Omhangu yomahoololo mOvenduka oya ekelashi eindilo loKhomas Residentes and Rate Payers Association tali pula omhangu i pule okomisi yomahoololo yaNamibia i nyolife eekandidate dehangano eli momahoololo ewiliko loshilando momafiku 26 Novemba.
Omhangu oya ekelashi eindilo lehangano mepangulo la yandjwa Omaandaxa.
Omupedu panguli presidente Hannelie Prinsloo, oo a lesha etokolo lomhangu, okwa ti vali omhangu oya mona kutya kai na eenghono dokuungaunga neindilo eli.
Ehangano ola pula omhangu i yandje elombwelo kokomisi yomahoololo i tambule ko ehoololo leekandidate dalo odo di li mofooloma di kufe ombinga momahoololoo ewiliko loshilando, ponhele yokupitila komalungula.
Hamushandjai wehangano Shaun Gariseb (e li mefano), okwa ti ehangano kakwa li tali dulu okulongifa omalungula oo taa longifwa kokomisi yomahoololo yaNamibia mokuhoolola eekandidate domahoololo momafiku16 Oktoba, omo eekandidate kwa li di na okuhoololwa.
Ehangano ola pula omhangu i tokole kutya etokolo lokomisi yomahoololo lokufininika kutya omadina ovahoololwa ovo tava ka kufa ombinga momahoololo naa yandjwe ashike okupitila komalungu kali li paveta.
Omunashipundi wokomisi yomahoololo yaNamibia Elsie Nghikembua, oo a ninga omukandaano oo kwa li wa yandjwa komhangu okwa ti, omusholondodo weekandidate domahoololo otau dulu okuyandjwa kokomisi yomahoololo okupitila komalungula ile keenyala, tau yandjwa komunambelewa womahoololo elelo laVenduka.
Ehangano inali yandja omusholondodo walo komunambelewa, nande ongaho, ashike ola kendabala okuuyandja kombelewa yokomisi yomahoololo yakula efiku laxuuninwa potundi 11h00 momafiku 16 Oktoba, Nghikembwa osho a ti ngaho momukanda waye.
Okomisi yomahoololo natango oya ti ehangano okwa li li na okuya kolutu lokuungaunga noipambele yomahoololo ponhele yokuya komhangu yomahoololo, noshipofa shayo.
Prinsloo, Sibeya naDe Jager ovo kwa li tava pwilikine oshipofa eshi Etine loshivike sha dja ko.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
