Okondalaka oya dhipagitha aafaalama pu Kareeboomkolk ya hololwa puyelele

E DHIPAGO lyaantu yahetatu pamukalo gwa kaposi kayaalela pOfaalama yedhina Kareeboomkolk mu Maalitsa 2005 olya ningwa pakondalaka ndjoka ya ningwa komonamati gwoonakudhipagwa yaali mboka ya li ooyene yofaalama ndjika, Omutamaneki-Ndjayi ta tamaneke ngaaka.

Justus Christiaan (‘Shorty’) Erasmus (28) omonamati gwoonakudhipagwa Justus Christiaan Erasmus nomukulukadhi gwe Elzabe Erasmus, osheya wo puuyelele kutya mo 2003 ka li owala a pulanda okudhipagitha owala aakuluntu ye ihe nomumwayinakadhona, Yolande Erasmus, Omutamaneki-Ndjayi ta hololele ngaaka Erasmus naatamanekwa aakwawo yatatu momukanda gwomapandja 32 ngoka gwa leshwa mOmpangu ya Mengestrata pOmalinda mEtitatu. PG okwa ningi etokolo lyokutamanekela Erasmus iipotha mbyoka a ningilwa tango sho a dhitikwa momasiku 15 gaMaalitsa omumvo gwa zi ko, nosho wo aatamanekwa pamwe naye ngaashi Sylvester Beukes (21), Gavin Beukers (24), na Stoney Raymond Neidel (29), – oya li ya tseyithilwa oshinima shika sho mbaka yane ya holoka lwotango pamwe mOmpangu ya Mengestrata pOmalinda oshiwike shika.Neidel okwa li a dhitikwa mEtitano lyoshiwike sha zi ko.Aatamanekwa mbaka otaya ka holoka ishewe mOmpangu yOpombanda mOvenduka notaya ka tamanekelwa iipotha mbika momasiku 18 ga Mei nuumvo, taya lombwelwa ngaaka.Pamushangwa ngoka gwa gandja mOmpangu mEtitatu, mboka yane otaya ka tamanekelwa iipotha omulongo niitano (15) – ihetatu yedhipago, eteyo lyegumbo nelalakano lyokuyuga, okuyuga, oshipotha shilwe sheyugo, oshipotha shokuya uuyuuki moshipala, eyonagulo pakufika, uufuthi, nosho wo okukala nondjembo niikuti shaali paveta.Otaku popiwa pamushangwa ngoka kutya momumvo 2003, Erasmus ina ninga owala opulanda na Sylvester Beukes okudhipaga aakuluntu ye ihe nosho wo okudhipagitha omuwayinakadhona.Nguka oye owala omumwayina gwa Erasmus omukadhona.Aniwa Erasmus okwa pe Beukes ombistoli opo a katule opulanda ndjoka miilonga, ihe opulanda ndjika inayi tulwa miilonga momumvo 2003 nenge momumvo 2004, omushangwa tagu popi.Mo 2004 nakusa Erasmus okwa li a ningile Sylvester Beukes oshipotha shuufuthi wiimuna, omahooli noshohauto yo Mazda yombaki, omushangwa tagu popi.Otaku popiwa ngeyi kutya iipotha mbika oya li ya ningwa opethimbo Beukes a li ta longele pofaalama ndjoka ya Kareeboomkolk pethimbo ndyoka.Beukes okwa li a pewa obooloha mu Desemba 1, 2004 konima sho mukwayina Gavin a futu obooloha ye.Mu Desemba 2004 konima sho Beukes a zi mondholongo oya tsakanene na Erasmus Shorty mOvenduka noya ningi euvathano ya tsakanene ishewe moshilando mu Januali omushangwa gwomatamaneko tagu popi ngaaka.Mu Desemba 2004, otaku popiwa aniwa kutya aamwayinathana mbaka yaali pamwe na Neidel oya uvathana kutya iinima mbyoka tayi ka yugwa mofaalama moka otayi ka holekwa mofaalama ya Neidel po Rehoboth.Momasiku 31 gaJanuali omumvo gwa zi ko, opulanda yokudhipaga ooyene yofaalama ndjika oya tulwa miilonga shoka sha eta edhipago lyaantu