Omugoyi ya sa moshiponga shiihauto

A ANTU ye li omugoyi oya kanitha oomwenyo dhawo moshiponga shiihauto shi nyanyalitha, sho iihauto iyali moka ya li yi idhenge mumwe komatango gEtitano lya zi ko.

Uutuukala uyali, kamwe ta ka zi kOshakati nokakwawo ta ka zi kOkahao ku uka kOshakati, owi idhenge omitse mumwe pOlulongo mondjila onene yaKahao na Shakati. Omukunda nguka Olulongo gu li ookilometa 12 lwaampoka kuuninginino wa Shakati.Omukuluntu gwOpolisi mOnooli, Komufala gwOpevi Joseph Anghuwo okwa lombwele The Namibian ohela mOshakati kutya aantu yatano opo owala ya sila poshiponga shika, omanga yane ya ka sile kOshipangelo shEpangelo sha Shakati.Otaku popiwa kutya aantu ayehe mboka ya li moshiponga shika oya li omulongo nayane (14) na okuniwe eitaalo ndika kutya shimwe shomiihauto mbika oshi na okukala sha li sha londeka sha pitilila.”Shika oshiponga oshinene noonkondo,” Anghuwo ta lombwele The Namibian ngaaka.Oshiponga shika osha ningwa aniwa komatango gEtitano, lwopetata lyontano.Anghuwo okwa ti ohauto ndjoka ya li tayi zi kOkahao oya li aniwa tayi kambadhala okusineya yimwe ya li nayo yu uka kOshakati.Ihe nee aniwa mokuninga ngaaka, okwa li kwa zi ohauto yimwe ya li lela yi li popepi noonkondo.Molwashoka aniwa kapwa li nee we ehala okupita po, ohauto ndjika ya li ya hala okusineya onkwayo oya nuka ko kopate, ihe naandjoka ya li tayi zi kOshakati osho wo ya ninga ngaaka, e tadhi idhenge nee mumwe ngaaka oshipala noshipala.Fredrick Hamushila (gwomimvo 28), a za momukunda Onamundindi moshikandjohogololo sha Gongo moshitopolwa sha Musati, gumwe gwomwaantu yatano mboka ya hupu moshiponga shika.Hamushila oku li ta pangwa mOshipangelo shEpangelo mOshakati, a ehama momutse.Okwa lombwele The Namibian e li mombete ye yuuwehame mOshipangelo kutya ye okwa li mohauto yo Volkswagen, ndjoka yi idhenge mumwe nohauto yotuukala ndjoka ya li tayi zi kOshakati.Nonande aniwwa ita dhimbulukwa we naanaa ashihe shoka sha ningwa po, Hamushila okwa ti ndalaiva gwohauto moka a li, okwa li a kambadhala okusineya iihauto yimwe ya li komeho gawo.Ihe nee mokuninga ngaaka, okwa zi ohauto yimwe yotuukala tayi endelele manga inaya mana okusineya iihauto mbyoka ya li komeho gawo.Molwashoka kapwa li we ehala, iihauto ayihe mbika oya nuka ko kopate, opo ngeno kayi idhenge mumwe.Mupya munene, oyu uka kombinga yimwe nokwiidhenge mumwe.Hamushila okwa ti esiku ndyoka okwa li ashike a ka talelapo meme gwe komukunda, hoka a li natango e na okugalukila ko esiku tuu ndyoka okushuna kiilonga ye kOndangwa.Sho ta gandja uuyelele mbuka kOshifo shike, omeho ge oga thithikila molwashoka oshipala she nomutse oya zinda.Opolisi inayi vula okugandja omadhina gaantu omugoyi mboka ya hulithila moshiponga shika molwashoka aniwa aakwanezimo yawo yamwe inaya tseyithilwa natango.Omukunda nguka Olulongo gu li ookilometa 12 lwaampoka kuuninginino wa Shakati.Omukuluntu gwOpolisi mOnooli, Komufala gwOpevi Joseph Anghuwo okwa lombwele The Namibian ohela mOshakati kutya aantu yatano opo owala ya sila poshiponga shika, omanga yane ya ka sile kOshipangelo shEpangelo sha Shakati.Otaku popiwa kutya aantu ayehe mboka ya li moshiponga shika oya li omulongo nayane (14) na okuniwe eitaalo ndika kutya shimwe shomiihauto mbika oshi na okukala sha li sha londeka sha pitilila.”Shika oshiponga oshinene noonkondo,” Anghuwo ta lombwele The Namibian ngaaka.Oshiponga shika osha ningwa aniwa komatango gEtitano, lwopetata lyontano.Anghuwo okwa ti ohauto ndjoka ya li tayi zi kOkahao oya li aniwa tayi kambadhala okusineya yimwe ya li nayo yu uka kOshakati.Ihe nee aniwa mokuninga ngaaka, okwa li kwa zi ohauto yimwe ya li lela yi li popepi noonkondo.Molwashoka aniwa kapwa li nee we ehala okupita po, ohauto ndjika ya li ya hala okusineya onkwayo oya nuka ko kopate, ihe naandjoka ya li tayi zi kOshakati osho wo ya ninga ngaaka, e tadhi idhenge nee mumwe ngaaka oshipala noshipala.Fredrick Hamushila (gwomimvo 28), a za momukunda Onamundindi moshikandjohogololo sha Gongo moshitopolwa sha Musati, gumwe gwomwaantu yatano mboka ya hupu moshiponga shika.Hamushila oku li ta pangwa mOshipangelo shEpangelo mOshakati, a ehama momutse.Okwa lombwele The Namibian e li mombete ye yuuwehame mOshipangelo kutya ye okwa li mohauto yo Volkswagen, ndjoka yi idhenge mumwe nohauto yotuukala ndjoka ya li tayi zi kOshakati.Nonande aniwwa ita dhimbulukwa we naanaa ashihe shoka sha ningwa po, Hamushila okwa ti ndalaiva gwohauto moka a li, okwa li a kambadhala okusineya iihauto yimwe ya li komeho gawo.Ihe nee mokuninga ngaaka, okwa zi ohauto yimwe yotuukala tayi endelele manga inaya mana okusineya iihauto mbyoka ya li komeho gawo.Molwashoka kapwa li we ehala, iihauto ayihe mbika oya nuka ko kopate, opo ngeno kayi idhenge mumwe.Mupya munene, oyu uka kombinga yimwe nokwiidhenge mumwe.Hamushila okwa ti esiku ndyoka okwa li ashike a ka talelapo meme gwe komukunda, hoka a li natango e na okugalukila ko esiku tuu ndyoka okushuna kiilonga ye kOndangwa.Sho ta gandja uuyelele mbuka kOshifo shike, omeho ge oga thithikila molwashoka oshipala she nomutse oya zinda.Opolisi inayi vula okugandja omadhina gaantu omugoyi mboka ya hulithila moshiponga shika molwashoka aniwa aakwanezimo yawo yamwe inaya tseyithilwa natango.