Okukelela iilonga yoUDP kashi li mondjila pauthemba womuntu

E DHILAADHILO lyEpangelo okukeelela iilonga yongundu yo United Democratic Party (UDP) ndjoka ya li membwinda lyoDTA- ndjoka ngashiingeyi tayi uvitha omalalakano gokutenda ko oshitopolwa sha Caprivi ku Namibia oshinima shoka kashi li pakotampango, aniwa nasho kashi li pakotampango wo.

Oshinima shika osha popiwa kOmukuluntuwiliki gwongundu onkondjeli yuuthemba womuntu nenge tutye National Society for Human Rights, Phil ya Nangoloh mOmaandaha goshiwike shika mOvenduka. Pamushangwa ngoka gwa pitithwa kOministeli yOmauyelele nIikwakutumwamombepo Raphael Dinyando mEtitano lya zi ko okwa li a popi kutya Epangelo olya tseyitha ngeyi kutya iilonga ayihe yongundu yoUDP inayi pitikwa mu Namibia.Okwa popi kutya UDP okwa keelelwa mu Namibia – onkatu ndjoka ya talika ko kutya oyo ongundu yotango tayi keelelwa iilonga yayo mu Namibia lya manguluka okuza momumvo 1990.Epangelo olya popi kutya iilonga yopaati ndjika yokutenda ko oshitopolwa sha Caprivi ku Namibia (…) oyo ye etitha etokolo lyokusitopa iilonga yalyo moshiongo noyeshi ningitha yi kale yaalipaveta.Epangelo tali popi kutya omuntu kehe te ki iyadha miilonga yongundu ndjika ota ka yonagula oveta nEkotampango lyoshilongo.”Oshigongi kehe sha UDP itashi ka pitikwa mOrepublika ya Namibia.Ta gwedhapo ngeyi kutya mboka taya yambidhidha edhilaadhilo lyokuteta ko oshitopolwa sha Caprivi ku Namibia muuwanawa wa UDP otaya ka longiwa nayo shi ikwatelela kooveta dha Namibia,” Dinyando ta lombwele ngaaka iikundaneki mOvenduka.Epangelo otali tsikile nokusimaneka Ekotampango nuuthemba womukwashigwana kehe kutya ota vulu okukutha ombinga momahololomadhilaadhilo gopambili nosho wo okundjoina ongundu kehe a hala – ashike oshinima shika inashi kwatelamo aantu mboka ye na omalalakano ge li ompinge nEkotampango lyoshilongo,” Epangelo tali popi ngaaka pamushangwa.Shampa owala UDP ta longo iilomnga ye pambili, onkatu kehe yokungambeka nenge okukeelela iilonga ye otayi ka kala yaalipaveta notayi ka kala yaalipakotampango, Ya Nangoloh ta popi ngaaka.”Ondiwete ngeyi kutya naya pitikwe okwiitenda ko pambili,” ta popi.Ekotampango lya Namibia otali popile okupopya nokugandja omayele kwa manguluka noshinima shika osho nee shi na okukala tashi longithwa megameno lyaantu mboka taya popile eitendokolo lyoshitopolwa sha Caprivi, shampa owala tashi ningwa pambili, ta popi ishewe.Ishewe Ekotampango lyoshilongo otali popile kutya omukehe okwa manguluka okukutha ombinga mongundu kehe yopapolitika – ashike natango, shampa owala tashi ningwa pambili, Ya Nangolo ta popi.”Epangelo otali ki iyaha lyolyene mompadhi ngele olya kambadhala okusitopa iilonga yoUDP, okuninga shila ongundu ndjika ya nyika iikolokosha,” Ya Nangoloh ta popi.Kepulo ngele ongundu yoUDP oya ekelwahi noku tseyithwa kutya kayi li paveta, Dinyando okwa li a yamukula ngeyi kutya ongundu ya UDP inayi shangithwa nokuli noshikondo shOmahogololo sha Namibia nenge Electoral