oyendji noli nyanyaleka mu Namibia konima yemanguluko.Esiku ndyoka, Erasmus Shorty na Beukes oya li ya tsakanene mOvenduka moka Shorty a pe Beukes ondjembo ya he yoRevolver noshiketha shiikuti yo.38 yomwaalu inagu tseyika pamwe nolisinisa yondjembo ya he, omushangwa gomatamaneko tagu hokolola.Aniwa Beukes na mumwayina oya yi kofaalama ya Kareeboomkolk momasiku 4 gaMaalitsa, omushangwa tagu popi.Hoka oya teya egumbo lyofaalama nokukutha mo oombistoli mbali niikuti.Pethimbo lyomutenya oya kala nokulitha aantu yatano pofaalama mpoka noku ke ya dhipaga konima.Oonakudhipagwa oyo nee Hilma Engelbrecht (38), okanona ke Christina Engelbrecht (6), Regina Gertze (4), Deon Gertze (18), nosho wo suala ye Settie Swartbooi gwomimvo 50, omushangwa ta tsikile.Aniwa mboka oya yahwa okusa nokonima omidhimba dhawo odha tomekwa omulilo.Momasiku 5 gaMaalitsa, aamentu mboka yaali oya heke ooyene yofaalama opo yee kofaalama sho ya longitha gumwe gwomaaniilonga pofaalama ndjoka gwedhina Sunnybooi Swartbooi (35) ngoka e ya dhengele nokulopota oshiningwanima kuyo.Aahokanathani mboka yaali yomimvo 50 oya thiki pofaalama yawo omutenya gwesiku ndyoka.”Aatamanekwa oya yaha okusa ooyene yofaalama sho ya thiki hoka, na opo owala ya sila mpoka kiilalo yooholo,” omushangwa tagu yelitha.Aniwa oya thiminike Swartbooi a londeke iinima mohauto nosho wo mokatemba kohauto.Konima sho Swartbooi a mana okulonga iinima mbyoka oyemu mangele moshipundi etaye mu dhipaga, omushangwa tagu tsikile ngaaka.Konima oya dhengele Neidel noselula ya Gavin nosho wo noselula ya nakusa Erasmus.Iinima yimwe mbyoka ya yakwa oya tulwa pofaalama ya Neidel omanga yilwe ya ka ndolopwa pofaalama yedhina Areb omanga ohauto ya Erasmus inayi thigwa pehala limwe moshitopolwa sha Venduka momasiku 5 gaMaalitsa.Omushangwa nguka otagu ti ayehe yane oya longelekumwe nelalakano lyafaathana moshinima shika.PG okwa ningi etokolo lyokutamanekela Erasmus iipotha mbyoka a ningilwa tango sho a dhitikwa momasiku 15 gaMaalitsa omumvo gwa zi ko, nosho wo aatamanekwa pamwe naye ngaashi Sylvester Beukes (21), Gavin Beukers (24), na Stoney Raymond Neidel (29), – oya li ya tseyithilwa oshinima shika sho mbaka yane ya holoka lwotango pamwe mOmpangu ya Mengestrata pOmalinda oshiwike shika.Neidel okwa li a dhitikwa mEtitano lyoshiwike sha zi ko.Aatamanekwa mbaka otaya ka holoka ishewe mOmpangu yOpombanda mOvenduka notaya ka tamanekelwa iipotha mbika momasiku 18 ga Mei nuumvo, taya lombwelwa ngaaka.Pamushangwa ngoka gwa gandja mOmpangu mEtitatu, mboka yane otaya ka tamanekelwa iipotha omulongo niitano (15) – ihetatu yedhipago, eteyo lyegumbo nelalakano lyokuyuga, okuyuga, oshipotha shilwe sheyugo, oshipotha shokuya uuyuuki moshipala, eyonagulo pakufika, uufuthi, nosho wo okukala nondjembo niikuti shaali paveta.Otaku popiwa pamushangwa ngoka kutya momumvo 2003, Erasmus ina ninga owala opulanda na Sylvester Beukes okudhipaga aakuluntu ye ihe nosho wo okudhipagitha omuwayinakadhona.Nguka oye owala omumwayina gwa