OMULUMENTU gwom-imvo 29 okwi imangeleke konima sho taku hokololwa a dhipaga ohondakadhona ye yomimvo 37, sha nin-gilwa momukunda Onanke tagu adhika moshitopolwa shaShikoto.
Oshiningwanima shoka osha kolekwa komunam-belewa gwopolisi, inspekta Raimbert Muronga, ngoka a popi kutya osha ningwa ongulohi yOlyomakaya.
Muronga okwa popi ku-tya omufekelwa, opamwe nohondakadhona oya zi kOtjiwarongo esiku ndyoka nolwanima sho ya thiki komukunda, otaku hoko-lolwa omulumentu a tameke okudhenga ohondakadhona ye.
“Otaku hokololwa kutya omufekelwa okwa dhen-gagula ohondakadhona ye nomupini gwetemo nolw-anima okwa kutha ongodhi noku yi tula mothingo ye nokwe yi mangele moombuli dhondunda. Okuza mpoka otaku hokololwa kutya okwi imangeleke yemwene mond-unda omo tuu moka,” osho inspekta a yelitha ngaaka.
Omufekelwa okwa hol-olwa kutya oye Bernhard Onyevene nohondakad-hona ye oyo Taimi Fellemon. Aapambele yawo oya tseyithilwa nale onkundana yoluhodhi.
Pokati mpoka, omulu-mentu gwomimvo 42 okwa tulwa miipandeko oshiwike sha zi ko sho taku hokololwa a ponokele nokumonitha omwana oshiponga omwana sho a li po omayi ge.
Pauyelele wolopota yopolisi ndjoka ya pitithwa komupopiliko gwopolisi moshilongo, omupevikomu-fala Kauna Shikwambi, oshiningwanima shoka osha ningwa mEtitano, momukunda Engela laShi-kondongolo moshitopolwa shaHangwena.
“Otaku hokololwa kutya oshiningwanima shoka osha ningwa kongulohi pethimbo he yakakadhona ngoka a thi-ki megumbo okuza koondin-gosho, notaku hokololwa a adha omayi ge omugoyi ga liwa po komwana, naashoka oshe mu geyitha nokukuthila okanona ekatana,” osho Shi-kwambi a popi ngaaka.
Shikwambi okwa popi kutya nakuninga oshiha-kanwa otaku hokololwa a monitha oshiponga oshinene nekatana noku na iilalo oyindji, nongashingeyi okuli moshipangelo shEenhana ta mono uuhaku.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
