Omupangi Jekonia a tindilwa obooloha

O MUPANGI mOshipangelo shEpangelo sha Katutura ngoka ta tamanekelwa okudhipaga aantu yatatu pokandingosho kamwe pOsiingela omwedhi gwa zi ko, mEtine lya zi ko okwa tindilwa obooloha.

Jekonia Dimbulukweni Hamukoto gwomimvo 36 ngoka a taalela omatamaneko gatatu gedhipago nosho wo iipotha itatu yonkambadhala yedhipago okwa tindilwa obooloha mOmpangu ya Mengestrata sho a tula eindilo lye komeho ga Mengestara Tuyenikelao Haikango oshiwike sha zi ko. Hamukoto okwa yaha aantu pokandingosho kedhina Kondjeni Bottle Store momasiku 2 Febuluali nuumvo.Okandingosho haka oke li pOsiingela mu Katututa mOvenduka.Metitatu lya zi ko Omukonakonipolisi ngoka ta ungaunga noshipotha shika okwa li a gandja uumbangi mOmpangu moka a gandja omatompelo ge ku Mengestara kutya omolwashike e li ompinge na Hamukoto a pewe obooloha.Metine nduno moka Mengestara okwa gandja omukanda gwe guuyeelele kutya ina tompwa naanaa kutya omolwashike Hamukoto e na okupewa obooloha, ashike okwa uvithwa ko kuumbangi wEpangelo kutya Hamukoto ita vulu okupewa obooloha pethimbo ndika.Hamukoto okwa li a lombwele Ompangu kutya oku na uunona une mboka pamwe nuunona wulwe wa mumwayinamati tau tonatelwa ku yina gwomimvo 75.Ta ti omukulupe nguka ke li wo naanaa muukolele.Ngele okwa kala konima yekumba aantu mboka oyo yotango taya mono iihuna, ta ti po ngaaka.Okwa uvaneke kutya ita ka faula kOmpangu nenge a henuke oshipotha shika, ihe otaka kala ha holoka kOmpangu ngaashi tashi pulwa.Etompelo ndyoka inali gwana okumangululitha Hamukoto, Mengestara Haikango ta popi ngaaka.Ta ti molwashoka Hamukoto okwa okwa taalela iipotha itatu yedhipago nosho wo iipotha yilwe itatu yonkambadhala yedhipago, okwa li nee e na okuulika eitedhululo kombinga yaantu yatatu mboka a dhipaga nosho wo okuulika uukwawo wanankali pamwe naantu mboka e ehameka.Oshikondo oshigandjimulombo shOpolisi ya Namibia osha li sha tseyitha kutya aniwa Hamukoto okwa li pokandingosho hoka pethimbo a dhimbulula kutya oselula ye oya kana.Sho nee aniwa kapu na ngoka e mu yambidhidha nenge a gandje oselula ndjoka, okwa kutha ombistoli ye yoomilimeta omugoyi (9mm) e tu umbu oshikuti shelondodho shoka sha pitile miipeleki, e ta tameke ta yaha aantu oogumwe noogumwe, Opolisi tayi popi ngaaka.Okwa dhipaga aantu yatatu.Mboka oyo nee: Jonas Erastus gwomimvo 22, Festus Aron gwomimvo 25 na Boni Shuudeni gwomimvo 25.Aalumentu yalwe yatatu oya li ya ehamekwa noonkondo.Pethimbo Opolisi ya manga nokudhitika Hamukoto pehala lyoshiningwanima shoka, oselula ndjoka ta popi oya shika moondjato dhombulukweya ndjoka a li a zala.Hamukoto okwa lombwele Mengestara Tuyenikelao Haikango mEtitano kutya oselula okwa adhika shili nayo, ashike shika itashi ti nee kutya okwa kala nayo ethimbo alihe.Ta ti konima sho a landa okunwa kwe pokandingosho mpoka, okwa dhimbulula kutya oselula ye kayi po we poshitaafula mpoka a li e yi tula.Okwa li a pula aantu mboka ya li po ngele opu na ngoka e yi mona nenge e yi kutha po, ashike kapu na ngoka e mu pe eyamukulo.Oshinima oshe mu ningitha nee a kuthe ombistoli ye e tu umbu oshikuti shelondodho, ta popi ngaaka.Ooholo odhindji odha nuka ko, ta popi, konima okwa mono omulumentu gumwe eya kuye e te mu pe ombili nokumupa oselula ye e ta kambadhala okufadhuka po.Omulumentu nguka naye okwa yahwa wo koholo.Hamukoto okwa ulike ngeyi kutya ita ka zimina nando moshinima shika pethimbo ta ka pangulwa.Ashike konima yomapulo okwa zimine ngeyi kutya oye shili a umbu ooholo ndhoka dha dhipaga nokweehameka aantu pokandingosho hoka momasiku 2 Febuluali.Ta ti kali e na