Erasmus omukadhona.Aniwa Erasmus okwa pe Beukes ombistoli opo a katule opulanda ndjoka miilonga, ihe opulanda ndjika inayi tulwa miilonga momumvo 2003 nenge momumvo 2004, omushangwa tagu popi.Mo 2004 nakusa Erasmus okwa li a ningile Sylvester Beukes oshipotha shuufuthi wiimuna, omahooli noshohauto yo Mazda yombaki, omushangwa tagu popi.Otaku popiwa ngeyi kutya iipotha mbika oya li ya ningwa opethimbo Beukes a li ta longele pofaalama ndjoka ya Kareeboomkolk pethimbo ndyoka.Beukes okwa li a pewa obooloha mu Desemba 1, 2004 konima sho mukwayina Gavin a futu obooloha ye.Mu Desemba 2004 konima sho Beukes a zi mondholongo oya tsakanene na Erasmus Shorty mOvenduka noya ningi euvathano ya tsakanene ishewe moshilando mu Januali omushangwa gwomatamaneko tagu popi ngaaka.Mu Desemba 2004, otaku popiwa aniwa kutya aamwayinathana mbaka yaali pamwe na Neidel oya uvathana kutya iinima mbyoka tayi ka yugwa mofaalama moka otayi ka holekwa mofaalama ya Neidel po Rehoboth.Momasiku 31 gaJanuali omumvo gwa zi ko, opulanda yokudhipaga ooyene yofaalama ndjika oya tulwa miilonga shoka sha eta edhipago lyaantu oyendji noli nyanyaleka mu Namibia konima yemanguluko.Esiku ndyoka, Erasmus Shorty na Beukes oya li ya tsakanene mOvenduka moka Shorty a pe Beukes ondjembo ya he yoRevolver noshiketha shiikuti yo.38 yomwaalu inagu tseyika pamwe nolisinisa yondjembo ya he, omushangwa gomatamaneko tagu hokolola.Aniwa Beukes na mumwayina oya yi kofaalama ya Kareeboomkolk momasiku 4 gaMaalitsa, omushangwa tagu popi.Hoka oya teya egumbo lyofaalama nokukutha mo oombistoli mbali niikuti.Pethimbo lyomutenya oya kala nokulitha aantu yatano pofaalama mpoka noku ke ya dhipaga konima.Oonakudhipagwa oyo nee Hilma Engelbrecht (38), okanona ke Christina Engelbrecht (6), Regina Gertze (4), Deon Gertze (18), nosho wo suala ye Settie Swartbooi gwomimvo 50, omushangwa ta tsikile.Aniwa mboka oya yahwa okusa nokonima omidhimba dhawo odha tomekwa omulilo.Momasiku 5 gaMaalitsa, aamentu mboka yaali oya heke ooyene yofaalama opo yee kofaalama sho ya longitha gumwe gwomaaniilonga pofaalama ndjoka gwedhina Sunnybooi Swartbooi (35) ngoka e ya dhengele nokulopota oshiningwanima kuyo.Aahokanathani mboka yaali yomimvo 50 oya thiki pofaalama yawo omutenya gwesiku ndyoka.”Aatamanekwa oya yaha okusa ooyene yofaalama sho ya thiki hoka, na opo owala ya sila mpoka kiilalo yooholo,” omushangwa tagu yelitha.Aniwa oya thiminike Swartbooi a londeke iinima mohauto nosho wo mokatemba kohauto.Konima sho Swartbooi a mana okulonga iinima mbyoka oyemu mangele moshipundi etaye mu dhipaga, omushangwa tagu tsikile ngaaka.Konima oya dhengele Neidel noselula ya Gavin nosho wo noselula ya nakusa Erasmus.Iinima yimwe mbyoka ya yakwa oya tulwa pofaalama ya Neidel omanga yilwe ya ka ndolopwa pofaalama yedhina Areb omanga ohauto ya Erasmus inayi thigwa pehala limwe moshitopolwa sha Venduka momasiku 5 gaMaalitsa.Omushangwa nguka otagu ti ayehe yane oya longelekumwe nelalakano lyafaathana moshinima shika.