Omuntu kehe ta ningi iigongi mOshitopolwa sha Hangwena, na kale i ilopota kOmbelewa yoSwapo: Shipanga ta ti

P ETHIMBO ta popitha oshigongi shoSwapo pEenhana omasiku ga zi ko, Omuunganeki gwoSwapo mOshikandjo sha Eenhana Hosea Shipanga, okwa ninga eindilo a mana mo kaaleli yOpamuthigululwakalo nosho wo mboka yoSwapo mOshikandjo shEenhana nomOshitopolwa sha Hangwena ashihe kutya inaya etha we momikunda dhawo, mIitayi yawo nosho wo ‘mOosectiona’ dhawo tamu ningwa iigongi kaantu kaye shiwike.

Shipanga ta ti kehe ngoka ta ningi oshigongi nenge iigongi mOshikandjo shawo shika, ano mOshitopolwa shEenhana nomOhangwena ayihe, nenge a hala ngaa okugandja uuyelele washa koshigwana, na kale tangotango i ilopota kOmbelewa ye yoSwapo mOshikandjo (district) mEenhana, opo a mone eziminino lyoku shi ninga. “Onda lombwelwa kaakwashigwana, yamwe ye ya kungame taya nyenyeta kutya mOshitopolwa shetu omu na aantu taya ningi iigongi tayi limbilike, na kaye shi tuu kutya oye ya mo ngiini na oya za peni.Onkee otandi mu indile ne ooyene yomikunda, omalenga, Aawiliki yOongeleki nosho wo Aawiliki yOngundu yetu yoSwapo mOhangwena muka, unene tuu mOshikandjo shetu sha Eenhana, kutya inamu etha we nande mu ningwe iigongi kaantu inaya pitila kOmbelewa yandje yoSwapo mOshikandjo shetu,” Shipanga ta ti ngaaka.Ta ti hamuntu we ti iyakele mOshitopolwa ina pitila kosheelo, shoka shi li Ombelewa yoSwapo mOshitopolwa.Shipanga ta gandja wo uusama kOokansela dhomOshitopolwa sha Hangwena ndhoka hadhi zi mOshitopolwa, tadhi yi nande okOokoosa inadhi laleka kOmbelewa yoSwapo mOshitopolwa.Nasho okwa ti kutya Ookansela naye shi thele okalambo.Inaya za we mOshitopolwa inaya laleka Ombelewa yawo ndjoka ye ya tula kiipundi, ano Ombelewa yoSwapo mOshitopolwa.Ta gandja wo uusama uunene kOoministeli dhimwe dhEpangelo, dhi na Omilekeneno dhIimaliwa ihe otadhi etha ashike Oshitopolwa sha Hangwena, shoka osho shi na aantu oyendji moNamibia, tashi mono iihuna.Tashi thigonopala, noshaa na ehumokomeho lyasha.Shipanga ta ti ngashi kombinga yUukilinika, mOshitopolwa sha Hangwena, inamu tungwa nande okamwe noshigwana otashi ende oondjila oonde okuya kIipangelo nosho tuu.Shipanga okwa li wo a ponokele Uuhamba wUukwanyama.Ta ti mUuhamba moka ohamu kala Aakengeleledhi, yOoAndreas Shipanga nOoPhil ya Nangolo nAakengeleli aakwawo yalwe.Ta ti Ouhamba wUukwanyama nani ombwela ya etwa moshilongo.”Nani eshi kwa totwa Ouhamba wUukwanyama, ombwela ya etwa moshilongo nomOshitopolwa? Ouhamba wUukwanyama nani ombwela? Shipanga ta popi nokupula ngaaka pauletoli.Ta ti kutya oshinima shoka shokweethela OoAndreas Shipanga nOoPhil ya Nangolo mUuhamba wUukwanyama, itashi taambiwa ko kOmbelewa ye yoSwapo nandenande, na nashi mone ehulilo.Shipanga ta gandja uusama kwaamboka haya ti kutya Omupresidende Hifikepunye Pohamba Opaapeta yOmupresidende Omukulu Sam Nujoma.Ta ti Omupresidende omukulu He yOshigwana Sam Nujoma, omuntu, omuleli omwaanawa, nange nee nani, Omupresidende Pohamba Opaapeta ya Nujoma, nani Opaapeta ombwaanawa (Positive puppet).Ke shi opaapeta ombwiinayi (negative puppet).Oshigongi shesiku ndyoka, nonando kasha li sha kalwa kaantu oyendji, osha li sha kalwa kooyene yomikunda