Okupatelwa mondholongo pondje yoshilongo

MoAngola pethimbo ndyoka endini lyoolita 25 okwa li owala tali yangatwa po kooN$120 nuuna e ga thikitha mevi lyomapendafule ohe li landitha po kooN$280.Nonande a kala ta longo ngaaka, Elias opamwe nayakwawo oyendji oya kala yeshi kutya shoka taya ningi kashi li paveta.Okwa kala ha landitha omasiku gahamano moshiwike, nomasiku gamwe oha vulu a ka teke omandini gaali mesiku, naashoka otashi ti komwedhi okwa li ha vulu okumona oshimaliwa shi li pooN$14 000 okupitila ashike melanditho ndyoka lyomahooli.Omahooli itaga pitithwa ohaga landwa noonkondo kombinga yaShikango nuunene otashi hwahwamekwa komahooli ngoka ge na ondando yi li pombanda moNamibia.Omuhingi gwotaxi ngoka a popi ashike kutya oye Shipyu, nokushi kutya ngoka ta landa nenge ta landitha ota longo oshimbuluma, okwa popi kutya okwa kala ta longitha omahooli ga Angola okuza mo2014.“Ondi hole omahooli gokoAngola molwashoka oge na ombiliha . . . ngele onda tula mo okandini koolita ntano dhomahooli ga Angola moshihauto shandje, ohaga kala mo ethimbo ele shi vule ngoka to nwitha piitaasi yomahooli moNamibia. Oshinima ooshoka kutya omahooli ga Angola oga goma,” osho Shipyu a yelitha ngaaka.Okwe gwedha po tati: “Ohashi kala ashike uupyakadhi uuna iimentu ye ga gwedhekanitha nomeya opo ya kengelele ookastoma.”A PATELWA MOLimwe lyomomasiku mo 2021, Elias kali e enda nelago, sho a yi koSanta Clara moAngola popepi ashike noongamba dhaShikango okwa tulwa miipandeko kopolisi ya Angola poshitaasi shomahooli. Elias okwa popi kutya okuwete kutya okwa li owala a kwatwa po papuko.“Omanga tandi futu omahooli gendini lyandje, ondu uvu ashike opolisi tayi ti: oye ngoka. Oya tula ndje miityaka noya fala ndje koNamacude,” osho a hokolele oThe Namibian ngaaka, omwedhi gwa zi ko.Konima yomasiku gane, okwa lundululilwa kondholongo yaPeu Peu mOndjiva, yi li omukaakena gwookilometa 40 okuza koSanta Clara.Aapolisi oye mu tula miipandeko netompelo tali mu fekele kutya okwa li a yugu omuAngola oshimaliwa, nonkene oye mu pe egeelo lyoomaKwanza 600 000 (shi thike pooN$19 000), nongele hasho oku na okupewa oomvula mbali netata konima yekumba. Molwashoka kali e na oshimaliwa shoka, okwa tulwa mokakuma.“Okwa li ku na ondjala hwiyaka. Otwa kala owala hatu pewa osopa kaayi na oshithima. Ishewe shoka oho shi pewa owala ethimbo lyongula nopomwiha,” osho a popi ngaaka.“Kapwa li nande gumwe a talele ndje po.”Opo ashike a kale ta hupu sho e li mondjedhililo, okwa landitha po iikutu ye kaanandholongo mboka haya longo kekulo, nolwanima okwa tameke ha kulula aanandholongo aakwawo.“Okwa li handi ya kulula momitse yo taya futu ndje omboloto,” osho a popi ngaaka.Sho a mangululwa mondholongo, Elias okwa tameke natango ha landitha omakaya goko Angola moNamibia, goYes.Omupevikomufala gwopolisi yaShikoto, Petrus Shigwedha, mo2020 okwa tseyitha kutya mondholongo yaPeu Peu okwa li mwe edhililwa Aanamibia ye li po30 – ondholongo ya Peu Peu oyi li ashike popi noongamba.Mo2017, mondholongo ndjoka okwa li mwa hulithile Aanamibia ye li pomugoyi komanyutu.Omupoiliko gwopolisi moshilongo, Kauna Shikwambi, omumvo gwa zi ko okwa popi kutya okupatelwa mondholongo pondje yoshilongo ohashi kala oshidhigu molwashoka ihapu kala ookuume naapambele mboka taye ya yambidhidha.Pauyelele wa monika po konzonkudnaneki ndjika, Aanambia ya konda po17 okwa li ya tulwa miipandeko pondje yoshilongo pokati komumvo gwo2016 no2020.Aakiintu yahetatu nomulumentu gumwe okwa li ya kwatwa po moBrazil. Aakiintu yane oya tulwa miipandeko moEthiopia, omanga aalumentu yaali oya kwatwa po moIndia, yalwe oya tulwa miipandeko moCyprus. Aalumentu yaali oya tulwa miipandeko moChina.Oyendji mboka ya tulwa miipandeko miilonga mbyoka oshi li mekwatathano niingangamithi, omanga Aanamibia mboka ya kwatwa po moChina okwa li taya longitha okawe kiifundja.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.