Omina ya Tschudi oyo ayike omwenyo gwaWeatherly

OKUMINA kwehangano lyoomina lya Weatherly moNamibia ota ku ka tsikila ashike methimbo tali ya sho ehangano tali kala nokufula ongopolo pomina yeeguluka ya Tschudi popepi noShomeya,ehangano lya ti.

Egwo lyoondando dhongopolo sha zi muudhigu womahupilo muuyuni osha thiminike ehangano ndika opo li edhile ntano dhomoomina dhalyo moshilongo omvula ya zi ko,nosha fala mekanitho lyiilonga yaantu omathele gahamano.’Ehangano olya dhiladhila okwiikuthamo moomina ndhoka ooshona, dho dhi na ondilo okufula opo li tsikile noku longa ndhoka ta dhi eta po oshindji kondando yi li pevi monakuyiwa.’Weatherly a ti momushangwa omupe gwa gandjwa oshiwike sha ziko.Tschudi okwa tengenekwa ena uuwindji wongopolo yootona omayuvi 356 385 noya talika onzo ombwanawa noyo tayi ka longwa monakuyiwa.Weatherly tati.Ndele oku yi longa ina ku tegelelwa ku tameke mbala andola monakuyiwa.Pahokololo lya Weatherly uuyelele wu nasha neemboolo ndyoka lya ningilwe omvula ya ziko opo kutalike uuwindji wongopolo, owu li ngashingeyi naagandji mayele yehangano lyo Coffey and Partners, mboka yi ipyakidhila noku tula kumwe omushangwa ngoka tagu ulike kutya ongopolo pehala mpoka oyi li po yithike peni naanaa.Okungongapo omushangwahokololo nguka osha tegelelwa shi manithwe omwedhi tagu ya.Shika otashi landulwa kelongekidho lyomuule nkene ku na okulongwa opo ongopolo ndjoka yi fulwe mo mevi.Omathaneko ga hugunina ngoka taga ulike kutya omina ndjika otayi vulu okulongwa ta yi eta oshimaliwa, oga tegelelwa ga manithwe mokati komumvo taguya, nokufula ongopolo mpoka otaku tameke nee konima yaashika, shi ikwatelela ngele opena iimaliwa noshowo ngele ehokololo, ewanawa kombinga yuuwindji wongopolo ndjoka yi li pehala mpoka. Ehangano olya ti kali na edhiladhilo opo li tameke okufula ongopolo kohi yevi poTschudi sigo uuna ndoka ongopolo inaa yi pwamo, momina yoshilambo sheeguluka pehala mpoka. Kombinga yomina yOtjihase noMatchless, Weatherly okwa ti okwa manitha ekonakono lyokutala ngele otadhi vulu okutsikila okulongwa tadhi eta po sha ,okushitalela megwopevi lyondando yongopolo.Omahangano gamwe oguulike ehalo okulandapo omaliko goomina gamwe gaWeatherly.Ehangano ndika ngashingeyi olyi ipyakidhila noku talulula oompito dhi ili nodhi ili lina ,opo li ninge etokolo ngele otali landitha po nenge otali tameke okufula ongopolo moomina ndhika ishewe.Ngele oomina odha landithwa po nena mboka haya gandja iimaliwa kuWeatherly oyo taya ka futwa tango.Weatherly okuna oongunga dhoodola oomiliona 120 dhomahangano ngoka hage mu pe omikuli.Ehangano oli na iimaliwa moshiketha shalyo shompungulilo shoodola konyala oomiliona omulongo nahamano, inaa mu kwatelwa iimaliwa mbyoka ya pungulwa mo Namibia Customs Smelters ya nuninwa okutunga po ohite yiitenda moShomeya. Weatherly okwa landeleko oomina adhihe dhongopolo moNamibia konima sho Ongopolo Mining and Processing yanyengwa okutsikila nokufula oomina ndhika pwaana ekanitho lyoshimaliwa.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.