Omuntu gumwe a yugwa kaahingi yootaxi yiifundja

O MUKALIMO gumwe mOvenduka okwa londodha oshigwana kutya nashi takamithe aahingi yootaxi dhiifundja, mboka ta ti kutya otaya iningi ya fa shili aahingi yootaxi, ihe oya hala ashike okuyuga aakwashigwana.

Momasiku 20 gomwedhi gwa zi ko, meme gumwe (ngoka ina hala edhina lye li nyanyangidhwe), okwa thigwa ita vulu okupopya sho a li a londo motaxi yiifundja nokuyugwa komuhingi gayo namukwawo gumwe a li a kuutumba koshipundi shokonima. Pahokololo lye, osha li lwopetata lyohetatu yongula sho ye pamwe nookuume ke ya li ya londo mootaxi konima yoshigongi shoka ya li yena esiku ndyoka.Ye okwa londo nduno mu ndjoka yoombotsotso.Otaxi ndjika oyi na ngaa aniwa edhina na koshipundi shokonima okwa li ku na omugundjuka gumwe a fa omulongwa molwashoka okwa li e na omambo.Otaxi ndjika okwa li aniwa e yi londele mepandaanda lya Simpson (li li popepi no Polytechnic ya Namibia) na sho a londo, omuhingi gwayo okwa li a popi kutya ota fala tango omugundjuka ngoka a adha mo opo nee e ke mu fale nawa.”Molwashoka ongame nda londo lwa hugunina, kanda li ndi wete sha puka,” ta hokolola ngaaka.Ihe nani aalumentu ayehe mbaka yaali ookalyamupombo.Manga aniwa omuhingi gwotaxi a li a fa ta fala mukwawo ngoka a li konima sigo opegumbo po Dorado Park, okwa yi mondalaye yimwe na onda dhimbulula kutya, ondi li muupyakadhi,” meme nguka ta hokolola ngaaka.”Omuhingi gwotaxi gwiifundja okwa li i iningitha a fa otaxi ya teka e ta kankameke ohauto, ti igidha ta ti, ino inyenga.Ngoka a li koshipundi shokonima okwa ponokele ndje e ta kutha ndje ondjato yandje niinima yandje yilwe.”Otandi pandula Kalunga sho a gamene ndje, nosho wo nde shi pondola okuza mo mohauto e tandi tondokele miihwa, opo ndi hupithe omwenyo gwandje.Oye shi dhimbulula kutya itaya mono ndje we e taa yi,” ta tsikile ko.Okwa ti aalumentu mbaka oye mu kutha ashihe shoka a li nasho na okwa ende kolupadhi okuya kondoolopa, a ka konge ekwatho kookuume ke.Okwa li wo aniwa ta zi ombinzi molwashoka okwa li a tsuwa komakwega nokiihwa sho a fadhuka po ngaaka.Okwa ningi nee eindilo koshigwana, unene tuu kaalongwa yomoPolytechnic nOyunivesiti ya Namibia naantu mboka haya longo uusiku, kutya naya longekidhe iihauto mbyoka tayi kala hayi ya fala komagumbo molwashoka, oomwenyo dhawo odhi li moshiponga kaahingi yootaxi dhiifundja.Okwa ningi wo eindilo kOpolisi ya Muni naakwiita ya kale haya ningi oopatolola unene tuu mo Khomasdal, Otjomusie, Dorado Park, Dorado Valley, Windhoek West, Okahandja Park nosho wo moBabylon.Pahokololo lye, osha li lwopetata lyohetatu yongula sho ye pamwe nookuume ke ya li ya londo mootaxi konima yoshigongi shoka ya li yena esiku ndyoka.Ye okwa londo nduno mu ndjoka yoombotsotso. Otaxi ndjika oyi na ngaa aniwa edhina na koshipundi shokonima okwa li ku na omugundjuka gumwe a fa omulongwa molwashoka okwa li e na omambo.Otaxi ndjika okwa li aniwa e yi londele mepandaanda lya Simpson (li li popepi no Polytechnic ya Namibia) na sho a londo, omuhingi gwayo okwa li a popi kutya ota fala tango omugundjuka ngoka a adha mo opo nee e ke mu fale nawa.”Molwashoka ongame nda londo lwa hugunina, kanda li ndi wete sha puka,” ta hokolola ngaaka.Ihe nani aalumentu ayehe mbaka yaali ookalyamupombo.Manga aniwa omuhingi gwotaxi a li a fa ta fala mukwawo ngoka a li konima sigo opegumbo po Dorado Park, okwa yi mondalaye yimwe na onda dhimbulula kutya, ondi li muupyakadhi,” meme nguka ta hokolola ngaaka.”Omuhingi gwotaxi gwiifundja okwa li i iningitha a fa otaxi ya teka e ta kankameke ohauto, ti igidha ta ti, ino inyenga.Ngoka a li koshipundi shokonima okwa ponokele ndje e ta kutha ndje ondjato yandje niinima yandje yilwe.”Otandi pandula Kalunga sho a gamene ndje, nosho wo nde shi pondola okuza mo mohauto e tandi tondokele miihwa, opo ndi hupithe omwenyo gwandje.Oye shi dhimbulula kutya itaya mono ndje we e taa yi,” ta tsikile ko.Okwa ti aalumentu mbaka oye mu kutha ashihe shoka a li nasho na okwa ende kolupadhi okuya kondoolopa, a ka konge ekwatho kookuume ke.Okwa li wo aniwa ta zi ombinzi molwashoka okwa li a tsuwa komakwega nokiihwa sho a fadhuka po ngaaka.Okwa ningi nee eindilo koshigwana, unene tuu kaalongwa yomoPolytechnic nOyunivesiti ya Namibia naantu mboka haya longo uusiku, kutya naya longekidhe iihauto mbyoka tayi kala hayi ya fala komagumbo molwashoka, oomwenyo dhawo odhi li moshiponga kaahingi yootaxi dhiifundja.Okwa ningi wo eindilo kOpolisi ya Muni naakwiita ya kale haya ningi oopatolola unene tuu mo Khomasdal, Otjomusie, Dorado Park, Dorado Valley, Windhoek West, Okahandja Park nosho wo moBabylon.