Omunambelewa wopolifi (42) okwa li e li moshipangelo shaRundu oshivike sha dja ko konima kwa lopotwa kutya okwa tuwa konima yofingo komunadolongo omulumenhu (27) Etine omutenya.
Omuunganeki womakonakono oimbuluma yopolifi koshitopolwahoololo shaKavngo Ushilo, omupedu komisina Bonifatius Kanyetu, okwa koleka oshiningwanima eshi Etitano, ta ti osha ningwa lwopotundi 16h00 koshitaashi shopolifi yaRundu.
Olopota oya ti, omunambelewa, Sondaha Evalistus, okwa li moilonga popepi nomuvelo wakula wokuya keeshela dodolongo, ta tambula ko ovanadolongo ovo kwa li va ya komhangu.
Mangha ta koleke omadina ovanadolongo novanambelewa vakwao, omufeekelwa vati okwe ya kuye a dilila konima ndee te mu tu kekofi.
Sha landula eponokelo, omufeekelwa vati okwa faduka po a ka hondame konima yomuvelo oo wa yuka keeshela. Konima opolifi oya mona nokukufa ko ombele yomokombifa oyo ya longifwa meponokelo eli.
Kanyetu okwa ti omufeekelwa ina tu lilwa mo natango oshipofa shaashi omakonakono otaa twikile. Okwa weda po kutya omunambelewa okwa ninga oshipute sha ekama ashike oku li monghalo tai nuwa omeva – NAMPA
