Olusheno talu gwedhelwa uule womimvo ntano ta dhiya

ONDANDO yolusheno ndoka ha lu longithwa kaalongithi yolusheno olundji ota dhi ka gwedhelwa nooperesenda 20 uule womimvo ndatu sigo ntano ta dhi landula. Uuyelele mbuka owa gandjwa kehangano lyoku wilika iikwamalusheno lya Namibia[Electricity Control Board]ECB.

Omunambelewa gumwe gwa ECB, Helene Vosloo sho a popi poshigongi kombinga yoonkondo mwAfrica sha longekidhwa ko USAID okwa ti oondando odhina oku yeluthwa oku ulika ondando yoshili, nelalakano okugamena iiyemo ya Nampower.
Pamiyalu dha ECB, Nampower oku na okulondeka oondando ye yolusheno olundji nooperesenda 20 uule womimvo ndatu sigo ntano tadhi landula, egwedhelo ndika otali ka enda ta li shuna pevi konima yomimvo ndhoka, osho Vosloo a ti.
Okwa ti ondando ya kwatelamo iimaliwa mbyoka ya longithwa okulanda nenge okulonga olusheno lwolwene oya tegelelwa yi ka tulwe miilonga oomvula mbali ta dhi landula.
Pauyelele ishewe mboka wa gandjwa ko ECB pethimbo lyoshigongi oomboka kutya oondando dholusheno otadhi ka londa sigo opoodola mbali mokilowatt yimwe momumvo 2015.Pethimbo lyongashingeyi aalongithi yolusheno ndoka lwa futwa nale ohaya landa ounita yimwe koosenda 95.
Vosloo okwa londodha kutya okuza omumvo 2013 no 2014 otashi vulika Namibia a kale ena ompumbwe yolusheno.
Omatengeneko otaga ti otashi vulika pukale ompumbwe yolusheno lwoomegawatt 200 pehulilo lyomumvo 2014.Pethimbo lyongashingeyi Namibia oha dhigi olusheno lwoomegawatt 384. Oongodhi oompe ndhoka opo dha manithwa okuza ko Caprivi odha tegelelwa okweeta po olusheno lwoomegawatt 300 oku za pondje yoshilongo, pethimbo sho ekopi lyuuyuni lya tameke oku dha nenwa mo South Africa.
Ehangano lyomalusheno lya South Africa, Eskom olya lya tseyithile omahangano omakwawo miishiinda longo kutya ita li ka landitha olusheno kungaka pethimbo uudhano mbuka tawu dhanwa..
Omuwiliki gwa Nampower , Paulinus Shilamba okwa ti ehangano lye ota li kanitha oshimaliwa oshoka oha li landitha olusheno kondando yi li pevi okuyeleka nondando ndjoka hali landa olusheno nenge oku ludhiga.
Nampower oha landitha olusheno koosenda 39 mokilowatt yimwe omanga ye helu etamo okuza pondje kondando yoosenda 45 no54 mokilowatt yimwe.
Omathimbo ga piti opwa li enyenyeto kombinga yethaneko lya Nampower oku pewa egwedhelo lyo ndando yolusheno yooperesenda 35 oku za kewilikongundu lyomalusheno ndele shika ka kwa li sha ningwa na Nampower okwa pitikwa ashike a gwedhele olusheno nooperesenda 18. Na egwedhelo ndika ita li ulike kutya Nampower ota galulako iimaliwa mbyoka a longitha moku landa olusheno lwe.
Ehangano olya ti shika oshina oku kundathanwa, mbala oshoka ngele ina shi ningwa Nampower ota kala ena uudhigu okuhuma komeho.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.