Omina ya Skorpion Zinc ya landithwapo

EHANGANO lya Anglo American olya ti olya manitha iilonga yalyo yokulanditha po omina yalyo yo zinc ya Skorpion moNamibia kehangano lya India, Vedanta Resources koodola dhAmerica oomiliona 707.

Ehangano olya tile kuyele nuumvo kutya ota li ka landithapo Skorpion pamwe noomina ya Lisheen mo Ireland noshowo ooperesenda 74 momina yalyo ya Black Mountain mo South Africa, ndjoka oyo, yina yomina Black Mountain niilonga ya Gamsberg. Oomina ndhika otadhi landithwapo koodola adhihe kumwe oobiliona yimwe oshinkwanu 34 dhAmerica. Elandithopo lyaandhoka mbali olya tegelelwa okumanithwa mbala. Anglo American okwa ti omolwa iipumbiwa yopaveta elanditho lyoomina ndhika mbali ota li ningwa lya yooloka, na ota li ka gwanithwapo momathimbo ga yooloka. Mu May nuumvo Anglo American okwa tseyithile kutya ota ka landitha oomina ndhika ngaashi tashi landula, omina ya Skorpion ota yi ka landwapo koodola oomiliona 698 dhAmerica, omina ya Lisheen mo Ireland ota yi ka gwa oodola dhAmerica oomiliona 308, omanga ndjoka ya Black Mountain ta yi ka landithwa koodola dhAmerica oomiliona 332. Olya ti koondando ndhoka okwa ningwa omalunduluko komina ya Skorpion sho pwa futwa iihohela noshowo iifuta yilwe yina sha nemanitho lyelanditho lyehangano ndika.Vendanta okwa tile shampa elanditho lya pu omaliko ge otaga ka ya pombanda nooperesenda 23 okuya sigo opoomiliona 110 dhootona , oonzo noshowo iipungulwa ota yi ka londa nooperesenda 76 okuya pootona oomiliona 478.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.