Ompangu ya mona Van Neel ondjo moshipotha shonkonga

O MUKALIMO gwopoNoordoewer ngoka ta tamanekelwa oshipotha shekwatonkonga lyokanona koomvula hetatu – sha ningilwa megumbo lye konima yoomvula ndatu ngashiingeyi, ota ka galukila ishewe kOmpangu yoPombanda mOvenduka mu Novemba opo uukwatya woshipotha she shotango wu yelithwe omanga ina pewa egeelo.

Andries van Neel gwoomvula 36 a tseyika wo nedhina ‘Tough Guy’ okwa ishewe a holoka komeho gOmupanguli Nate Ndauendapo mEtitano lya zi ko mpoka pwa li pu na nee okuningwa iihokolola omanga inaku ningwa wetokolo lyokumupa egeelo moshipoptha shika shonkonga. Ashike nee sho Van Neel ke uvite nawa kombinga yoshipotha shilwe shuukiliminola shoka natango tashi monika mondjokonona ye, iihokolola mbika oya undulilwa ku Novemba 26 omanga taku kolekwa kombinga yoshipotha she shoka.Van Neel okwa li a holoka mOmpangu komeho gOmupanguli Ndauendapo konima yomasiku omugoyi sho a li a monika ondjo kOmupanguli gulwe moshipotha shonkonga yokakadhona koomvula hetatu poNoordoewer momasiku 12 Septemba 2005.Van Neel ngoka oshipotha she sha tamekele niihokolola mOmpangu yoPombanda momasiku 11 Aguste, ota pataneke shoka ta tamanekelwa.Okakadhona hoka Van Neel ta tamanekelwa kutya oko a kwata koonkondo ka kali taka vulu okugandja uumbangi molwashoka pethimbo ka li ka ithanwa ka gandje uumbangi oka li ka kwatwa komathipa.Konima sho oshipotha shika sha falwa kOmpangu ya Mengestrata ko Katutura, okakadhona hoka oka li ka hokolola kutya oka hililwa megumbo ku Van Neel moka e ka kutha iikutu nokulala na ko.Ta longitha uupopitha uyali mboka wa ningilwa owina mokugandja uumbangi naanona kombinga yomakwatonkonga, okakadhona hoka oka ulike nkene ka kwatwa koonkondo ku Van Neel.Oka lombwele Omupanguli kutya oka li ka hala oku kuga pethimbo ta ka kwatwa koonkondo, ashike Van Neel okwe ka kwata kokana.Ta ti sho a zi mo megumbo lya Van Neel, okwa adha uunona uukwawo wa thikama pondje.Ta ti uunona mboka owa li tau hondamene u tale kutya oshike naanaa sha li tashi ningwa megumbo.Uunona wulwe utatu mboka wa li pondje yegumbo lya Van Neel owa li wo wa gandja uumbangi moshipotha shika.Uunona auhe owa popi kutya pethimbo wa li tau talele mombululu yoshipeleki, owa mono nkene Van Neel wi ikutha iikutu na sho ta kutha okakadhona hoka iikutu nokulala na ko.Pahokololo lya Van Neel okwa adha uunona mboka pegumbo lye konima sho a galuka kokukwata oohi komulonga gwa Orange.Ta ti okwa li a tidha uunona mboka ashike uyali womuyo mwakwatelwa naahoka taka popi oka kwatwa koonkondo owa galuka etau mu indile oshimaliwa shoku ka landa omaaisa (ice).Okwe ya pe oondola mbali (N$2), owe mu pandula etau tskile nondjila yawo.Oshinima shoka sha ka landula ko, okwa ka mona owala ta tamanekelwa oshipotha shokukwata okanona hoka onkonga.Van Neel okwa lombwele wo Ompangu kutya okwa kala nekwatathano ewanawa nuunona mboka a adha tau dhana pegumbo lye.Owa kala wu mu hole noonkondo, ta popi ngaaka.Pethimbo lyokomenda kwe mOmpangu, Omupanguli Ndauendapo okwa popi ngeyi kutya ngele nani uunona mboka wa li wu mu hole otashi vulika ngiini uunona