Okapale koondhila kAutapi ka pwa noondhila otadhi nambele nokutuka

OKAPALE koondhila kAutapi hoka ka kala taka tungwa momukunda Oipandahangano mOmbalantu moshitopolwa sha Musati, osho ka pu kutungwa ombinga yimwe manga noondhila odha tameka okunambela nokutuka mokapale hoka.

Omunambelewa gwoshikondo shOmathaneko moshitopolwa sha Musati, Abisai Shaningwa, ta lombwele The Namibian kutya okapale hoka oka tamekele okutungwa mu Januari 2010 noka pwile meti 24 Auguste 2010. Ina ka kala nee taka longithwa manga nomEtitatu lyeti 3 Oktoba 2012, omwa nambele nokutuka ondhila yotango ya West Air.Shaningwa ta ti okapale okatungwa noshimaliwa shomamiliona gontumba. Ta ti tango opwa longithwa oshimaliwa shooN$1,077,397.00 shaathaneki nagandjimayele mokutunga okapale hoka, Taku landula shooN$8,401,229.00 shaatungi noshowo nee shooN$1,623,577.00 shokufuta mboka ya kuthwa pomapya gawo momukunda Oipandahangana moka. Okapale haka, Shaningwa ta ti otaka ithanwa okapele koondhila kAutapi, ashike otashi vulika ka kalukilwe omukokolipresidende, Sam Nujoma. Meti 3 Oktoba 2012 nometi 8 Oktoba 2012, sho ondhila ndjika ya West Air yedhina Desert Air ya nambele mokapale moka, aakalimo yomomukunda Oipandahangano nomikunda dhi li momudhingoloko, oya kala taya mbombolokele kokapale hoka ya katale nkene ondhila tayi nambele momukunda gwawo noshowo moshikandjohogololo shawo shAutapi, mOmbalantu nomoshitopolwa shawo sha Musati. ‘Otwa pandula lela sho ehumokomeho tali ende lya uka koshigwana notu wete kutya katu li kokule nokweenda moondhila,’ aakalimo taya ti ngawo nenyanyu.Okapale haka oke li okatiyali moshitopolwa sha Musati. Ka gwedha hoka okakulukulu ka Ruacana.Shaningwa ota ti kutya okapale haka otaka ka kutha po omukundu omunene gwaanangeshefa nosho tuu oohandimwe yokuuninginino aluhe ye na okuya kOndangwa oko ya ka londele oondhila okuya koVenduka nosho tuu nenge taya nambele okuza hoka, yo taya yi miihauto nokweenda ondjila okuza komahala gawo nokuya kOndangwa nenge okuza kOndangwa nokuya komahala gawo. Gumwe gwomaahingi yaali yondhila ndjoka ya West Air, yedhina Desert Air, efolo Elaso van Rooyen, ota ti kutya okapale haka kAutapi nonando inaka tulwa manga oteya, oke li nawa unene notaka ka kala ka dhengambanda uuna kapwa thiluthilu. Ta ti okateta lela oyendji yokonooliuninginino omagulu, mboka aluhe ye na okuya kOndangwa oko ya ka londele ondhila nokuya kuushimba nosho tuu. Ta ti otashi ka kala lela oshiwanawa, ayehe yaahuka ya kale taya longitha okapale haka kAutapi. Ta ti oke li lela pahupitho lyemona.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.