Omakonakono goshiponga shondhila shoka sha ningilwa mOvenduka oge li metifa

O KADHILA okashona hoka ka gu mo mombanda konima owala sho ka tuka pOkapale koondhila ka Eros mOvenduka komatango gOmaandaha, ota ka konakonwa ku talike kutya oshiponga shoka osha etwa koshike.

Aantu yaali mboka ya li mokadhila hoka ayehe oya sila mo pethimbo lyoshiponga shika oshinene. Okampani yUupale wOondhila mu Namibia nenge tutye Namibia Airport Company (NAC) nosho wo Uuministeli wIilonga nOmakwatathano oya popi kutya oshiponga shoka otashi vulika shi kale sha etwa kendopo lyoindjina yokadhila hoka.Nando nee omadhina goonakusila moshiponga inaga tseyithwa pambelewa kutya oyo oolye, The Namibian ota vulu okukoleka ngeyi kutya oonakusila moshipotha shika oya dhimbululwa kofamili yaahingindhila mboka.Onakusa mboka yaali oyo nee; Giacomo Salvodeli gwomimvo 39 na Allessandro Paci gwoomvula 60.Aalumentu mboka oya dhimbululwa komumwanezimo lya Salvodeli.Pahokololo lya kuume ka Paci ngoka a popi noThe Namibian mEtiyali, aalumentu mboka oya li yu uka koMidgard Lodge konyala ookilometa omilongo heyali (70) kuumbangalantu-zilo wa Venduka.Hoka aniwa oya li taya ka kala muukongo wiiyamakuti.Okadhila kawo okali ka tuka pOkapale koondhila ka Eros lwopotundi onti 17h48, NAC ta koleke ngaaka, nokonima yominute mbali, ano potundi onti 17h50, okangendjo kelondodho kombinga yuupyakadhi oka dhengwa okuza kombelewa yokampani.Osipana yosheendelela oya matukile kehala lyoshiningwanima ndyoka lya li meni lyookilometa omulongo okuza pOkapale koondhila ka Eros.”Paveta yopaigwana, otse tu na oshinakugwanithwa shoshiponga kehe sha ningilwa meni lyookilometa omulonga momudhingoloko gwOkapale ketu,” omugandjimulombo gwaNAC Sikongo Haihambo ta lombwele ngaaka aatoolinkundana ongulohi yOmaandaha.Okadhila haka okashona konomola V5-KLB oka li ka tuka lwahugunina mEtine lya zi ko okuza kOmalinda nokuya nee pOkapale koondhila ka Eros mpoka, omugandjimulombo ta popi ngaaka.Haihamba okwa popi mEtiyali kutya katalekonawa gumwe ngoka a mona nomeho oye a tseyithile osipana yosheendelela ya NAC kombinga yoshiponga shika.Okadhila hoka oka gwile momano gamwe ngoka ge li popepi nOsenda yOositola dha Trade Centre lwopolukanda lwa Klein Kupe pooha nondjila onene ya Venduka na Rehoboth.Eyulu lyokadhila hoka olya li tali monika lya taalela kombinga hoka ga zilila.Ominista yIilonga nOmakwatathano Joel Kaapanda okwa tumu omahekeleko kofamili yoonakusila moshiponga shika.Ta ti Uuminiteli kwa tegelelwa u kale wa gandja uuyelele womuule kombinga yoshiponga shoka ohela.”Konima owala sho okadhila hoka ka tuka …omakudhilo gaali omanene oga li ga uvika gi inyenge moindjina,” Kaapanda ta popi ngaaka pamushangwa mEtiyali.”Okadhila okagu mo ka endeka oluwawa pethimbo ka li ku uka pevi.Okadhila hoka oka ehamekwa noonkondo sho ki idhenga pevi, ashike elago enene, inapu tema nando omulilo,” omushangwa gwa Minista tagu popi ngaaka.Okadhila haka kopaumwene hoka ka nyanyauka oka falwa kOkapale koondhila ka Eros hoka taka ka konakonwa nokeli wo metonatelo li li nawa opo kaaka