mboka wu popye kutya okwa ninga ngaaka.Van Neel ota kala konima yekumba sigo ota ka holoka ishewe mOmpangu omwedhi tagu ya.Okwa li a kalelwapo komunaveta Marlene Dammert palombwelo lyOshikondo shehangano egandji lyomakwatho gopaveta.Omutamaneki gwEpangelo Zenobia Barry oye a li ta tamaneke moshipotha shika.Ashike nee sho Van Neel ke uvite nawa kombinga yoshipotha shilwe shuukiliminola shoka natango tashi monika mondjokonona ye, iihokolola mbika oya undulilwa ku Novemba 26 omanga taku kolekwa kombinga yoshipotha she shoka.Van Neel okwa li a holoka mOmpangu komeho gOmupanguli Ndauendapo konima yomasiku omugoyi sho a li a monika ondjo kOmupanguli gulwe moshipotha shonkonga yokakadhona koomvula hetatu poNoordoewer momasiku 12 Septemba 2005.Van Neel ngoka oshipotha she sha tamekele niihokolola mOmpangu yoPombanda momasiku 11 Aguste, ota pataneke shoka ta tamanekelwa.Okakadhona hoka Van Neel ta tamanekelwa kutya oko a kwata koonkondo ka kali taka vulu okugandja uumbangi molwashoka pethimbo ka li ka ithanwa ka gandje uumbangi oka li ka kwatwa komathipa.Konima sho oshipotha shika sha falwa kOmpangu ya Mengestrata ko Katutura, okakadhona hoka oka li ka hokolola kutya oka hililwa megumbo ku Van Neel moka e ka kutha iikutu nokulala na ko.Ta longitha uupopitha uyali mboka wa ningilwa owina mokugandja uumbangi naanona kombinga yomakwatonkonga, okakadhona hoka oka ulike nkene ka kwatwa koonkondo ku Van Neel.Oka lombwele Omupanguli kutya oka li ka hala oku kuga pethimbo ta ka kwatwa koonkondo, ashike Van Neel okwe ka kwata kokana.Ta ti sho a zi mo megumbo lya Van Neel, okwa adha uunona uukwawo wa thikama pondje.Ta ti uunona mboka owa li tau hondamene u tale kutya oshike naanaa sha li tashi ningwa megumbo.Uunona wulwe utatu mboka wa li pondje yegumbo lya Van Neel owa li wo wa gandja uumbangi moshipotha shika.Uunona auhe owa popi kutya pethimbo wa li tau talele mombululu yoshipeleki, owa mono nkene Van Neel wi ikutha iikutu na sho ta kutha okakadhona hoka iikutu nokulala na ko.Pahokololo lya Van Neel okwa adha uunona mboka pegumbo lye konima sho a galuka kokukwata oohi komulonga gwa Orange.Ta ti okwa li a tidha uunona mboka ashike uyali womuyo mwakwatelwa naahoka taka popi oka kwatwa koonkondo owa galuka etau mu indile oshimaliwa shoku ka landa omaaisa (ice).Okwe ya pe oondola mbali (N$2), owe mu pandula etau tskile nondjila yawo.Oshinima shoka sha ka landula ko, okwa ka mona owala ta tamanekelwa oshipotha shokukwata okanona hoka onkonga.Van Neel okwa lombwele wo Ompangu kutya okwa kala nekwatathano ewanawa nuunona mboka a adha tau dhana pegumbo lye.Owa kala wu mu hole noonkondo, ta popi ngaaka.Pethimbo lyokomenda kwe mOmpangu, Omupanguli Ndauendapo okwa popi ngeyi kutya ngele nani uunona mboka wa li wu mu hole otashi vulika ngiini uunona mboka wu popye kutya okwa ninga ngaaka.Van Neel ota kala konima yekumba sigo ota ka holoka ishewe mOmpangu omwedhi tagu ya.Okwa li a kalelwapo komunaveta Marlene Dammert palombwelo lyOshikondo shehangano egandji lyomakwatho gopaveta.Omutamaneki gwEpangelo Zenobia Barry oye a li ta tamaneke moshipotha shika.