Omuhogololi kehe kala wu na okakalala komahogololo: Ivula-iithana ta ti

AMUSHANGA-NDJAYI gwo Swapo, meme Pendukeni Ivula-Ithana okwa ningi eindilo kAakwaSwapo ayeheyehe ya kale ye na uukalata wawo womahogololo, ye u kwate nawa, opo sho omahogololo gOpaupresidende nogOshigongi shOpashigwana sho taga thiki mu Novemba nuumvo ya vule okuhogolola.

Iivula-Ithana shika okwa li e shi popi pethimbo a li ta popitha engathithi enene lyAakwaSwapo pOnheleiwa mOukwanyama mOshitopolwa sha Musati omutenya gwOsoondaha ya zi ko. Omukokolipresidende Sam Nujoma oye a li Omupopi omunene poshigongi shika oshinene shOswapo pOnheleiwa mpoka, na me Ivula-, palandulathano, oye e mu ulikile oshigwana noku mu pa wo ompito e shi popithe.
‘Onda hala oku mu pandula noonkondo sho mwe ya kOshigongi sheni shoSwapo, komuleli gwetweni Omukokolipresidende Sam Nujoma ngeyi. Tamu ulike kutya tseni yOswapo otwa hala uukumwe nombili moshilongo shetweni, twe shi mangulula tseyene. Ashike onda hala oku mu lombwela shuukilila kutya nonande tatu gongaleni ngeyi momangathithi omenenene, shampa shike ndele inatu inyolitheni, katu neni uukalata womahogololo, nena omahogololo ngele oge ya ihatu ka vula okuhogolola.
Kutya nee otwa ka yeni momikweyo tu lyeni momanganthinthi ngashi tulyeni nena ngeyi, itatu ka hogolola ngele nani katu neni uukalata womahogololo.Onkee otandi indile kOmukwaSwapo kehe wu na oomvula dha gwana okukahogolola, ishangitheni, kaleni mu na uukalata womahogololo opo mu ka vule okuhogolola nawa ongundu yetweni yoSwapo, ano Omupresidende gwetweni gwoSwapo niilyo yetweni yoSwapo mOshigongi shOpashigwana,’ Iivula-Ithana ta ti nokukumagidha AakwaSwapo ngawo, ya kale ayehe ye na uukalata womahogololo sho omahogololo taga thiki.