Okamunkuzi ka mona omeya

KANSELA gwoshikandjohogololo shaRuacana moshitopolwa Omusati Andreas Shintama okwa li a gandja pambelewa uupomba womeya uyali kaakalimo yomomikunda mbali dhomoshikandjohogololo she – Okathakanguti nOmunkuzi – mOlyomakaya ga zi ko.

Omikunda dhika odhi li konyala oshinano shookilometa 20 okuza poshikunino shepangelo pEtunda wa thinda kuumbugantu, nodha kala dhaa na omeya ga yela okuza pemanguluko mo1990.

“Otwa kala hatu taakana iinano iile tatu ka konga omeya komboola yi li mohambo yimwe lwomuumbugantu womikunda dhetu, hatu longitha unene uutemba woondoongi.

Onkene, ngashingeyi otu uvite kutya epangelo olye tu kutha omutengi,” mwene gwomukunda Omunkuzi, Petrus Uyage, ta popi pethimbo lyoshiithanene.

Ugaye okwa pandula ombelewa yaShintama osho wo epangelo alihe koonono sho lya kwathele mokugongela oshimaliwa shokulanda iilongitho yoproyeka yoku ya thikithila omeya.

“Epangelo oli na oshinakugwanithwa oshinene shokuthikitha omayakulo ga simana kaakwashigwana moshilongo, noshinima sha simana koshitopolwa huka osha li okugandja omeya ga yela komikunda ndhika mbali.”

“Iilongo oya tungwa kaakwashigwana ya hangana. Iyunganekeni ano e tamu toto po uukomitiye wokukondolola uupomba weni, opo mu shilipaleke kutya omeya ngoka tamu longitha omwedhi kehe oga futwa,” Shintama ta ti indile aanamikunda.

Kiito Uyage, gumwe gwomaanamukunda, okwa holola olupandu lwe sho ya pewa uupomba womeya, ta ti omikithi okombunda ye dhi mwene, molwashoka ngashingeyi otaa kala taa nu omeya ga yela.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.