Omugundjuka i iyumbila momeya mOshakati

O TA KU popiwa kutya omugundjuka gumwe okwi ikutha omwenyo uusiku wEtitano lya zi ko sho aniwa i iyumbile momeya pontopa ndjoka yi li popepi nOshitaasi oshinene shOpolisi mOshakati.

Omugandjimulombo gwOpolisi mOshitopolwa sha Shana Konstabel Jonas Slogan Mateus okwa lombwele The Namibian mOsoondaha kutya aakwashigwana yamwe oya li ya lopotele Omupolisi gumwe kutya opu na omugundjuka gumwe i iyumbile momeya pontopa ndjoka uusiku wEtitano. Ongula nee yOlyomakaya, Aapolisi yaali oya li ya yi momeya pontopa ndjoka, ya tale ngele tayi itsu mo omudhimba gwomugundjuka nguka, ihe oya oya zi mo oonyala dhowala.Manga nee aniwa taya kongo ngaaka, omukulukadhi gumwe okwa li a lombwele Opolisi kutya omonamati gwe gumwe okwa kana mo mEgumbo uusiku wEtitano na okambale hoka ka li ka fugalala kombanda yomeya pontopa ndjika (pethimbo Opolisi tayi kongo), oka fa naanaa hoka ka li ka zalwa komonamati.Konstable Mateus okwa ti pethimbo ndika, Opolisi otayi kongo aantu mboka ya li po sho omugundjuka nguka ti iyumbile momeya, ya mone uuyelele wi ihwapo kombinga yoshinima shika.”Ngele nee twa ningi omapulapulo ngaka, ota tu ka shuna mo ishewe momeya tu tale ngele ta tu mu mono,” Konstable Mateus ta popiwa.Pontopa mpaka opwa sila aantu oyendji yi ihumbila momeya na otaku popiwa kutya nguka omuntu omutihamano.Ongula nee yOlyomakaya, Aapolisi yaali oya li ya yi momeya pontopa ndjoka, ya tale ngele tayi itsu mo omudhimba gwomugundjuka nguka, ihe oya oya zi mo oonyala dhowala.Manga nee aniwa taya kongo ngaaka, omukulukadhi gumwe okwa li a lombwele Opolisi kutya omonamati gwe gumwe okwa kana mo mEgumbo uusiku wEtitano na okambale hoka ka li ka fugalala kombanda yomeya pontopa ndjika (pethimbo Opolisi tayi kongo), oka fa naanaa hoka ka li ka zalwa komonamati.Konstable Mateus okwa ti pethimbo ndika, Opolisi otayi kongo aantu mboka ya li po sho omugundjuka nguka ti iyumbile momeya, ya mone uuyelele wi ihwapo kombinga yoshinima shika.”Ngele nee twa ningi omapulapulo ngaka, ota tu ka shuna mo ishewe momeya tu tale ngele ta tu mu mono,” Konstable Mateus ta popiwa.Pontopa mpaka opwa sila aantu oyendji yi ihumbila momeya na otaku popiwa kutya nguka omuntu omutihamano.