yamwe, kAasitagongalo nosho wo kOmukuluntu gwoSwapo mOshitopolwa sha Hangwena tate Nestor Shuukwanyama, Kansela Max Shinohamba, ngoka esiku ndyoka a lombwele oshigwana kutya ye, ke shi oshilyo shongundu ompe yopolotika yo RDP, ngashi yamwe taya popi.Osha li wo sha kalwa kAaleli yalwe yoSwapo mOshikandjo shoka sha Eenhana.Omuwiliki gwOshitayi shEenhana tate Nehemia Haufiku oye a li a wilike oshigongi shoka.”Onda lombwelwa kaakwashigwana, yamwe ye ya kungame taya nyenyeta kutya mOshitopolwa shetu omu na aantu taya ningi iigongi tayi limbilike, na kaye shi tuu kutya oye ya mo ngiini na oya za peni.Onkee otandi mu indile ne ooyene yomikunda, omalenga, Aawiliki yOongeleki nosho wo Aawiliki yOngundu yetu yoSwapo mOhangwena muka, unene tuu mOshikandjo shetu sha Eenhana, kutya inamu etha we nande mu ningwe iigongi kaantu inaya pitila kOmbelewa yandje yoSwapo mOshikandjo shetu,” Shipanga ta ti ngaaka.Ta ti hamuntu we ti iyakele mOshitopolwa ina pitila kosheelo, shoka shi li Ombelewa yoSwapo mOshitopolwa.Shipanga ta gandja wo uusama kOokansela dhomOshitopolwa sha Hangwena ndhoka hadhi zi mOshitopolwa, tadhi yi nande okOokoosa inadhi laleka kOmbelewa yoSwapo mOshitopolwa.Nasho okwa ti kutya Ookansela naye shi thele okalambo.Inaya za we mOshitopolwa inaya laleka Ombelewa yawo ndjoka ye ya tula kiipundi, ano Ombelewa yoSwapo mOshitopolwa.Ta gandja wo uusama uunene kOoministeli dhimwe dhEpangelo, dhi na Omilekeneno dhIimaliwa ihe otadhi etha ashike Oshitopolwa sha Hangwena, shoka osho shi na aantu oyendji moNamibia, tashi mono iihuna.Tashi thigonopala, noshaa na ehumokomeho lyasha.Shipanga ta ti ngashi kombinga yUukilinika, mOshitopolwa sha Hangwena, inamu tungwa nande okamwe noshigwana otashi ende oondjila oonde okuya kIipangelo nosho tuu.Shipanga okwa li wo a ponokele Uuhamba wUukwanyama.Ta ti mUuhamba moka ohamu kala Aakengeleledhi, yOoAndreas Shipanga nOoPhil ya Nangolo nAakengeleli aakwawo yalwe.Ta ti Ouhamba wUukwanyama nani ombwela ya etwa moshilongo.”Nani eshi kwa totwa Ouhamba wUukwanyama, ombwela ya etwa moshilongo nomOshitopolwa? Ouhamba wUukwanyama nani ombwela? Shipanga ta popi nokupula ngaaka pauletoli.Ta ti kutya oshinima shoka shokweethela OoAndreas Shipanga nOoPhil ya Nangolo mUuhamba wUukwanyama, itashi taambiwa ko kOmbelewa ye yoSwapo nandenande, na nashi mone ehulilo.Shipanga ta gandja uusama kwaamboka haya ti kutya Omupresidende Hifikepunye Pohamba Opaapeta yOmupresidende Omukulu Sam Nujoma.Ta ti Omupresidende omukulu He yOshigwana Sam Nujoma, omuntu, omuleli omwaanawa, nange nee nani, Omupresidende Pohamba Opaapeta ya Nujoma, nani Opaapeta ombwaanawa (Positive puppet).Ke shi opaapeta ombwiinayi (negative puppet).Oshigongi shesiku ndyoka, nonando kasha li sha kalwa kaantu oyendji, osha li sha kalwa kooyene yomikunda yamwe, kAasitagongalo nosho wo kOmukuluntu gwoSwapo mOshitopolwa sha Hangwena tate Nestor Shuukwanyama, Kansela Max Shinohamba, ngoka esiku ndyoka a lombwele oshigwana kutya ye, ke shi oshilyo shongundu ompe yopolotika yo RDP, ngashi yamwe taya popi.Osha li wo sha kalwa kAaleli yalwe yoSwapo mOshikandjo shoka sha Eenhana.Omuwiliki gwOshitayi shEenhana tate Nehemia Haufiku oye a li a wilike oshigongi shoka.