Omaulikilo gOpaipindi ga Ngwediva gonuumvo ga tulwa miilonga pambelewa

O MAULIKO gOpaipindi gokomumvo gonuumvo ga Ngwediva ga tulwa miilonga pambelewa kOmunashipundi gwOfeema ya Ohlthaver and List omusamane Sven Thieme mEtitano lya zi ko moka a indile koshigwana shi yambidhidhe Omaulikilo ngaka molwashoka otaga yambula po Oshitopolwa shomOnooli pamakwatathano nopamona lyoshitopolwa nolyoshilongo ashihe.

Oshiithanene shokutula Omaulikilo ngaka miilonga, shoka sha li sha wilikwa kOmundohotola Elizabeth Kamati, osha li sha kalwa kaanangeshefa oyendji mwa kwatelwa Aanambaanga, Ookampani nosho wo oohandimwe ya za koombinga noombinga dha Namibia. Ngashi shito, moshiithanene shatya ngawo ohamu ningwa osumina yoshimaliwa shomalongekidho gomaulikilo ngoka, ndjoka nuumvo ya za okapandi koN$287,000 lwaampoka, mwa kwatelwa ya Mbuulaye, ngoka e li omusapoti omunene gwOmaulikilo ngaka gaNgwediva.Omunambelewa Omukuluntupitithi gwEhangano lyAanangeshefa moNamibia tate Tarah Shaanika oye a li a wilike Osumina ndjika.Thieme ta yelithile aanangeshefa kutya omukalo omwaanawa gwokungeshefa ogwo ngoka gwokwiitula kumwe ngashi yo mo Ohlthaver and List haya ningi, ye li Ookokampani dhi li mumwe notadhi shi enditha nee nawa lela.Ta ti kutya yo oye na omauwanawa ngashi mOmbuulaye ya Namibia, mo Namibia Dairies nomOhangana Seafood, okupopya po ashike manga dhimwe, ndhoka wo dha topolwa muutopolwa uushona wookampani.Thieme ta ti kutya Ookampani dhawo odha tseyika nawa molwashoka odhi itula wo kumwe nadhilwe dhomoshilongo naandhoka dhopaigwana ngashi Heinken, Diageo shi na sha nOmbuulaye, Pick and Pay shi na sha na Model Pick and Pay na Broll ya South Africa shi na sha na Broll gwa Namibia.”Omaimangokumwe agehe ngaka otaga koleke nawa ookampani ndhika na osho nee shi li oshiwanawa momangeshefelo ngawo,” Thieme ta popi.Ta ti osha pumbiwa noonkondo okuyelutha po emona lyoshilongo opo kukalekwe po onkalonawa yoshigwana yi li nawa, unene tuu okumonena oshigwana oompito dhiilonga, shi kale tashi longo nokwiimonena omahupilo.Omusamane Thieme ta ti wo kutya oshigwana osha pumbwa okulongwa, moosikola nenge manga shi li miilonga, opo shi mone ontseyo ya gwana mokuyambula po emona lyoshilongo, unene tuu shi shiwe iilonga mbyoka tashi kala she yi inekelelwa omolu ehumokomeho lyoshilongo noshigwana shoshene.Thieme ta ti kutya Namibia oku na ombili nengungumano.Oku na oonzo dhi shi kwiinekelwa lela dhiilikolomwa, oku na omakwatathano ge li nawa goondjila, oongodhi, omalusheno, omeya nosho tuu ngoka ge na oshilonga oshinene mokuyambula po emona lyoshilongo nolyaantu.Ashike nee ngashi oonzo ndhoka dhi li mo odha pumbwa okulongwa mo nawa.Tashi vulika ashike uuna oshigwana sha longwa oku dhi longa mo shoshene.Na ngele nani inashi ilonga, nena oto ka adha aazaizaai oyo taye ya ye shi ninge.Kombinga yokoNooli, Thieme okwa ti kutya Onooli, oyi li natango mokukoka pamona noyi na nee oompito lela oombwanawa dhokungeshefela na otashi ka kala oshiwanawa ngele aanangeshefa yokoNooli taya panga uukahewa naanangeshefa yalwe moshilongo nenge pondje yasho opo yi itunge po nawa nokuyelutha po emona lyoshitopolwa shawo shika.”Omaulikilo gokomumvo ga Ngwediva, oge li ompito ombwanawa kaanangeshefa yokOnooli, ya pange uukahewa naanangeshefa yokIitopolwa yilwe moshilongo nenge naamboka yopondje yoshilongo