Omatamaneko guukiliminola ga ekelwahi moshipotha sha Kandara

O MUTAMANEKI-NDJAYI okwa ningi etokolo lyokwaatamaneka nando olye shi na sha noshipotha sheso lya Lazarus Kandara ngoka a si koshilalo shondjembo pOsasiona mOvenduka.

Oshipotha sheso lya Kandara otashi ka ungaungiwa nasho ku Mengestrata pethimbo lyomapulapulo, Omutamaneki-Ndjayi Martha Imalwa ta lombwele ngaaka The Namibian mOmaandaha goshiwike shika. Okwa hokolola ngeyi kutya mOmaandaha goshiwike sha zi ko, ombelewa ye oya pewa epeko lyuuyelele kombinga yomakonakono ngoka ga ningwa kOpolisi konima sho ya li ya pulwa yi ninge omakonakono ga gwedhwa po.Imalwa okwa popi ngeyi kutya ye okwa ningi etokolo lyokwaatamaneka nando omuntu moshipotha shika, ihe epeko ndika otali ka tumwa kombelewa ya Mengestrata ngoka oye ta ka ninga omapulapulo moshinima shika mOmpangu.Kandara okwa sile komeho getungo lyOsasiona yOpolisi ya Venduka momasiku 24 gaAguste nuumvo.Okwa si koshilalo shoholo ndjoka ye mu yaha montulo.Okwa si konyala pwa piti oowili ne lwaampoka konima sho a dhitikwa kOpolisi pOmpangu yOpombanda miipotha ngaashi uufuthi nuulingilingi u na sha nekano lyoshimaliwa shoomiliyuna omilongo ndatu (N$30 million) dha Social Security Commission (SSC).Oshimaliwa shika osha li nee sha pungulwa mokampani yedhina Avid Investement Corporation ndjoka ya totwa ku Kandara ngoka wo a li omukuluntuwiliki gwayo.Avid okwa ndopa oku shunitha oshimaliwa shoka pamwe niishoshela yasho mbyoka ya li ya uvaneka kutya otaya ka futa.Oshimaliwa shika osha li shi na oku shunithwa lwopehulilo lya Mei lwaampoka.Oshinima osha eta nee iihokolola mOmpangu yOpombanda moka Ompangu ya gandja elombwelo kutya Avid Investement na patwe molwashoka ita vulu okufuta oongunga dhe.Iihokolola mbyoka oya li ya kwa telwa komeho nokupulakenwa kOmupanguli gwopakathimbo Raymond Heatchote oya ningwa pamulandu gwoveta yookampani.Kandara okwa li a dhitikwa konima sho a gandja uumbangi omasiku gaali mOmpangu ndjoka yOpombanda.Esiku etiyali mOmpangu yOmapulapulo Kandara okwa popi nokuzimina kutya oku na oongunga dha SSC dhoondola/N$500 000.Kandara okwa zimine shili kutya konima sho a pewa oomiliyuna dha SSC omilongo ndatu okwa gandja owala oomiliyuna omilongo mbali nomugoyi oshinkwanu ntano (N$29,5 million) yi ka pungulwe ku Namangol Investements.Kandara okwa ti oshimaliwa shoka shoondola/N$500 000 osha longithwa okufuta iifuta yilwe yopambelewa ya Avid Investement.Konima yethimbo sho a dhitikwa okwa kuthwa omanyala pOsasiona yOpolisi yIimbuluma popepi nOsasiona yOpolisi onene mOvenduka.Konima yaaihe Kandara okwa thindikilwa kegumbo lye kaanambelewa yatatu yOpolisi opo andola a ka tale omiti dhe, iikumbatha niikutu ye omanga ina ka patelwa mo.Aniwa sho ya galukile kOsasiona yOpolisi Kandara okwa kutha aniwa ombistoli yoomilimeta omugoyi (9mm) ndjoka taku popiwa kutya okwe yi kutha omanga a li megumbo lye ngiika.Kandara okwi iyulike ombistoli ndjoka montulo nokunana monkandja eti indhipaga komukalo ngoka.Opo owala a sila mpoka.Opolisi otayi popi kutya ombistoli ndjika oya li medhina lya Kandara.Imalwa okwa hokolola ngeyi kutya papeko ndyoka a pewa okuza kOpolisi itali ulike nando uuyelele wa sha kutya omuntu gwontumba ota vulu okutamanekelwa eso lya Kandara.Pauyelele mboka u li mepeko moka, Imalwa ota ti kutya itau ulike nando kutya Aapolisi mboka ya li ya thindikila Kandara oya ninga epuko lyontumba lyopaukiliminola, nuuyelele mepeko ndika otau ulike kutya Kandara okwi idhipaga mwene.Ta ti omanga a ninga eindilo ndyoka kutya Mengestrata na ninge omapulapulo moshipotha sheso lya Kandara, okwa ningi wo eindilo kutya omapulapulo naga ningilwe mehala lyaayehe molwashoka aantu oyendji oya hala oku uva nokupulakena uuyelele kombinga yeso lya Kandara.Ofamili ya Kandara oyi na uuthemba okukonga omunaveta gwayo ngoka teke yi kalelapo pethimbo lyomapulapulo mOmpangu ya Mengestrata, Imalwa ta popi.Pahokololo lya Mengestrata Omukuluntu Johanna Salionga ngoka e lilepo oshitopolwa sha Venduka, epeko ndika olya thiki mombelewa ye mEtitano lya zi ko.Omanga