Olutenda lwa thika mOndangwa, ashike aanona niimuna tuuu

MONDANGWA O LUTENDA lweshina lyokolutenda ndoka omathimbo ga zi ko lwa kala talu tungwa okuza kOshomeya lwa thinda kOshikango nOshakati okupitila mOndangwa lwa thika nee mOndangwa neshina lyokolutenda oli li ta li ngongola kolutenda hoka mOshitopolwa shoka kwali hashi ithanwa Owambo.

Oshi li lela sha fa ondjodhi okutala nkene eshina lyokolutenda tali ngongola kolutenda hoka momikunda dhomOndonga moka okuza kOshivelo tali taakana momikunda moka ngashi moKing Kauluma, mOmutsegwonime, Omuthiya noshowo momikunda dhopokati kOmuthiya nOnyaanya, mOnyaanya nomomikunda ndhoka dhi li pokati kOnyaanya nOniipa, mOniipa nokuthika nee mOndangwa moka. Nonando onawa nee sho eshina lyokolutenda ndika lya thika koNooli, noshigwana sha fuuka, opu na uupyakadhi uunene waanona tayi ihumbata nayi notaya hindi omalweendo geshina ndika.Aanona yomomikunda pokati kOshivelo nOndangwa, ohaya yi kolutenda nokukala taya dhana kombanda yolotenda hoka na kaya kala ye na ko nasha neshina ndjoka tali ende kolutenda hoka.Oko nee ye li hoka nashi tali zi hoka, oko ye li hoka taya dhana nokukala taya taaguluka.Ya uka kombinga ndjika yolutenda ye ke lu gama handiyaka nosho tuu.Yamwe otaku tiwa kutya ohaya kembadhala okulala pokati komalutenda opo aniwa ya vule okutala kohi yeshina sho tali ende mpoka.Oshinima sha nika oshiponga noonkondo kaanona mbaka.Aakalimo yamwe otaya nyenyeta sho olutenda nduka inalu tulwa nawa mondhalate opo aanona kaya ye mo nuupu.Otaya ti wo kutya iimuna yomomikunda moka mwa enda olutenda nomuushiinda ohayi uhala tayi napa miishana nomomakuti moka mwa pita olutenda noshi li nee eshongo enene kaahingi yeshina ndika lyokolutenda nokeshina lyolyene okuuhala tali halauka nokukembadha okumbilikwa ngeno inashi pumbiwa.Unene tuu sho kali mbilika nziya nuupu.Ngashi ya kala nonale taya indile Epangelo li tule olutenda nduka mondhalate, aakalimo moNooli, unene tuu yomoshitopolwa moka mwa enda olutenda, onkee taya indile kEpangelo li tule olutenda nduka mondhalate oshoka olwa enda moshitopolwa shaayehe moka iimuna naantu tayi inyenge shaampoka ya manguluka.Ashike The Namibian okwa kundana wo okuzilila koonzo dhEpangelo kutya oshinima nashi kale oshinakugwanithwa shaavali, ooyene yiimuna, aawiliki yopaitopolwa kumwe naawiliki yopamuthigululwakalo, aalongisikola nosho tuu aawiliki yOpambepo mOongeleka moka ya uhale taya kunkilile oshigwana, unene tuu shoka oshigundjuka, kutya inashi dhana we polutenda, nashi kale kokule nalwo noshi kale sha lungundja uuna tashi taagulula pomataagulukile golutenda mpoka.Aaniihauto nayo wo otaya kunkililwa ya taagulukile pomataagulukilo golutenda na haku taaguluka shaampoka, oshoka oshihauto otashi vulu lela okupatekena kolutenda nokwaadhika ko keshina ndele tashi hanagulwa po ngashi sha ningilwe nale lwopOmutsegwonime mpoka omvula nasha ya kapita sho ohauto yomukwashigwana gumwe ya li ya patekene kolutenda ndele tayi ndwangulwa po keshina sho lya zi hoka lya tsimika ontsi nokuhanagulwa po thilulthilu.Nonando eshina ohali thiki kOndangwa okufala iitenda, ndjoka lyokuhumbata aantu, ano aayendindjila, aapashiwani, inali thika ko manga, ohali hulile ashike pOnyaanya manga notwa kundana kutya mehuliloshiwike ndika pOnyaanya lwaampoka otapu