mboka haya kala momaulikilo moka.Shika otashi ningwa nelalakano lyokuyambula po emona lyoshitopolwa shawo shomOnooli, ano ya ninge oongeshefa dhOpaufaabulika dhokushita iinima yopaunangeshefa,” Thieme ta ti ngawo nokwiindila nee kwaayehe ya yambidhidhe omaulikilo ngaka gopaipindi ga Ngwediva naamboka taya ungaunga nago.Ngashi shito, moshiithanene shatya ngawo ohamu ningwa osumina yoshimaliwa shomalongekidho gomaulikilo ngoka, ndjoka nuumvo ya za okapandi koN$287,000 lwaampoka, mwa kwatelwa ya Mbuulaye, ngoka e li omusapoti omunene gwOmaulikilo ngaka gaNgwediva.Omunambelewa Omukuluntupitithi gwEhangano lyAanangeshefa moNamibia tate Tarah Shaanika oye a li a wilike Osumina ndjika.Thieme ta yelithile aanangeshefa kutya omukalo omwaanawa gwokungeshefa ogwo ngoka gwokwiitula kumwe ngashi yo mo Ohlthaver and List haya ningi, ye li Ookokampani dhi li mumwe notadhi shi enditha nee nawa lela.Ta ti kutya yo oye na omauwanawa ngashi mOmbuulaye ya Namibia, mo Namibia Dairies nomOhangana Seafood, okupopya po ashike manga dhimwe, ndhoka wo dha topolwa muutopolwa uushona wookampani.Thieme ta ti kutya Ookampani dhawo odha tseyika nawa molwashoka odhi itula wo kumwe nadhilwe dhomoshilongo naandhoka dhopaigwana ngashi Heinken, Diageo shi na sha nOmbuulaye, Pick and Pay shi na sha na Model Pick and Pay na Broll ya South Africa shi na sha na Broll gwa Namibia.”Omaimangokumwe agehe ngaka otaga koleke nawa ookampani ndhika na osho nee shi li oshiwanawa momangeshefelo ngawo,” Thieme ta popi.Ta ti osha pumbiwa noonkondo okuyelutha po emona lyoshilongo opo kukalekwe po onkalonawa yoshigwana yi li nawa, unene tuu okumonena oshigwana oompito dhiilonga, shi kale tashi longo nokwiimonena omahupilo.Omusamane Thieme ta ti wo kutya oshigwana osha pumbwa okulongwa, moosikola nenge manga shi li miilonga, opo shi mone ontseyo ya gwana mokuyambula po emona lyoshilongo, unene tuu shi shiwe iilonga mbyoka tashi kala she yi inekelelwa omolu ehumokomeho lyoshilongo noshigwana shoshene.Thieme ta ti kutya Namibia oku na ombili nengungumano.Oku na oonzo dhi shi kwiinekelwa lela dhiilikolomwa, oku na omakwatathano ge li nawa goondjila, oongodhi, omalusheno, omeya nosho tuu ngoka ge na oshilonga oshinene mokuyambula po emona lyoshilongo nolyaantu.Ashike nee ngashi oonzo ndhoka dhi li mo odha pumbwa okulongwa mo nawa.Tashi vulika ashike uuna oshigwana sha longwa oku dhi longa mo shoshene.Na ngele nani inashi ilonga, nena oto ka adha aazaizaai oyo taye ya ye shi ninge.Kombinga yokoNooli, Thieme okwa ti kutya Onooli, oyi li natango mokukoka pamona noyi na nee oompito lela oombwanawa dhokungeshefela na otashi ka kala oshiwanawa ngele aanangeshefa yokoNooli taya panga uukahewa naanangeshefa yalwe moshilongo nenge pondje yasho opo yi itunge po nawa nokuyelutha po emona lyoshitopolwa shawo shika.”Omaulikilo gokomumvo ga Ngwediva, oge li ompito ombwanawa kaanangeshefa yokOnooli, ya pange uukahewa naanangeshefa yokIitopolwa yilwe moshilongo nenge naamboka yopondje yoshilongo mboka haya kala momaulikilo moka.Shika otashi ningwa nelalakano lyokuyambula po emona lyoshitopolwa shawo shomOnooli, ano ya ninge oongeshefa dhOpaufaabulika dhokushita iinima yopaunangeshefa,” Thieme ta ti ngawo nokwiindila nee kwaayehe ya yambidhidhe omaulikilo ngaka gopaipindi ga Ngwediva naamboka taya ungaunga nago.