shika inashi ningwa aagandji yuumbangi oye na manga okwiithanwa opo yee ya gandje uumbangi esiku lyomapulapulo.Salionga okwa popi kutya okuwete owala kutya oshinima shika otashi ka ningwa owala omumvo tagu ya.Okwa hokolola ngeyi kutya mOmaandaha goshiwike sha zi ko, ombelewa ye oya pewa epeko lyuuyelele kombinga yomakonakono ngoka ga ningwa kOpolisi konima sho ya li ya pulwa yi ninge omakonakono ga gwedhwa po.Imalwa okwa popi ngeyi kutya ye okwa ningi etokolo lyokwaatamaneka nando omuntu moshipotha shika, ihe epeko ndika otali ka tumwa kombelewa ya Mengestrata ngoka oye ta ka ninga omapulapulo moshinima shika mOmpangu.Kandara okwa sile komeho getungo lyOsasiona yOpolisi ya Venduka momasiku 24 gaAguste nuumvo.Okwa si koshilalo shoholo ndjoka ye mu yaha montulo.Okwa si konyala pwa piti oowili ne lwaampoka konima sho a dhitikwa kOpolisi pOmpangu yOpombanda miipotha ngaashi uufuthi nuulingilingi u na sha nekano lyoshimaliwa shoomiliyuna omilongo ndatu (N$30 million) dha Social Security Commission (SSC).Oshimaliwa shika osha li nee sha pungulwa mokampani yedhina Avid Investement Corporation ndjoka ya totwa ku Kandara ngoka wo a li omukuluntuwiliki gwayo.Avid okwa ndopa oku shunitha oshimaliwa shoka pamwe niishoshela yasho mbyoka ya li ya uvaneka kutya otaya ka futa.Oshimaliwa shika osha li shi na oku shunithwa lwopehulilo lya Mei lwaampoka.Oshinima osha eta nee iihokolola mOmpangu yOpombanda moka Ompangu ya gandja elombwelo kutya Avid Investement na patwe molwashoka ita vulu okufuta oongunga dhe.Iihokolola mbyoka oya li ya kwa telwa komeho nokupulakenwa kOmupanguli gwopakathimbo Raymond Heatchote oya ningwa pamulandu gwoveta yookampani.Kandara okwa li a dhitikwa konima sho a gandja uumbangi omasiku gaali mOmpangu ndjoka yOpombanda.Esiku etiyali mOmpangu yOmapulapulo Kandara okwa popi nokuzimina kutya oku na oongunga dha SSC dhoondola/N$500 000.Kandara okwa zimine shili kutya konima sho a pewa oomiliyuna dha SSC omilongo ndatu okwa gandja owala oomiliyuna omilongo mbali nomugoyi oshinkwanu ntano (N$29,5 million) yi ka pungulwe ku Namangol Investements. Kandara okwa ti oshimaliwa shoka shoondola/N$500 000 osha longithwa okufuta iifuta yilwe yopambelewa ya Avid Investement.Konima yethimbo sho a dhitikwa okwa kuthwa omanyala pOsasiona yOpolisi yIimbuluma popepi nOsasiona yOpolisi onene mOvenduka.Konima yaaihe Kandara okwa thindikilwa kegumbo lye kaanambelewa yatatu yOpolisi opo andola a ka tale omiti dhe, iikumbatha niikutu ye omanga ina ka patelwa mo.Aniwa sho ya galukile kOsasiona yOpolisi Kandara okwa kutha aniwa ombistoli yoomilimeta omugoyi (9mm) ndjoka taku popiwa kutya okwe yi kutha omanga a li megumbo lye ngiika.Kandara okwi iyulike ombistoli ndjoka montulo nokunana monkandja eti indhipaga komukalo ngoka.Opo owala a sila mpoka.Opolisi otayi popi kutya ombistoli ndjika oya li medhina lya Kandara.Imalwa okwa hokolola ngeyi kutya papeko ndyoka a pewa okuza kOpolisi itali ulike nando uuyelele wa sha kutya omuntu gwontumba ota vulu okutamanekelwa eso lya Kandara.Pauyelele mboka u li mepeko moka, Imalwa ota ti kutya itau ulike nando kutya Aapolisi mboka ya li ya thindikila Kandara oya ninga epuko lyontumba lyopaukiliminola, nuuyelele mepeko ndika otau ulike kutya Kandara okwi idhipaga mwene.Ta ti omanga a ninga eindilo ndyoka kutya Mengestrata na ninge omapulapulo moshipotha sheso lya Kandara, okwa ningi wo eindilo kutya omapulapulo naga ningilwe mehala lyaayehe molwashoka aantu oyendji oya hala oku uva nokupulakena uuyelele kombinga yeso lya Kandara.Ofamili ya Kandara oyi na uuthemba okukonga omunaveta gwayo ngoka teke yi kalelapo pethimbo lyomapulapulo mOmpangu ya Mengestrata, Imalwa ta popi.Pahokololo lya Mengestrata Omukuluntu Johanna Salionga ngoka e lilepo oshitopolwa sha Venduka, epeko ndika olya thiki mombelewa ye mEtitano lya zi ko.Omanga shika inashi ningwa aagandji yuumbangi oye na manga okwiithanwa opo yee ya gandje uumbangi esiku lyomapulapulo.Salionga okwa popi kutya okuwete owala kutya oshinima shika otashi ka ningwa owala omumvo tagu ya.