Ombautu yaAmerica ya talelepo

OMBAUTU yetanga lyomomeya yAmerica oya talelepo pOmbaye oshiwike shika nokukoleka omakwatathano pokati komatanga gomomeya giilongo mbika iyali.

Etalelopo pOmbaye lyombautu ndjika yondapo onene yoludhi lwo HSV2 olyo oshitopolwa shetalelopo lyoskepa ndjika kominkulo dhAfrica. Etalelopo ndika olya kwatelamo omatulilo piilando ngaashi Pointe Noir mo Kongo Brazzaville, po Simonstown popepi no Kapa mo South Africa. Pethimbo aakwiita yomomeya mboka ya talelepo pOmbaye, oya li ya kuthombinga miinyangadhalwa ya yooloka ngaashi miilonga yokwiiyamba, mokuthitika olugumbo luuministeli wOmudhingoloko nOmatalelopo ndoka lwa gamena ehala mpoka hapa valele uudhila woludhi lwa Damara tern. Aakwiita mbaka oya topola woo omateddy bears mokati kaanona yomegumbo lyedhina Sunshine Centre Home for the Disabled Children, ongo oshitopolwa shoprograma yawo yedhina Loving Hugs. Iikondo yegameno shAmerica nosha Namibia oya li ya longele kumwe momadhewo gopakwiita. Mu February nuumvo oshitopolwa shetanga lyAmerica moAfrica kombinga yegameno lyomudhingoloko osha li sha ningi omalolelo goku keelela etaandelo lyetiko lyomahooli komunkulofuta molupe lwoshigongi ilonga pOmbaye. Omumvo 1995 America okwa li woo a kwathele Namibia moku tegulula noku halakanithapo iitopitha ya thigala miiheke omolwa iita yekondjelomanguluko.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.