Omuniilonga mUunamapya kwali a pewa ombuta

O MUNIILONGA kwali mUuministeli wUunamapya nUuniimuna okwa pewa egeelo lyokufuta oshimaliwa shoondola/N$50 000 nenge a kale konima yekumba uule womimvo ntano konima sho a kambadhala okuyaka oshimaliwa shoondola/N$350 000.

Otaku hokololwa ngeyi kutya omuniilonga nguka okwa mbadhala okuyaka oshimaliwa shika moshikondo shedhina Micro Projects Programme hadhi pewa oshimaliwa okuza komahangano omagandji giishali kohi yUuministeli mbuka. Mirsolova Gwynneth Stephanus okwa tseya ngeyi konima sho a zimine omatamaneko guulingilingi mOmpangu yOpashitopolwa mOvenduka mEtiyali lyoshiwike shika.Shi ikwatelela kezimino lye moshipotha shika, Mengestrata Dinnah Usiku okwa pe Stephanus egeelo lyokufuta oshimaliwa shoondola/N$50 000 nenge a kale konima yekumba uule womimvo ntano.Mengestrata okwa gandja wo egeelo limwe ku Stephanus lyomimvo ntano konima yekumba ndyoka lya kuthwa po alihe ye a kale ina uvikila sha shi na sha nuukiliminola uule womimvo ntano.Stephanus okwa futa oshimaliwa shoondola/N$10 000 mEtiyali moka nokwa pewa sigo opehulilo lyomwedhi nguka a kale a futa oshimaliwa shoka sha kambako shoondola omayovi omilongo ne (N$40 000).Pamushangwa gwezimino ngoka gwa shangwa komunaveta gwe, Sarel Maritz, Stephanus okwa zimine shili kutya okwa gandja elombwelo kaanambelewa yOmbaanga ya Stadard mOvenduka kutya naya kuthe oshimaliwa shoondola/N$350 000 koakaunta ya Micro Projects Programme momasiku 25 gaFebuluali omumvo gwa zi ko.Oshimaliwa shika osha tulwa koakaunta yokanonamati ke mOmbaanga ya Venduka (Bank Windhoek).Stephanus gwomimvo 32 ngoka e li yina yuunona uyali okwa zimine ishewe ngeyi kutya oshimaliwa shika ka li e shi nuninwa.Stephanus ina hokanwa.Maritz okwa lombwele Ompangu kutya elundululo lyoshimaliwa shika olya ningilwe mEtitano.Ta popi ngeyi mOmpangu kutya mehuliloshiwike ndyoka, Stephanus okwa dhimbulula oogoya mboka a ninga nokwa shunitha ko oshimaliwa shoka koakaunta ya Micro Projects Programme mOmaandaha ga landula.Kapu na ngoka a mona iihuna nenge a kanitha oshimaliwa thilu thilu kutya nee Ombaanga nenge ehangano lya Micro Projects Programme, Maritz ta popi ngaaka mOmpangu yopashitopolwa.Micro Projects Programme ehangano li na sha nomayambulepo gokomikunda nohali pewa oshimaliwa kEpangelo nosho wo kOkomisi yAauropa (European Commission).Pahokololi lya Maritz, Stephanus okwa kala ta nana nondatu kombinga yuuhupilo ong’omuvali e li kuye mwene.Ta ti uunona we auhe ou na uupyakadhi wopaunamiti – shinima shoka hashi mu etele a longithe oshimaliwa shoondola/N$1 500 konyala omwedhi kehe miifuta yopaunamit mofamili ye.Stephanus okwa ningi omushelekadhi konima sho omusamane gwe a shipagwa ku kuume ke pwapiti ngashiingeyi omumvo omulongo lwaampoka, Maritz ta lombwele ngaaka Ompangu.Stephanus keshi okiliminola, ihe omuntu owala ngoka a ningi oshihakanwa shomahongololo koshimaliwa shoondola/N$350 000 shoka sha li moakaunta ndjoka.Konima owala sho a dhimbulula omapuko nuugoya we, okwa kambadhala okuga pukulula, Maritz ta popi ngaaka.Stephanus okwa li e na oshinakugwanithwa shokwiinyengitha oshimaliwa moakaunta ya Micro Projects Programme, Omutamaneki Carlo McLeod te mu lombwele ngaaka omanga ina pewa egeelo lye.Nando nee inapu ningwa ekanitho lyasha moshinima