Omahilathano mo Swapo onkee taga tsikile

O MAHILATHANO mongundu yoSwapo onkee taga pula komeho, nonande opaati ndjika otayi ka ninga Okongresa pehulilo lyomumvo nguka.

Uusiku wEtitatu lyoshiwike sha zi ko, Obrancha yo Swapo moshitopolwa sha Khomas, oya li ya hala okutula pevi aawiliki aakuluntu yaali mOpaati, Shapua Kaukungwa na Michaela Huebschle, sho aniwa ya li ya nyana omukalo ngoka gwa longithwa kOpaati yawo mokuhogolola aawiliki yObrancha dhopaati yopaitopolwa. Ihe opulanda ndjika oya ka sitopwa kaawliki yatatu yo Swapo yopashigwana, mboka oyo ya pewa oshinakugwanithwa shokuungaungwa niinima yOpaati moshitopolwa shika.Aawiliki yo Swapo moshitopolwa sha Khomas oya li ya hala okukatukila onkatu Kaukungwa na Huebschle, ngashi naanaa sha ningilwa Jesaya Nyamu, ngoka a li a tidhwa mo mo Swapo momumvo 2005.Otaku popiwa kutya mo Swapo omu na okangundu kaantu yamwe ke na oonkondo ke li pooha dhOmupresidende omukulu Sam Nujoma, ngoka oonzo dhomauyelele dhopapolitika dha popi kutya okwa hala okukundolola ashihe mo Swapo.Huebschle na Kaukungwa oya li aniwa mongundu yaantu mboka ya hogololwa ya kale aawiliki yObrancha yo Swapo moshitopolwa sha Windhoek-East.Konima yomahogololo ngaka, Omukwatakanithi gwo Swapo moshitopolwa sha Khomas Michael Mwinga okwa li aniwa a popi kutya omahogololo oga lio ga maanguluka noga enda pauyuuki, ihe konima yethimbo okwa ka ekelahi oshizemo shago.Metitatu lya zi ko, okangundu okapitithi kOpaati yo Swapo moshitopolwa sha Khomas, oka li ka ithana oshigongi shomeendelelo (uusiku), mpoka pwa li pwa ningwa etokolo kutya Kaukungwa na Huebschle naya tulwe pevi.Oonzo dhi shi okwiinekelwa odha yakele ko The Namibian oshiwike sha zi ko kutya Kaukungwa na Huebschle oya li ya lombwelwa ya ye koshigongi shika, ye shi lombwelwa konima yomwidha mEtitatu.Ihe esiku ndyoka, Kaukungwa okwa li a ya kefumviko lyomukwanizimo gwe gumwe kOnooli, omanga Huebschle a li nale e na omazepo galwe.Ayehe oya lombwele Mwinga pambapila kutya itaya vulu okuthika.Nande ongaaka, Mwinga okwa tokola okuya komeho noshigongi nokupangula aantu mbaka yaali, kaye mo moshigongi.Ihe manga aniwa ye li moshigongi shika, iilyo yo Swapo mOparliamende omusamane Ben Amathula, Nickey Iyambo na Jeremiah Nambinga – mboka oyo aawiliki yopashigwana yo Swapo ya pewa oshitopolwa sha Khomas, oye poshigongi shika e taya lombwele aawiliki yOpaati yawo mbaka (yopashitopolwa) kutya inaya ninga etokolo lya sha kombinga ya Kaukungwa na Huebschle kaye po.Metine lya zi ko, Mwinga okwa lombwele The Namibian kutya ye oshigongi shuusiku wEtitatu ke shi shi.Ihe yakwawo yamwe oye shi koleke kutya oshigongi shika osha ningwa.”Oye li aawiliki aakuluntu mOpaati na omilandu oye dhi shi, uuna kaye uvitile sha ombili.Omolwashike ya ka shangelwa kiifokundaneki? Otu na okuungaunga nayo,” gumwe gwomaawiliki yo Swapo moshitopolwa sha Khomas, osho a lombwele The Namibian ngaaka.Okwa ti Swapo ina hala okukala naantu mboka taya eta etopoko mOpaati.Oonzo dhimwe dhomauyelele odha popi kutya ngele Kaukungwa na Huebschle oya ningilwa sha, shika otashi ka kala ethindilokongudhi molwashoka iilyo yilwe yOpaati itayi ka kala yi na uumbanda