokwaashiwo, otaya piyaganeke ombili nengungumano mu Namibia.