Commission of Namibia (ECN) noshinima shika oyeshi ningi yi kale yaalipaveta.”Ongundu kehe yopapolitika oyi na okwiishangitha hoka noyi na okugwanitha po iinakugwanithwa yontumba pethimbo lyomaishangitho.Paveta yOmaishangitho, UDP ini ishangitha hoka.”Omalalakano ga UDP ogokutendako oshitopolwa sha Caprivi ku Namibia – noshinima shika oshi li nee ompinge nEkotampango lyaNamibia, Omupeviminista gwOmauyelele ta popi ngaaka.”Pethimbo ndika, ongundu ndjika otayi uvitha eitendoko, noshinima shoka kashi li paveta,” Dinyando ta popi ngaaka nomuthindo.Dinyando okwa tindi okulombwela aatoolinkundana ngele UDP okwa keelelewa mo mu Namibia thilu thilu.”Edhilaadhilo lyoUDP lyokutendako oshitopolwa sha Caprivi ku Namibia oli li eyonagulo lyEkotampango.Omuntu kehe ti itula miilonga yongundu yatya ngaaka naye ota yonagula ekotampango lyOshilongo.”Mu Aguste 1999 oonkambadhala dhokutetako Caprivi ku Namibia odha ndopa poKatima Mulilo shoka shi li oshilandopangelo shoshitopolwa shoka.Otaku hokololwa ngeyi kutya edhilaadhilo ndika lyokutenda ko Caprivi ku Namibia olya li edhilaadhilo lya Mishake Muyongo ngoka oye a tota po UDP momumvo 1985.Ongundu ya homata ndjoka ya li tayi iyithana yoyene Caprivi Liberation Army (CLA) yewawa lyoUDP oya li ya ningi oonkambadhala dhokukwatako nokundolola omatungo gOradio poKatima Mulilo.Etanga lyEgameno lya Namibia pamwe nOpolisi ya Namibia oya sitopa eponokelo ndyoka nokuya oonkambadhala ndhoka moshipala.Omwaalu gwaantu yontumba ogwa li gwa dhipagwa omanga omathele ya dhitikwa nokutulwa miipandeko.Muyongo pamwe nayakwawo oya fadhukapo nokuya ku Botswana hoka ya ka pula ya pewe uuholameno.Konima yethimbo Muyongo okwa ka ya ku Denmark hoka a pewa uuholameno na oko nee e li sigo onena ndjika.UDP okwa kala oshilyongundu shoDemocratic Turnuhalle Alliance (DTA) omanga oshilongo inashi oanguluka.Pahokololo lya Dinyando, Momumvo 1999 UDP okwa li a zi mo mu DTA, ashike ka li iishangitha ongundu yopapolitika yi ithikamena.Omulumentu ngoka e lile komeho ongundu ndjika yoUDP oye Crispin Matongo ngoka a kala omunashipundi gwoSwapo e li komutuni moashitopolwa shoka sha Caprivi unene tuu pu Katwe momumvo 1977.Okuza momumvo gwa landulako, okwa li a tidhwa mo moshitopolwa sha Caprivi kepangelo lya South Afrika sigo omomumvo 1989 sho emanguluko lye ya popepi.Matongo ngoka ngashiingeyi e na omimvo 70 okwa ningwa Komufala gwotango gwOondholongo mu Namibia mu Mei omumvo 1990.Okwi ikutha miilonga mbika kuukulupe momumvo 1996 etayi komukunda gwawo ko Linyanti moshitopolwa sha Caprivi.Momumvo 1999 Matongo okwa li a ndjoina ongundu yoCongresa of Democratic (CoD), nokwi ikutha mo ishewe omumvo gwa zi ko opo a ka pendulepo ongundu yawo yoUDP moka a ningi Omunashipundi gwayo mu Novemba omumvo gwa zi ko.Omwedhi gwa zi ko, okwa li a lombwele The Namibian kutya oku na eitaalo kutya oshitopolwa sha Caprivi kashi li naanaa oshitopolwa sha Namibia pauyuuki noshi na okutetwa ko opo shi kale oshilongo shi ithikamena kusho