Omufuthi gwoselula a ponwa po kOndama ya Goreangab

U UFUTHI woselula owa fa wa kanithitha omulumentu gumwe gwomOvenduka omwenyo gwe mEtitayli lyoshiwike shika, sho i iyumbile momeya gondama onene ya Goreangab Dam pethimbo a li ta tidhwa kongundu yaakwashigwana ya geya.

Sigo omEtiyali nongula yohela, kapwali kwa monika nando endhindhiliko lyasha kombinga yomulumentu nguka nando nee Opolisi ya kala molukongo ounene konyala esiku alihe mEtiyali moka. Pahokololo lyookatalekomanawa, omulumentu nguka pamwe nayakwawo oya yugu Sandré Louw gwomimvo 16 ongodhi ye yoselula molukanda lwa Otjomuise mOvenduka mEtiyali moka.Louw okwa lombwele The Namibian mEtitatu kutya okwa li ta zi kositola ya Woermann & Brock a u ka kegumbo sho a ponokelwa kaalumentu mboka noku mu kutha oselula ye.Okwa kugu muule ta kongo ekwatho, ta popi ngaaka, mbalambala, ongundu yaakwashigwana ya geya oya matuka nokutidha gumwe gwomaalumentu mboka ngoka i itongolola mo mu yakwawo.Yamwe yomaakwashigwana mboka oya li ya homata omipini dhomakuya nosho tuu, The Namibian ta tseyithilwa ngaaka.Omufekelwa nguka okwa li a tidhwa oshinano shi vilithe pokilometa, sigo ota thiki pondama mpoka.Ookatalekonawa oya popi kutya oye mu mona sho ta ekelehi oselula ndjoka miihwa omanga inakutha mo okambindja ke eti iyumbile momeya.Aapolisi mboka taya konakona oshipotha shika oya popi kutya kaye na iilongitho tayi pumbiwa opo andola ya ye mOndama ya Goreangab moka ya ka konge mo omudhimba gwomulumentu nguka.Oya gwedhapo ngeyi kutya omeya oga nyika oshiponga okuyiwa owala ngaaka molwashoka oge na uuzigo.Ookatalekonawa oya ekelehi omafekelo kutya otashi vulika omuntu ngoka e ya henuka owala, taya popi kutya oya kala ya tala nawa ethimbo ele momeya nosho wo momudhingoloko ngoka ya tale ngele oya mbunyuka ko.Pahokololo lyookatalekomanawa, omulumentu nguka pamwe nayakwawo oya yugu Sandré Louw gwomimvo 16 ongodhi ye yoselula molukanda lwa Otjomuise mOvenduka mEtiyali moka.Louw okwa lombwele The Namibian mEtitatu kutya okwa li ta zi kositola ya Woermann & Brock a u ka kegumbo sho a ponokelwa kaalumentu mboka noku mu kutha oselula ye.Okwa kugu muule ta kongo ekwatho, ta popi ngaaka, mbalambala, ongundu yaakwashigwana ya geya oya matuka nokutidha gumwe gwomaalumentu mboka ngoka i itongolola mo mu yakwawo.Yamwe yomaakwashigwana mboka oya li ya homata omipini dhomakuya nosho tuu, The Namibian ta tseyithilwa ngaaka.Omufekelwa nguka okwa li a tidhwa oshinano shi vilithe pokilometa, sigo ota thiki pondama mpoka.Ookatalekonawa oya popi kutya oye mu mona sho ta ekelehi oselula ndjoka miihwa omanga inakutha mo okambindja ke eti iyumbile momeya.Aapolisi mboka taya konakona oshipotha shika oya popi kutya kaye na iilongitho tayi pumbiwa opo andola ya ye mOndama ya Goreangab moka ya ka konge mo omudhimba gwomulumentu nguka.Oya gwedhapo ngeyi kutya omeya oga nyika oshiponga okuyiwa owala ngaaka molwashoka oge na uuzigo.Ookatalekonawa oya ekelehi omafekelo kutya otashi vulika omuntu ngoka e ya henuka owala, taya popi kutya oya kala ya tala nawa ethimbo ele momeya nosho wo momudhingoloko ngoka ya tale ngele oya mbunyuka ko.