Ombili unene ku tate Petrus Mhata

OSHIFO shetu otashi gandja ombili onenenene ku tate Petrus Mhata omolu epuko mefatululo lyEthano lya holokele mOshifo shetu shika shomEtitano lya zi ko pepandja eti 34 lyOshiwambo, moka mu na tate Martin Haikali ta popitha oshigongi shAanafaalama ya Mangetti omathimbo ga zi ko pOluno mOndangwa.

Methano moka omu na nee tate Martin Haikali, a thikama ta popitha oshigongi shoka shAanafaalama ya Mangetti noshowo tate Thomas Ndiwakalunga (kolumoholela), tate Ismael Shailemo (omutiyali okuza kolumoho na tate Petrus Mhata (omutiyali okuza kolulyo), ya kaatumba. Oshigongi shoka osha li shaanafaalama, kasha li nande sho RDP. Nonande tate Martin Haikali noshowo tate Ismael Shailemo na tate Thomas Ndiwakalunga, iilyo nAawiliki mo RDP, tate Petrus Mhata keshi oshilyo nenge omuwiliki mo RDP nomoshigongi shika, tate Mhata, okwa li mo ong’omunafaalama gwa Mangetti.Moshifo nee shoka shomEtitano, pethano ndika opwa li pwa shangwa ‘IILYO IIKULUNTU YO RDP’, sha fa tashi ti na tate Mhata gumwe gwomiilyo iikuluntu mbika yo RDP. Shika hasho nandenande. Tate Mhata, ngoka e li Omukalelipo gwEhangano lyUukalinawa mUuyuni, moNooli, keshi nande gwo RDP. Epuko olye ya po pokuhatala nawa nopakuhashiwa nawa kwali kuyamwe yomutse mboka twa li tatu ungaunga nethano ndika kutya mboka ye li methano ndika ayehe oolye naanaa. Ombili unene ku tate Petrus Mhata nokwaayehe ya uvithwa nayi kepuko lyetu ndika.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.