shene.”Otwa hala okukala twi ithikamena kutse yene.Ngele otwa mono emanguluko lyetu nokwiithikamena, otatu tameke okuyambulapo oshitopolwa shetu paukalo gwAacaprivi,” Matongo ta popi ngaaka pethimbo lyomapulapulo noshifo shika.Matongo omumwayinagona gwa Mishake Miuyongo.Pamushangwa ngoka gwa pitithwa kOministeli yOmauyelele nIikwakutumwamombepo Raphael Dinyando mEtitano lya zi ko okwa li a popi kutya Epangelo olya tseyitha ngeyi kutya iilonga ayihe yongundu yoUDP inayi pitikwa mu Namibia.Okwa popi kutya UDP okwa keelelwa mu Namibia – onkatu ndjoka ya talika ko kutya oyo ongundu yotango tayi keelelwa iilonga yayo mu Namibia lya manguluka okuza momumvo 1990.Epangelo olya popi kutya iilonga yopaati ndjika yokutenda ko oshitopolwa sha Caprivi ku Namibia (…) oyo ye etitha etokolo lyokusitopa iilonga yalyo moshiongo noyeshi ningitha yi kale yaalipaveta.Epangelo tali popi kutya omuntu kehe te ki iyadha miilonga yongundu ndjika ota ka yonagula oveta nEkotampango lyoshilongo. “Oshigongi kehe sha UDP itashi ka pitikwa mOrepublika ya Namibia.Ta gwedhapo ngeyi kutya mboka taya yambidhidha edhilaadhilo lyokuteta ko oshitopolwa sha Caprivi ku Namibia muuwanawa wa UDP otaya ka longiwa nayo shi ikwatelela kooveta dha Namibia,” Dinyando ta lombwele ngaaka iikundaneki mOvenduka.Epangelo otali tsikile nokusimaneka Ekotampango nuuthemba womukwashigwana kehe kutya ota vulu okukutha ombinga momahololomadhilaadhilo gopambili nosho wo okundjoina ongundu kehe a hala – ashike oshinima shika inashi kwatelamo aantu mboka ye na omalalakano ge li ompinge nEkotampango lyoshilongo,” Epangelo tali popi ngaaka pamushangwa.Shampa owala UDP ta longo iilomnga ye pambili, onkatu kehe yokungambeka nenge okukeelela iilonga ye otayi ka kala yaalipaveta notayi ka kala yaalipakotampango, Ya Nangoloh ta popi ngaaka.”Ondiwete ngeyi kutya naya pitikwe okwiitenda ko pambili,” ta popi.Ekotampango lya Namibia otali popile okupopya nokugandja omayele kwa manguluka noshinima shika osho nee shi na okukala tashi longithwa megameno lyaantu mboka taya popile eitendokolo lyoshitopolwa sha Caprivi, shampa owala tashi ningwa pambili, ta popi ishewe.Ishewe Ekotampango lyoshilongo otali popile kutya omukehe okwa manguluka okukutha ombinga mongundu kehe yopapolitika – ashike natango, shampa owala tashi ningwa pambili, Ya Nangolo ta popi.”Epangelo otali ki iyaha lyolyene mompadhi ngele olya kambadhala okusitopa iilonga yoUDP, okuninga shila ongundu ndjika ya nyika iikolokosha,” Ya Nangoloh ta popi.Kepulo ngele ongundu yoUDP oya ekelwahi noku tseyithwa kutya kayi li paveta, Dinyando okwa li a yamukula ngeyi kutya ongundu ya UDP inayi shangithwa nokuli noshikondo shOmahogololo sha Namibia nenge Electoral Commission of Namibia (ECN) noshinima shika oyeshi ningi yi kale yaalipaveta.”Ongundu kehe yopapolitika oyi na okwiishangitha hoka noyi na okugwanitha po iinakugwanithwa yontumba pethimbo lyomaishangitho.Paveta yOmaishangitho, UDP ini ishangitha hoka.”Omalalakano ga UDP