Omukatekista Omukuluntu gwOngeleka ya Katoolika mOshakati a sa sho a pumwa kohauto

O MUKATEKISTA omukulu gwOngeleki ya Katoolika ka Roma mOshakati meme Gemma Nankonda Johannes gwoomvula 75 kwali, okwa mana oondjenda dhe ongula yEtitatu lyoshiwike shika sho a pumwa kohauto mOshakati.

Opolisi otayi ti kutya meme Gemma, ngoka a puminwa mondjila onene ya Shakati noRuacana, ndjoka ya taakana mOshakati, okwa adhika ta taaguluka ondjila ndjoka lwopOmbaanga ya Venduka. Meme Gemma opo a hulithile pehala mpoka nOpolisi otayi konaakona oshetithi shoshiponga shika.Oyendji yomOkakukiipupu otaya lili meme Gemma.Egongalo lyOngeleki ya Katoolika ka Roma mOshakati, otali lili meme Gemma ngoka a kala Katekete kawo hela ngaa Egongalo ndjoka lya totelwe po kuyele momimvo 1970s nokwa kala Omukriste omudhiginini.A yakula aantu oyendji, unene mOsikola yeshasho, yetuumbo noyEkoleko, omanga wo a ningila aahokani oyendji noonakutambelwa mo mOngeleka ya Katooloika, omapukululo.Nonando meme Gemma, a adhika a koka ngeyi, onkee ngaa a li omunandjungu meyakulo lyoshigwana Oshikriste mEgongalo lyawo mOshakati.Omonamati gwawo Paulus Uusiku, ota ti meme Gemma sho a pumwa kohauto, okwa adhika a yi kOmatala ga Shakati a ka kongela aanegumbo lyawo mboka ya adhika taya yele iilya poshipale, omweelelo.A li ashike e ya thigi po nokweendelela ngeno e ke ya talele onyama yokweelela.Nani eso lye lya thika, kokukatalela aantu ye onyama mboka ya li taye mu kwathele ngeyi, ina galuka ko we kOshakati hoka.Nakusa meme Gemma okwa thiga ko omusmane gwe tatekulu Lazarus Uusiku nedhina lya tseyika nawa Peni Angodhi, aanona yawo aamati yatano naakadhona yaali.Omumati gumwe gwawo naye okwe ya tetekela nale muukwaaluhe.Tate Paulus okwa lombwela Oshifo shika kutya esiku lyefumviko kaye li na manga, opo manga taya ningi ekwatathano nayakwawo.Meme Gemma opo a hulithile pehala mpoka nOpolisi otayi konaakona oshetithi shoshiponga shika.Oyendji yomOkakukiipupu otaya lili meme Gemma.Egongalo lyOngeleki ya Katoolika ka Roma mOshakati, otali lili meme Gemma ngoka a kala Katekete kawo hela ngaa Egongalo ndjoka lya totelwe po kuyele momimvo 1970s nokwa kala Omukriste omudhiginini.A yakula aantu oyendji, unene mOsikola yeshasho, yetuumbo noyEkoleko, omanga wo a ningila aahokani oyendji noonakutambelwa mo mOngeleka ya Katooloika, omapukululo.Nonando meme Gemma, a adhika a koka ngeyi, onkee ngaa a li omunandjungu meyakulo lyoshigwana Oshikriste mEgongalo lyawo mOshakati.Omonamati gwawo Paulus Uusiku, ota ti meme Gemma sho a pumwa kohauto, okwa adhika a yi kOmatala ga Shakati a ka kongela aanegumbo lyawo mboka ya adhika taya yele iilya poshipale, omweelelo.A li ashike e ya thigi po nokweendelela ngeno e ke ya talele onyama yokweelela.Nani eso lye lya thika, kokukatalela aantu ye onyama mboka ya li taye mu kwathele ngeyi, ina galuka ko we kOshakati hoka.Nakusa meme Gemma okwa thiga ko omusmane gwe tatekulu Lazarus Uusiku nedhina lya tseyika nawa Peni Angodhi, aanona yawo aamati yatano naakadhona yaali.Omumati gumwe gwawo naye okwe ya tetekela nale muukwaaluhe.Tate Paulus okwa lombwela Oshifo shika kutya esiku lyefumviko kaye li na manga, opo manga taya ningi ekwatathano nayakwawo.