ningilwe nando uushanda wa sha.Kaapanda ta ti uuyelele wulwe otau ka gandjwa, mwakwatelwa wo nepopilo konima ngele omakonakono oga manithwa kombinga yaa shoka sha eta oshiponga shika.Okampani yUupale wOondhila mu Namibia nenge tutye Namibia Airport Company (NAC) nosho wo Uuministeli wIilonga nOmakwatathano oya popi kutya oshiponga shoka otashi vulika shi kale sha etwa kendopo lyoindjina yokadhila hoka.Nando nee omadhina goonakusila moshiponga inaga tseyithwa pambelewa kutya oyo oolye, The Namibian ota vulu okukoleka ngeyi kutya oonakusila moshipotha shika oya dhimbululwa kofamili yaahingindhila mboka.Onakusa mboka yaali oyo nee; Giacomo Salvodeli gwomimvo 39 na Allessandro Paci gwoomvula 60.Aalumentu mboka oya dhimbululwa komumwanezimo lya Salvodeli.Pahokololo lya kuume ka Paci ngoka a popi noThe Namibian mEtiyali, aalumentu mboka oya li yu uka koMidgard Lodge konyala ookilometa omilongo heyali (70) kuumbangalantu-zilo wa Venduka.Hoka aniwa oya li taya ka kala muukongo wiiyamakuti.Okadhila kawo okali ka tuka pOkapale koondhila ka Eros lwopotundi onti 17h48, NAC ta koleke ngaaka, nokonima yominute mbali, ano potundi onti 17h50, okangendjo kelondodho kombinga yuupyakadhi oka dhengwa okuza kombelewa yokampani.Osipana yosheendelela oya matukile kehala lyoshiningwanima ndyoka lya li meni lyookilometa omulongo okuza pOkapale koondhila ka Eros.”Paveta yopaigwana, otse tu na oshinakugwanithwa shoshiponga kehe sha ningilwa meni lyookilometa omulonga momudhingoloko gwOkapale ketu,” omugandjimulombo gwaNAC Sikongo Haihambo ta lombwele ngaaka aatoolinkundana ongulohi yOmaandaha.Okadhila haka okashona konomola V5-KLB oka li ka tuka lwahugunina mEtine lya zi ko okuza kOmalinda nokuya nee pOkapale koondhila ka Eros mpoka, omugandjimulombo ta popi ngaaka.Haihamba okwa popi mEtiyali kutya katalekonawa gumwe ngoka a mona nomeho oye a tseyithile osipana yosheendelela ya NAC kombinga yoshiponga shika.Okadhila hoka oka gwile momano gamwe ngoka ge li popepi nOsenda yOositola dha Trade Centre lwopolukanda lwa Klein Kupe pooha nondjila onene ya Venduka na Rehoboth.Eyulu lyokadhila hoka olya li tali monika lya taalela kombinga hoka ga zilila.Ominista yIilonga nOmakwatathano Joel Kaapanda okwa tumu omahekeleko kofamili yoonakusila moshiponga shika.Ta ti Uuminiteli kwa tegelelwa u kale wa gandja uuyelele womuule kombinga yoshiponga shoka ohela.”Konima owala sho okadhila hoka ka tuka …omakudhilo gaali omanene oga li ga uvika gi inyenge moindjina,” Kaapanda ta popi ngaaka pamushangwa mEtiyali.”Okadhila okagu mo ka endeka oluwawa pethimbo ka li ku uka pevi.Okadhila hoka oka ehamekwa noonkondo sho ki idhenga pevi, ashike elago enene, inapu tema nando omulilo,” omushangwa gwa Minista tagu popi ngaaka.Okadhila haka kopaumwene hoka ka nyanyauka oka falwa kOkapale koondhila ka Eros hoka taka ka konakonwa nokeli wo metonatelo li li nawa opo kaaka ningilwe nando uushanda wa sha.Kaapanda ta ti uuyelele wulwe otau ka gandjwa, mwakwatelwa wo nepopilo konima ngele omakonakono oga manithwa kombinga yaa shoka sha eta oshiponga shika.