okutya, uuna kaye uvitile nawa sha mOpaati.Ombapila yomanyenyeto ga Kaulungwa na Huebschle kombinga yomukalo ngoka gwa longithwa kOpaati yawo mokuhogolola aawiliki yOobrancha, oya li ya nyanyangidhwa mOshifo sha The Namibian omasiku ga zi ko.Ihe opulanda ndjika oya ka sitopwa kaawliki yatatu yo Swapo yopashigwana, mboka oyo ya pewa oshinakugwanithwa shokuungaungwa niinima yOpaati moshitopolwa shika.Aawiliki yo Swapo moshitopolwa sha Khomas oya li ya hala okukatukila onkatu Kaukungwa na Huebschle, ngashi naanaa sha ningilwa Jesaya Nyamu, ngoka a li a tidhwa mo mo Swapo momumvo 2005.Otaku popiwa kutya mo Swapo omu na okangundu kaantu yamwe ke na oonkondo ke li pooha dhOmupresidende omukulu Sam Nujoma, ngoka oonzo dhomauyelele dhopapolitika dha popi kutya okwa hala okukundolola ashihe mo Swapo.Huebschle na Kaukungwa oya li aniwa mongundu yaantu mboka ya hogololwa ya kale aawiliki yObrancha yo Swapo moshitopolwa sha Windhoek-East.Konima yomahogololo ngaka, Omukwatakanithi gwo Swapo moshitopolwa sha Khomas Michael Mwinga okwa li aniwa a popi kutya omahogololo oga lio ga maanguluka noga enda pauyuuki, ihe konima yethimbo okwa ka ekelahi oshizemo shago.Metitatu lya zi ko, okangundu okapitithi kOpaati yo Swapo moshitopolwa sha Khomas, oka li ka ithana oshigongi shomeendelelo (uusiku), mpoka pwa li pwa ningwa etokolo kutya Kaukungwa na Huebschle naya tulwe pevi.Oonzo dhi shi okwiinekelwa odha yakele ko The Namibian oshiwike sha zi ko kutya Kaukungwa na Huebschle oya li ya lombwelwa ya ye koshigongi shika, ye shi lombwelwa konima yomwidha mEtitatu.Ihe esiku ndyoka, Kaukungwa okwa li a ya kefumviko lyomukwanizimo gwe gumwe kOnooli, omanga Huebschle a li nale e na omazepo galwe.Ayehe oya lombwele Mwinga pambapila kutya itaya vulu okuthika.Nande ongaaka, Mwinga okwa tokola okuya komeho noshigongi nokupangula aantu mbaka yaali, kaye mo moshigongi.Ihe manga aniwa ye li moshigongi shika, iilyo yo Swapo mOparliamende omusamane Ben Amathula, Nickey Iyambo na Jeremiah Nambinga – mboka oyo aawiliki yopashigwana yo Swapo ya pewa oshitopolwa sha Khomas, oye poshigongi shika e taya lombwele aawiliki yOpaati yawo mbaka (yopashitopolwa) kutya inaya ninga etokolo lya sha kombinga ya Kaukungwa na Huebschle kaye po.Metine lya zi ko, Mwinga okwa lombwele The Namibian kutya ye oshigongi shuusiku wEtitatu ke shi shi.Ihe yakwawo yamwe oye shi koleke kutya oshigongi shika osha ningwa.”Oye li aawiliki aakuluntu mOpaati na omilandu oye dhi shi, uuna kaye uvitile sha ombili.Omolwashike ya ka shangelwa kiifokundaneki? Otu na okuungaunga nayo,” gumwe gwomaawiliki yo Swapo moshitopolwa sha Khomas, osho a lombwele The Namibian ngaaka.Okwa ti Swapo ina hala okukala naantu mboka taya eta etopoko mOpaati.Oonzo dhimwe dhomauyelele odha popi kutya ngele Kaukungwa na Huebschle oya ningilwa sha, shika otashi ka kala ethindilokongudhi molwashoka iilyo yilwe yOpaati itayi ka kala yi na uumbanda okutya, uuna kaye uvitile nawa sha mOpaati.Ombapila yomanyenyeto ga Kaulungwa na Huebschle kombinga yomukalo ngoka gwa longithwa kOpaati yawo mokuhogolola aawiliki yOobrancha, oya li ya nyanyangidhwa mOshifo sha The Namibian omasiku ga zi ko.