Omidhimba dhUukwana natango inadhi za ko kOvenduka.

O MIDHIMBA dhUukwana, Monika Ndinomuwa na Taimi Talohole, mboka wa monikile wu li kumwe mOshipangelo shEpangelo sha Shakati meti 11 Septemba 2006 ndele tau ka sila kOvenduka mEtitano lya zi ko hoka wa li wa falwa wu ka kuthwe ngeno kumwe, omidhimba dhawo onkee dha tegelelwa dhi thike kOshakati opo wu ka fumvikwe komukunda gwa meme gwawo kIiwiyongo mUukwambi mOshitopolwa sha Shana.

Oosa dhawo odhi li kootate Johannes Taliiko Johannes omusamane gwa meme Helena Newaka yina ya Elizabeth ngoka a vala uukwana mbuka Momika na Taimi. “Omidhimba dhuutekulu wetu mbuka uyali inadhi thika natango, onkee ngaa twe dhi tegelela, ashike otu li nee momilema, inatu lombwelwa kutya otadhi ya unake opo tu ninge omalongekidho gefumviko lyawo, “Tate Taliiko na meme Newaka taya lombwele The Namibian ngawo ongula yohela.Oshifo osha dhidhilike wo nkene aakalimo yomomkunda Iiwiyongo taya mbombolokele kootate Taliiko, yee ye ya popithe nokuya hekeleka moluhodhi lwawo nduka.Ashike, tate Taliiko na meme Helena oye na omukumo omunene.Taya ti kutya yo oyiinekela mu Kalunga kawo ngoka e ya pele uutekulu wawo mbuka nokwe wu kutha po ishewe.”Tse katu na shoka tatu vulu, ayihe mbyoka oya Kalunga mwene, oye e tu pele ye oye ishewe e tu kutha, onkee ehalo lye nali gwanithwe, ” taya ti ngawo.Taya ti kutya yo oya tegelela ashike kEpangelo li ya etele omidhimba dhuutekulu wawo opo ye dhi fumvike pIiwiyongo mpoka okuzilila mOngeleka yawo ya Katoolika ka Roma yIiwiyongo.Uukwana mbuka sho wa monikile meti 11 Septemba 2006 mOshipangelo sha Shakti, owa dhimbululwa kutya ou na omutima gumwe nehuli limwe nomutima nguka ogwa li gwa nkundipala noonkondo noyendji oya kala ngaa taya ti kutya itau ka kala ko ethimbo ele.Oondohotola oya li nee ya hala oku wu kutha kumwe patando lyopaunongononi ndjoka lya li li na ngeno okuningwa mu Desemba nuumvo, ashike nee Kaulunga okwe wu ile ko mEtitatno lya zi ko manga inau thika kesiku lyetando ndjoka lya li lya thanekwa li ka kale ko nee mu Desemba moka, omvula ndjika.Meme gwawo Elizabeth Paulus mokupopya nOshifo shika kuyele manga nokuli ina ya kOvenduka nuunona we mbuka meti 20 Septemba 2006, okwa tile kutya ye naye okwiinekela ashike mu Kalunga ke noku li i ilongekidha kukehe shimwe Kalunga ke te shi mu ningile.Sho nee e wu ila po ngeyi, meme Elizabeth ota ti ashike, Kalunga ke oye e mu pele uunona we mbuka wu li ngawo na oye wo e wu ila po ishewe, ehalo lye nali gwanithwe.Kepulo, Omukuluntu gwOshipangelo shEpangelo sha Shakati Omundohotola Denner okwa ti kutya ye ke shi naanaa natango kutya omidhimba dhuunona mboka otadhi zi ko unake kOvenduka.Ta ti kutya opo te shi kutha mo nawa manga.”Omidhimba dhuutekulu wetu mbuka uyali inadhi thika natango, onkee ngaa twe dhi tegelela, ashike otu li nee momilema, inatu lombwelwa kutya otadhi ya unake opo tu ninge omalongekidho gefumviko lyawo, “Tate Taliiko na meme Newaka taya lombwele The Namibian ngawo ongula yohela.Oshifo osha dhidhilike wo nkene aakalimo yomomkunda Iiwiyongo taya mbombolokele kootate Taliiko, yee ye ya popithe nokuya hekeleka moluhodhi lwawo nduka.Ashike, tate Taliiko na meme Helena oye na omukumo omunene.Taya ti kutya yo oyiinekela mu Kalunga kawo ngoka e ya pele uutekulu wawo mbuka nokwe wu kutha po ishewe.”Tse katu na shoka tatu vulu, ayihe mbyoka oya Kalunga mwene, oye e tu pele ye oye ishewe e tu kutha, onkee ehalo lye nali gwanithwe, ” taya ti ngawo. Taya ti kutya yo oya tegelela ashike kEpangelo li ya etele omidhimba dhuutekulu wawo opo ye dhi fumvike pIiwiyongo mpoka okuzilila mOngeleka yawo ya Katoolika ka Roma yIiwiyongo.Uukwana mbuka sho wa monikile meti 11 Septemba 2006 mOshipangelo sha Shakti, owa dhimbululwa kutya ou na omutima gumwe nehuli limwe nomutima nguka ogwa li gwa nkundipala noonkondo noyendji oya kala ngaa taya ti kutya itau ka kala ko ethimbo ele.Oondohotola oya li nee ya hala oku wu kutha kumwe patando lyopaunongononi ndjoka lya li li na ngeno okuningwa mu Desemba nuumvo, ashike nee Kaulunga okwe wu ile ko mEtitatno lya zi ko manga inau thika kesiku lyetando ndjoka lya li lya thanekwa li ka kale ko nee mu Desemba moka, omvula ndjika. Meme gwawo Elizabeth Paulus mokupopya nOshifo shika kuyele manga nokuli ina ya kOvenduka nuunona we mbuka meti 20 Septemba 2006, okwa tile kutya ye naye okwiinekela ashike mu Kalunga ke noku li i ilongekidha kukehe shimwe Kalunga ke te shi mu ningile.Sho nee e wu ila po ngeyi, meme Elizabeth ota ti ashike, Kalunga ke oye e mu pele uunona we mbuka wu li ngawo na oye wo e wu ila po ishewe, ehalo lye nali gwanithwe.Kepulo, Omukuluntu gwOshipangelo shEpangelo sha Shakati Omundohotola Denner okwa ti kutya ye ke shi naanaa natango kutya omidhimba dhuunona mboka otadhi zi ko unake kOvenduka.Ta ti kutya opo te shi kutha mo nawa manga.