Omageelo meyako lyiimuna kage li pakotampango

OMAGEELO omadhigu ga pewa aapogoli yuufuthi wiimuna pautho lyoveta yuufuthi wiimuna moveta ya lundululwa yomumvo 2004 oga monikwa itaaga tsu kumwe nekotampango.

Oshinima shika osha monikwa kompangu yopombanda metine oshiwike shayi. Omageelo ngaka omadhigu ga li ga etwamo mompango ndjika oga monikwa kaageli pakotampango. Sha landula etokolo ndika omageelo ngaka okwa tiwa naga tendwemo mompango ndjoka patokolo lyohofa yopombanda metine lyoshiwike shayi. Omupanguli ta yakula, Harald Geiger okwa ti omageelo ngaka ga etwapo koshitopolwa oshiti 14 shoveta yuufuthi wiimuna oge li kombanda yokumbandameka, geli kombanda yaashoka sha talikako shi li nawa noshopauyuki. Omupanguli Kato van Niekerk okwa zimine pamwe netokolo lya Geiger, kutya omageelo ngoka ga uthwa kutya ngele omuntu okwa yaka oshinamwenyo shongushu yoodola omathele gatano na geelwe omimvo 20 naangoka ayaka olu tiyali na geelwe oomvula 30 okwa uthwa kohofa yopombanda ga tendwemo moveta ndjika. Ndele shika osha thigi oveta ndjika natango tayi gandja kutya omuntu a yaka iimuna na tumwe kondholongo shampa ongushu yoshinamwneyo shoka ayaka yi thike poodola omathele gatano. Ohofa ngashingeyi oyina okutokola kutya egeelo lyondholongo ndyoka ta yi gandja olina oku kala lithike peni. Moompito dhimwe egeelo lyethimbo ele otashi vulika natango li kale tali gandjwa. Etokolo ndika ina li guma woo etokolo eshona ndyoka lina oku pewa omufuthi ngoka akwatwa muufuthi wiimuna yongushu yoodola 500. Egeelo lyo ndholongo yomimvo mbali olya nuninwa omufuthi gwiimuna yongushu ndjoka. Kokutya omageelo ngaka ita ga tsu kumwe nekotampango oga kondjithwa kaalumentu yaali mboka ya li ya pewa oomvula 50 kumwe muufuthi wiimuna ongombe yimwe niikombo omugoyi.Ngoka a yakele iikombo omugoyi oye Protasius Daniel omupogoli gwotango, ngoka a li a pewa oomvula 20 mu Novomba 2007 konima sho a zimine a yaka iikombo omugoyi yongushu yoodola 4 450 moshitopolwa Ondangwa. Omukalimo gwopOutjo Willem Peter okwa monikile ondjo muufuthi wongombe yimwe yongushu yoodola 3 200 ndjoka ya li ya yahwa pofaalama pokati ka Outjo na Kamanjab mu Desemba 2006, nguka okwa li a pewa egeelo eshona lyomimvo 30 paveta yuufuthi wiimuna oshoka ye omuyoni olutiyali, unene sho ohofa ya mono kutya ka pwa li omatompelo gasha taga keelele kaapewe egeelo ndyoka.Mbaka moku kondjitha omageelo gawo omashona oya ti oga yonagula eutho lyekotampango ndyoka tali ti egeelo lya gandjwa ina li kala lyaana henda, lyaashi lyopantu nenge ta li shundula nokuyuga omuntu uuthike pamwe we. Oya fala hahende ndjayo kohofa pamwe nomutamaneki ndjayi opo ya kambadhale ohofa yi tye sha kombinga yomageelo ngaka okuga talela moshisipili shekotampango.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.