ka kala etsakaneko lyeshina ndika koshigwana shaahoka notapu ka lala wo omakunkililo ga kwata miiti okuzilila ku Gavena ya Shikoto nOokaansola dhe lya thinda unene maanona moka nomoshigwana ashihe shi kale sha lungama nokukala kokule nolutenda noshowo okutaagulukila pomahala ngoka ga uthwa gokutaagulukila polutenda mpoka momikunda dhi ili nodhi ili.Nonando onawa nee sho eshina lyokolutenda ndika lya thika koNooli, noshigwana sha fuuka, opu na uupyakadhi uunene waanona tayi ihumbata nayi notaya hindi omalweendo geshina ndika.Aanona yomomikunda pokati kOshivelo nOndangwa, ohaya yi kolutenda nokukala taya dhana kombanda yolotenda hoka na kaya kala ye na ko nasha neshina ndjoka tali ende kolutenda hoka.Oko nee ye li hoka nashi tali zi hoka, oko ye li hoka taya dhana nokukala taya taaguluka.Ya uka kombinga ndjika yolutenda ye ke lu gama handiyaka nosho tuu.Yamwe otaku tiwa kutya ohaya kembadhala okulala pokati komalutenda opo aniwa ya vule okutala kohi yeshina sho tali ende mpoka.Oshinima sha nika oshiponga noonkondo kaanona mbaka.Aakalimo yamwe otaya nyenyeta sho olutenda nduka inalu tulwa nawa mondhalate opo aanona kaya ye mo nuupu.Otaya ti wo kutya iimuna yomomikunda moka mwa enda olutenda nomuushiinda ohayi uhala tayi napa miishana nomomakuti moka mwa pita olutenda noshi li nee eshongo enene kaahingi yeshina ndika lyokolutenda nokeshina lyolyene okuuhala tali halauka nokukembadha okumbilikwa ngeno inashi pumbiwa.Unene tuu sho kali mbilika nziya nuupu.Ngashi ya kala nonale taya indile Epangelo li tule olutenda nduka mondhalate, aakalimo moNooli, unene tuu yomoshitopolwa moka mwa enda olutenda, onkee taya indile kEpangelo li tule olutenda nduka mondhalate oshoka olwa enda moshitopolwa shaayehe moka iimuna naantu tayi inyenge shaampoka ya manguluka.Ashike The Namibian okwa kundana wo okuzilila koonzo dhEpangelo kutya oshinima nashi kale oshinakugwanithwa shaavali, ooyene yiimuna, aawiliki yopaitopolwa kumwe naawiliki yopamuthigululwakalo, aalongisikola nosho tuu aawiliki yOpambepo mOongeleka moka ya uhale taya kunkilile oshigwana, unene tuu shoka oshigundjuka, kutya inashi dhana we polutenda, nashi kale kokule nalwo noshi kale sha lungundja uuna tashi taagulula pomataagulukile golutenda mpoka.Aaniihauto nayo wo otaya kunkililwa ya taagulukile pomataagulukilo golutenda na haku taaguluka shaampoka, oshoka oshihauto otashi vulu lela okupatekena kolutenda nokwaadhika ko keshina ndele tashi hanagulwa po ngashi sha ningilwe nale lwopOmutsegwonime mpoka omvula nasha ya kapita sho ohauto yomukwashigwana gumwe ya li ya patekene kolutenda ndele tayi ndwangulwa po keshina sho lya zi hoka lya tsimika ontsi nokuhanagulwa po thilulthilu.Nonando eshina ohali thiki kOndangwa okufala iitenda, ndjoka lyokuhumbata aantu, ano aayendindjila, aapashiwani, inali thika ko manga, ohali hulile ashike pOnyaanya manga notwa kundana kutya mehuliloshiwike ndika pOnyaanya lwaampoka otapu ka kala etsakaneko lyeshina ndika koshigwana shaahoka notapu ka lala wo omakunkililo ga kwata miiti okuzilila ku Gavena ya Shikoto nOokaansola dhe lya thinda unene maanona moka nomoshigwana ashihe shi kale sha lungama nokukala kokule nolutenda noshowo okutaagulukila pomahala ngoka ga uthwa gokutaagulukila polutenda mpoka momikunda dhi ili nodhi ili.