nando elalakano okudhipaga omuntu.Omukonakonipolisi okwa hokolola ngeyi kutya yaali yomaantu mboka ya yahwa nokweehamekwa ku Hamukoto oye li natango moshipangelo taya mono epango, nagumwe gwomumyo okuli natango moshikondo shetonatelo lya kilikita.Hamukoto okwa yaha aantu pokandingosho kedhina Kondjeni Bottle Store momasiku 2 Febuluali nuumvo.Okandingosho haka oke li pOsiingela mu Katututa mOvenduka.Metitatu lya zi ko Omukonakonipolisi ngoka ta ungaunga noshipotha shika okwa li a gandja uumbangi mOmpangu moka a gandja omatompelo ge ku Mengestara kutya omolwashike e li ompinge na Hamukoto a pewe obooloha.Metine nduno moka Mengestara okwa gandja omukanda gwe guuyeelele kutya ina tompwa naanaa kutya omolwashike Hamukoto e na okupewa obooloha, ashike okwa uvithwa ko kuumbangi wEpangelo kutya Hamukoto ita vulu okupewa obooloha pethimbo ndika.Hamukoto okwa li a lombwele Ompangu kutya oku na uunona une mboka pamwe nuunona wulwe wa mumwayinamati tau tonatelwa ku yina gwomimvo 75.Ta ti omukulupe nguka ke li wo naanaa muukolele.Ngele okwa kala konima yekumba aantu mboka oyo yotango taya mono iihuna, ta ti po ngaaka.Okwa uvaneke kutya ita ka faula kOmpangu nenge a henuke oshipotha shika, ihe otaka kala ha holoka kOmpangu ngaashi tashi pulwa.Etompelo ndyoka inali gwana okumangululitha Hamukoto, Mengestara Haikango ta popi ngaaka.Ta ti molwashoka Hamukoto okwa okwa taalela iipotha itatu yedhipago nosho wo iipotha yilwe itatu yonkambadhala yedhipago, okwa li nee e na okuulika eitedhululo kombinga yaantu yatatu mboka a dhipaga nosho wo okuulika uukwawo wanankali pamwe naantu mboka e ehameka.Oshikondo oshigandjimulombo shOpolisi ya Namibia osha li sha tseyitha kutya aniwa Hamukoto okwa li pokandingosho hoka pethimbo a dhimbulula kutya oselula ye oya kana.Sho nee aniwa kapu na ngoka e mu yambidhidha nenge a gandje oselula ndjoka, okwa kutha ombistoli ye yoomilimeta omugoyi (9mm) e tu umbu oshikuti shelondodho shoka sha pitile miipeleki, e ta tameke ta yaha aantu oogumwe noogumwe, Opolisi tayi popi ngaaka.Okwa dhipaga aantu yatatu.Mboka oyo nee: Jonas Erastus gwomimvo 22, Festus Aron gwomimvo 25 na Boni Shuudeni gwomimvo 25.Aalumentu yalwe yatatu oya li ya ehamekwa noonkondo.Pethimbo Opolisi ya manga nokudhitika Hamukoto pehala lyoshiningwanima shoka, oselula ndjoka ta popi oya shika moondjato dhombulukweya ndjoka a li a zala.Hamukoto okwa lombwele Mengestara Tuyenikelao Haikango mEtitano kutya oselula okwa adhika shili nayo, ashike shika itashi ti nee kutya okwa kala nayo ethimbo alihe.Ta ti konima sho a landa okunwa kwe pokandingosho mpoka, okwa dhimbulula kutya oselula ye kayi po we poshitaafula mpoka a li e yi tula.Okwa li a pula aantu mboka ya li po ngele opu na ngoka e yi mona nenge e yi kutha po, ashike kapu na ngoka e mu pe eyamukulo.Oshinima oshe mu ningitha nee a kuthe ombistoli ye e tu umbu oshikuti shelondodho, ta popi ngaaka.Ooholo odhindji odha nuka ko, ta popi, konima okwa mono omulumentu gumwe eya kuye e te mu pe ombili nokumupa oselula ye e ta kambadhala okufadhuka po.Omulumentu nguka naye okwa yahwa wo koholo.Hamukoto okwa ulike ngeyi kutya ita ka zimina nando moshinima shika pethimbo ta ka pangulwa.Ashike konima yomapulo okwa zimine ngeyi kutya oye shili a umbu ooholo ndhoka dha dhipaga nokweehameka aantu pokandingosho hoka momasiku 2 Febuluali.Ta ti kali e na nando elalakano okudhipaga omuntu.Omukonakonipolisi okwa hokolola ngeyi kutya yaali yomaantu mboka ya yahwa nokweehamekwa ku Hamukoto oye li natango moshipangelo taya mono epango, nagumwe gwomumyo okuli natango moshikondo shetonatelo lya kilikita.