shika, Stephanus okwa tete eke ndyoka hali mu pe iikulya, McLeod ta komenda ngaaka.Stephanus okwa li a dhitikwa momasiku 28 Febuluali omumvo gwa zi ko.Okwa li a pewa obooloha yoondola omayovi omulongo (N$10 000) momasiku 2 Maalitsa 2005.Mirsolova Gwynneth Stephanus okwa tseya ngeyi konima sho a zimine omatamaneko guulingilingi mOmpangu yOpashitopolwa mOvenduka mEtiyali lyoshiwike shika.Shi ikwatelela kezimino lye moshipotha shika, Mengestrata Dinnah Usiku okwa pe Stephanus egeelo lyokufuta oshimaliwa shoondola/N$50 000 nenge a kale konima yekumba uule womimvo ntano.Mengestrata okwa gandja wo egeelo limwe ku Stephanus lyomimvo ntano konima yekumba ndyoka lya kuthwa po alihe ye a kale ina uvikila sha shi na sha nuukiliminola uule womimvo ntano.Stephanus okwa futa oshimaliwa shoondola/N$10 000 mEtiyali moka nokwa pewa sigo opehulilo lyomwedhi nguka a kale a futa oshimaliwa shoka sha kambako shoondola omayovi omilongo ne (N$40 000).Pamushangwa gwezimino ngoka gwa shangwa komunaveta gwe, Sarel Maritz, Stephanus okwa zimine shili kutya okwa gandja elombwelo kaanambelewa yOmbaanga ya Stadard mOvenduka kutya naya kuthe oshimaliwa shoondola/N$350 000 koakaunta ya Micro Projects Programme momasiku 25 gaFebuluali omumvo gwa zi ko.Oshimaliwa shika osha tulwa koakaunta yokanonamati ke mOmbaanga ya Venduka (Bank Windhoek).Stephanus gwomimvo 32 ngoka e li yina yuunona uyali okwa zimine ishewe ngeyi kutya oshimaliwa shika ka li e shi nuninwa.Stephanus ina hokanwa.Maritz okwa lombwele Ompangu kutya elundululo lyoshimaliwa shika olya ningilwe mEtitano.Ta popi ngeyi mOmpangu kutya mehuliloshiwike ndyoka, Stephanus okwa dhimbulula oogoya mboka a ninga nokwa shunitha ko oshimaliwa shoka koakaunta ya Micro Projects Programme mOmaandaha ga landula.Kapu na ngoka a mona iihuna nenge a kanitha oshimaliwa thilu thilu kutya nee Ombaanga nenge ehangano lya Micro Projects Programme, Maritz ta popi ngaaka mOmpangu yopashitopolwa.Micro Projects Programme ehangano li na sha nomayambulepo gokomikunda nohali pewa oshimaliwa kEpangelo nosho wo kOkomisi yAauropa (European Commission).Pahokololi lya Maritz, Stephanus okwa kala ta nana nondatu kombinga yuuhupilo ong’omuvali e li kuye mwene.Ta ti uunona we auhe ou na uupyakadhi wopaunamiti – shinima shoka hashi mu etele a longithe oshimaliwa shoondola/N$1 500 konyala omwedhi kehe miifuta yopaunamit mofamili ye.Stephanus okwa ningi omushelekadhi konima sho omusamane gwe a shipagwa ku kuume ke pwapiti ngashiingeyi omumvo omulongo lwaampoka, Maritz ta lombwele ngaaka Ompangu.Stephanus keshi okiliminola, ihe omuntu owala ngoka a ningi oshihakanwa shomahongololo koshimaliwa shoondola/N$350 000 shoka sha li moakaunta ndjoka.Konima owala sho a dhimbulula omapuko nuugoya we, okwa kambadhala okuga pukulula, Maritz ta popi ngaaka.Stephanus okwa li e na oshinakugwanithwa shokwiinyengitha oshimaliwa moakaunta ya Micro Projects Programme, Omutamaneki Carlo McLeod te mu lombwele ngaaka omanga ina pewa egeelo lye.Nando nee inapu ningwa ekanitho lyasha moshinima shika, Stephanus okwa tete eke ndyoka hali mu pe iikulya, McLeod ta komenda ngaaka.Stephanus okwa li a dhitikwa momasiku 28 Febuluali omumvo gwa zi ko.Okwa li a pewa obooloha yoondola omayovi omulongo (N$10 000) momasiku 2 Maalitsa 2005.