OmuAamerika a kwatwa po mu Namibia

O MULUMENTU omunangeshefa OmuAamerika, ngoka a kala ta kongwa kEpangelo lyoshilongo shoka shi na sha niipotha nuulunga, okwa kwatwa po mEtitatu lyoshiwike shika mOvenduka.

Otaku hokololwa kutya omulumentu nguka Jacob ‘Kobi’ Alexander, omvalele ya Israeli nokuli omiliyonela, oye omutotitopo gwehangano lyIikwakompiuta lyedhina Converse Technology Inc na okwa kala aniwa ta kongwa kOshikondo oshikonakoni sha Amerika/US Federal Bureau of Investigations (FBI). Omunambelewa mUuministeli wUuyuuki Dennis Khama okwe shi koleke kutya Kobi okwa kwatwa po kOpolisi omutenya gwEtitatu.Khama, ngoka ha ungaunga nomashunitho gaantu kiilongo hoka taya kongwa, okwa ti Kobi okwa kwatwa po konima sho Epangelo lya Namibia lya pewa eindilo kEpangelo lyaAmerika kutya omulumentu ngoka ta kongwa na kwatwe po.Okwa tegelela Namibia a ka tuminwe eindilo lyopambelewa kutya omulumentu nguka na shunithwe kegumbo.Oonzo dhomauyelele odha popi kutya Kobi okwa holoka mOmpangu ya Mengestrata mu Katutura omutenya gwEtitatu.Sho a holoka mOmpangu okwa falwa nee kondholongo ya Windhoek Central Prison.Oshifokundaneki sha Wall Street Journal shokuAmerika osha lopota kutya Epangelo lyaAmerika olya mono kutya Alexander oku li mu Namibia, pakutala omanano nomapungulo giimaliwa ngoka a ningi mOombaanga.Momasiku 31 ga Juli, Epangelo lyaAmerika olya li lya gandja elombwelo kutya Alexander na kwatwe po konima sho aniwa a ndopa okuya kOmpangu a ka yamukule kiipotha yuulunga mbyoka a lopotelwa.Pauyelele wa gandja kOshikondo sho FBI, Alexander oye omutotipo nokwa li wo Omukuluntuwiliki gwOkampani ya Converse Technology Inc.Oshitumikundaneki sha Associated Presss osha lopota kutya Epangelo lyaAmerika olya tseyitha wo kutya Alexander okwa kwatwa po mu Namibia.Oshitumikundaneki shika osha lopota wo kutya Omunavetakalelipo gwEpangelo lyaAmerika okwa pandula aanambelewa yAanambia sho ya kwathele FIB molukongo lwa Alexander.Olukongo lwa Alexander olwa tameke mu Juli nuumvo konima sho Epangelo lyaAmerika lya nyenyeta kutya Alexander naaniilonga ooyakwawo yaali mOkampani ndjika oya kengelele yeshi ningi monanguwi kombinga yegandjo lyoshimaliwa shOondola oomiliyuna opo ya lye ko sha yoyene.Manga nee ina kana po, Alexander okwa li aniwa a tumu oshimaliwa shOondola dhaAmerika oomiliyuna 57 ku Israeli, shoka sha li sha eta omafekelo kutya otashi vulika oko a ka holoma hoka.Yakwawo yaali David Kreinberg na William Sorin oya li yi igandja mu Aguste e taya ka mangululwa kObooloha yOondola dhaAmerika omiliyuna yimwe (mu kehe gumwe).Omunambelewa mUuministeli wUuyuuki Dennis Khama okwe shi koleke kutya Kobi okwa kwatwa po kOpolisi omutenya gwEtitatu.Khama, ngoka ha ungaunga nomashunitho gaantu kiilongo hoka taya kongwa, okwa ti Kobi okwa kwatwa po konima sho Epangelo lya Namibia lya pewa eindilo kEpangelo lyaAmerika kutya omulumentu ngoka ta kongwa na kwatwe po.Okwa tegelela Namibia a ka tuminwe eindilo lyopambelewa kutya omulumentu nguka na shunithwe kegumbo.Oonzo dhomauyelele odha popi kutya Kobi okwa holoka mOmpangu ya Mengestrata mu Katutura omutenya gwEtitatu.Sho a holoka mOmpangu okwa falwa nee kondholongo ya Windhoek Central Prison.Oshifokundaneki sha Wall Street Journal shokuAmerika osha lopota kutya Epangelo lyaAmerika olya mono kutya Alexander oku li mu Namibia, pakutala omanano nomapungulo giimaliwa ngoka a ningi mOombaanga.Momasiku 31 ga Juli, Epangelo lyaAmerika olya li lya gandja elombwelo kutya Alexander na kwatwe po konima sho aniwa a ndopa okuya kOmpangu a ka yamukule kiipotha yuulunga mbyoka a lopotelwa.Pauyelele wa gandja kOshikondo sho FBI, Alexander oye omutotipo nokwa li wo Omukuluntuwiliki gwOkampani ya Converse Technology Inc.Oshitumikundaneki sha Associated Presss osha lopota kutya Epangelo lyaAmerika olya tseyitha wo kutya Alexander okwa kwatwa po mu Namibia. Oshitumikundaneki shika osha lopota wo kutya Omunavetakalelipo gwEpangelo lyaAmerika okwa pandula aanambelewa yAanambia sho ya kwathele FIB molukongo lwa Alexander.Olukongo lwa Alexander olwa tameke mu Juli nuumvo konima sho Epangelo lyaAmerika lya nyenyeta kutya Alexander naaniilonga ooyakwawo yaali mOkampani ndjika oya kengelele yeshi ningi monanguwi kombinga yegandjo lyoshimaliwa shOondola oomiliyuna opo ya lye ko sha yoyene.Manga nee ina kana po, Alexander okwa li aniwa a tumu oshimaliwa shOondola dhaAmerika oomiliyuna 57 ku Israeli, shoka sha li sha eta omafekelo kutya otashi vulika oko a ka holoma hoka.Yakwawo yaali David Kreinberg na William Sorin oya li yi igandja mu Aguste e taya ka mangululwa kObooloha yOondola dhaAmerika omiliyuna yimwe (mu kehe gumwe).