ogokutendako oshitopolwa sha Caprivi ku Namibia – noshinima shika oshi li nee ompinge nEkotampango lyaNamibia, Omupeviminista gwOmauyelele ta popi ngaaka.”Pethimbo ndika, ongundu ndjika otayi uvitha eitendoko, noshinima shoka kashi li paveta,” Dinyando ta popi ngaaka nomuthindo.Dinyando okwa tindi okulombwela aatoolinkundana ngele UDP okwa keelelewa mo mu Namibia thilu thilu.”Edhilaadhilo lyoUDP lyokutendako oshitopolwa sha Caprivi ku Namibia oli li eyonagulo lyEkotampango.Omuntu kehe ti itula miilonga yongundu yatya ngaaka naye ota yonagula ekotampango lyOshilongo.”Mu Aguste 1999 oonkambadhala dhokutetako Caprivi ku Namibia odha ndopa poKatima Mulilo shoka shi li oshilandopangelo shoshitopolwa shoka.Otaku hokololwa ngeyi kutya edhilaadhilo ndika lyokutenda ko Caprivi ku Namibia olya li edhilaadhilo lya Mishake Muyongo ngoka oye a tota po UDP momumvo 1985.Ongundu ya homata ndjoka ya li tayi iyithana yoyene Caprivi Liberation Army (CLA) yewawa lyoUDP oya li ya ningi oonkambadhala dhokukwatako nokundolola omatungo gOradio poKatima Mulilo. Etanga lyEgameno lya Namibia pamwe nOpolisi ya Namibia oya sitopa eponokelo ndyoka nokuya oonkambadhala ndhoka moshipala.Omwaalu gwaantu yontumba ogwa li gwa dhipagwa omanga omathele ya dhitikwa nokutulwa miipandeko.Muyongo pamwe nayakwawo oya fadhukapo nokuya ku Botswana hoka ya ka pula ya pewe uuholameno.Konima yethimbo Muyongo okwa ka ya ku Denmark hoka a pewa uuholameno na oko nee e li sigo onena ndjika.UDP okwa kala oshilyongundu shoDemocratic Turnuhalle Alliance (DTA) omanga oshilongo inashi oanguluka.Pahokololo lya Dinyando, Momumvo 1999 UDP okwa li a zi mo mu DTA, ashike ka li iishangitha ongundu yopapolitika yi ithikamena.Omulumentu ngoka e lile komeho ongundu ndjika yoUDP oye Crispin Matongo ngoka a kala omunashipundi gwoSwapo e li komutuni moashitopolwa shoka sha Caprivi unene tuu pu Katwe momumvo 1977.Okuza momumvo gwa landulako, okwa li a tidhwa mo moshitopolwa sha Caprivi kepangelo lya South Afrika sigo omomumvo 1989 sho emanguluko lye ya popepi.Matongo ngoka ngashiingeyi e na omimvo 70 okwa ningwa Komufala gwotango gwOondholongo mu Namibia mu Mei omumvo 1990.Okwi ikutha miilonga mbika kuukulupe momumvo 1996 etayi komukunda gwawo ko Linyanti moshitopolwa sha Caprivi.Momumvo 1999 Matongo okwa li a ndjoina ongundu yoCongresa of Democratic (CoD), nokwi ikutha mo ishewe omumvo gwa zi ko opo a ka pendulepo ongundu yawo yoUDP moka a ningi Omunashipundi gwayo mu Novemba omumvo gwa zi ko.Omwedhi gwa zi ko, okwa li a lombwele The Namibian kutya oku na eitaalo kutya oshitopolwa sha Caprivi kashi li naanaa oshitopolwa sha Namibia pauyuuki noshi na okutetwa ko opo shi kale oshilongo shi ithikamena kusho shene.”Otwa hala okukala twi ithikamena kutse yene.Ngele otwa mono emanguluko lyetu nokwiithikamena, otatu tameke okuyambulapo oshitopolwa shetu paukalo gwAacaprivi,” Matongo ta popi ngaaka pethimbo lyomapulapulo noshifo shika.Matongo omumwayinagona gwa Mishake Miuyongo.