Omuperesidende gwa Malawi a tidha gavena gwombaanga

OMUPERESIDENDE gwa Malawi okwa tidha miilonga gavena gwombaanga yopokati ya Malawi nokuulika omuwiliki gwehangano lyoongodhi dhopeke ongo ngoloneya omupe gwombaanga ndjoka. Ndjika ota ku tiwa, onkatu yimwe yakuthwa ku Jocyce Banda okwoopaleka oshilongo she, noku heka aagandji yooshali ya galukile kusho.

Ota ku tiwa Banda okwa thaneka, Charles Chuka omukuluntu gwehangano lyoongodhi lyedhina MTL oye a ninge omutse omupe gwombaanga ya Malawi. Onkundana ndjika kaya li natango ya kolekwa, na oya li ya kundanekwa koradio yopaumwene ya Zodiak Broadcasting etiyali oshiwike shayi ya tile, Banda okwa hogolola Chuka oye a pingenepo, Perks Ligoya. Ombaanga yoyene ina yi tya sha moshinima shika. Omanga Chuka inaa ulikwa ongo omukuluntu gwa MTL, okwa li nale omenegela pombaanga ndjoka momayakulo gopamahupilo. Banda ngoka a li omupevi peresidende gwa Malawi okwa ganithililwe oshilonga shuuperesidende momasiku ga 7 ga Apilili konima yeso lyombaadhilila lyomuperesidende Bingu wa Mutharika kedhengo lyomutima momasiku ga 6 ga Apilili. Banda okwa li nale a katuka onkatu yimwe sho a tidha omukuluntu gwopolisi miilonga omolwa edhipago lyaantu omilongo mbali mboka ya li taya holola ompinge nepangelo lya nakusa Wa Mutharika mu July 2011.Banda okuza mpoka okwa uvaneke taka etapo omalunduluko ogendji mewiliko lye. Naa tali nawa ota ya dhiladhila kutya ota ka kuthamo aayambidhidhi ya Mutharika melelo lye.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.