Opolifi yaNamibia otai konakona oshipofa shedipayo konima olutu lohanana kwa li la hangika la tonyenwa monailona popepi noSwakopmund Secondary School, moshitopolwahoolo shErongo Olomakaya.
Oshinima eshi okwa li sha shiivifwa komupedu komisina Kauna Shikwambi molopota yoimbuluma oyo kwa li ya pitifwa Oshoondaxa.
Shikwambi okwa ti, olutu okwa li la monika lwopotundi 17h40 komunambelewa wokwaamena omaliko oo a li moilonga ponhele opo.
Okwa ti omunambelewa wokwaamena omaliko okwa mona onailona ndee eshi e i tala nawa, ta hange mo olutu lohanana lihe na mwenyo.
Kapu na nande omunhu a mangwa po, nomakonakono oku li metifa.
Opolifi otai pula oshiwana shi yandje ouyelele oo tau dulu okumonifa nakuninga oshimbuluma eshi.
Moshiningwa shikwao sha yooloka, olutu lomukainhu (30) okwa li la kufwa momulonga koKavango Oshoondaxa konima kwa li kwa lopotwa kutya okwa fya omeva eshi kwa li tava di koAngola oko kwa li va ka kwata eeshi.
Omupopiliko wopolifi yaNamibia koshitopolwahoololo shaKavango Uninginino, inspkta Raimbert Muronga, okwa ti nakufya okwa dimbulukiwa kutya oye Aune Simuna Hakusama.
Olutu laHakusama okwa li la kufwa momulonga komukunda Nankadu kopolifi yaNamibia lwopotundi 15h20 Oshoondaxa.
Muronga okwa ti ina younona vatatu okwa li umwe womovakainhu ve li vahamano ovo kwa li va ya konhele hai ifanwa Kahoro va ka kwa ta eeshi noyongo lwopotundi 17h00 Olomakaya eshi okawato kavo katengunga.
“Hakusama nomukainhu umwe okawato kavo oka tenguka eshi tava aluka koAngola. Ovakainhu aveshe vavali okwa li va umbata ounona pefimbo loshiponga eshi. Hakusama kakwa li ta dulu okuyowa ndee ta fi omeva; ashike nee, okaana kaye komudo umwe okwa li ka xupifwa komukainhu umwe womongudu yavo,” osho a ti ngaho.
Omukainhu oo a li mokawato naHakusama, okwa xupa.
Ovakwapata vanakufya ova shiivifilwa nomakonakono kombinga yoshiningwanima eshi otaa twikile.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
