Omufekelwa omutiyali medhipago lyopashiyoni a dhitikwa mOvenduka

O MUFEKELWA omutiyali medhipago lyomupashiyoni gwOmundowishi ngoka a dhipagelwa pu Khomas Hochland kuyele mu Juli a dhitikwa.

Omufekelwa gwomimvo 26 okwa tegelelwa a kale a holoka mOmpangu ya Mengestrata mOvenduka ohela, konima sho a dhitikilwa moshilandopangelo mEtitano lya zi ko, Komanda gwOshikondo shIimbuluma mOpolisi ya Namibia, Inspekta Michael Unandapo ta lombwele The Namibian mOsoondaha. Omufekelwa ngoka a dhitikilwa pOsasiona yOmahooli mondjila onene ya Mandume Ndemufayo Avenue okwa tegelelwa a ka ndjoine Fanuel Festus Shipanga moshipotha shoka Shipanga a taalela shedhipago neyugo kwahomatiwa.Shipanga okwa li nale Omupolisi mEtanga lyOpolisi ya Namibia.Pahokololo lya Unandapo, Opolisi oya kala nokusokona omulumentu ngoka a dhitikwa mEtitano uule wethimbo ele.Okwa li a henuka okudhitikwa kOpolisi konima sho a li a yi kOnooli yoshilongo, ashike okwa galukile ishewe moshilando moka a dhitikilwa mEtitano.Okwa dhitikwa nee shi na sha nedhipago lyomupashiyoni Omundowishi gwedhina Johannes Fellinger pu Francois Feste mehala lya Khomas Hochland konyala ookilometa omilongo hamano (60) muuninginino wa Venduka momasiku 8 gaJuli nuumvo.Omunamimvo 56 Fellinger ngoka a li omuthaneki paithano, okwa li a yahwa momutse pethimbo a li ta kambadhala okukwathela omukulukadhi gwe ngoka a li ta ponokelwa kaalumentu yaali.Konima sho ya dhipaga Fellinger, oya londeke omudhimba gwe mohauto ndjoka Fellinger ya li ya thitha kokampani yimwe konima owala yoowili dhontumba sho ya thiki mu Namibia – etaya hingi yu uka nondjila yongalama.Oya li nee ya ekelehi omudhimba gwa Fellinger miihwa nokutsikila ondjila yawo nomukulukadhi gwa Fellinger ngoka a li natango nayo mohauto.Konima sho ohauto ndjoka ya kandoma pethimbo ya li ya lambwa komunafaalama gumwe ngoka a li ta fekelwa omanyengo gawo mofaalama ye, ohauto ndjoka oya kandoma naalumentu mboka oya fadhuka po kolupadhi yu uka miihwali moka.Opolisi ndjoka ya kala nokukonga aafekelwa mboka mehala ndyoka, inaya pondola nando okuya mona.Shipanga okwa li nee a dhitikilwa kOndangwa momasiku 3 Aguste.Okwa li a lombwelwa kutya ota kala manga konima yekumba pethimbo a holoka oshikando shotango mOmpangu ya Mengestrata momasiku 15 Aguste.Ota ka holoka ishewe mOmpangu oyo tuu ndjoka momasiku 6 gaDesemba nuumvo.Omufekelwa ngoka a dhitikilwa pOsasiona yOmahooli mondjila onene ya Mandume Ndemufayo Avenue okwa tegelelwa a ka ndjoine Fanuel Festus Shipanga moshipotha shoka Shipanga a taalela shedhipago neyugo kwahomatiwa.Shipanga okwa li nale Omupolisi mEtanga lyOpolisi ya Namibia.Pahokololo lya Unandapo, Opolisi oya kala nokusokona omulumentu ngoka a dhitikwa mEtitano uule wethimbo ele.Okwa li a henuka okudhitikwa kOpolisi konima sho a li a yi kOnooli yoshilongo, ashike okwa galukile ishewe moshilando moka a dhitikilwa mEtitano.Okwa dhitikwa nee shi na sha nedhipago lyomupashiyoni Omundowishi gwedhina Johannes Fellinger pu Francois Feste mehala lya Khomas Hochland konyala ookilometa omilongo hamano (60) muuninginino wa Venduka momasiku 8 gaJuli nuumvo.Omunamimvo 56 Fellinger ngoka a li omuthaneki paithano, okwa li a yahwa momutse pethimbo a li ta kambadhala okukwathela omukulukadhi gwe ngoka a li ta ponokelwa kaalumentu yaali.Konima sho ya dhipaga Fellinger, oya londeke omudhimba gwe mohauto ndjoka Fellinger ya li ya thitha kokampani yimwe konima owala yoowili dhontumba sho ya thiki mu Namibia – etaya hingi yu uka nondjila yongalama. Oya li nee ya ekelehi omudhimba gwa Fellinger miihwa nokutsikila ondjila yawo nomukulukadhi gwa Fellinger ngoka a li natango nayo mohauto.Konima sho ohauto ndjoka ya kandoma pethimbo ya li ya lambwa komunafaalama gumwe ngoka a li ta fekelwa omanyengo gawo mofaalama ye, ohauto ndjoka oya kandoma naalumentu mboka oya fadhuka po kolupadhi yu uka miihwali moka.Opolisi ndjoka ya kala nokukonga aafekelwa mboka mehala ndyoka, inaya pondola nando okuya mona.Shipanga okwa li nee a dhitikilwa kOndangwa momasiku 3 Aguste.Okwa li a lombwelwa kutya ota kala manga konima yekumba pethimbo a holoka oshikando shotango mOmpangu ya Mengestrata momasiku 15 Aguste.Ota ka holoka ishewe mOmpangu oyo tuu ndjoka momasiku 6 gaDesemba nuumvo.