Okamatyona ka dhipaga kamwayina, mOshakati

O POLISI ya Shakati otayi konaakona oshipotha shedhipago, sho okamatyona koomvula 15 ka dhipagwa kukamwayina koomvula 14, sha ningwa omasiku ga zi ko mOkandjengedi mOshakati.

Komanda gwOpolisi mOshitopolwa sha Shana, Komufala gwOpevi Josef Anghuwo, ta lombwele Oshifo shika kutya uumatyona mbuka uumwayinathana owa li tau dhana okatanga kokoompadhi lwopomagumbo gawo mpoka. Ngoka omushona gwoomvula 14 okwa kala ta dhenge mo mukwawo ngoka gwomukuluntu gwoomvula 15 mokuthangela mo oonkoola odhindji.Ngoka omukuluntu okwa kala ke uvitile oshinima shoka ombili nokwa tameke ta dhenge ngoka omushona.Ngoka omushona, okwa kala ta fadhuka po aniwa, ashike ngoka omukuluntu okwa kala te mu lamba noku mu dhenga.Ngwiya omushona aniwa okwa kutha ombele, andola i ipopile nayo, ashike ngoka omukuluntu okwa kala ashike a lamba ko.Omushona okwa yi a ka hondame mOngeleka puKandjengedi mpoka.Ngwiya ka omukuluntu okwa lamba ko nolugodhi olwa tameke mOngeleka moka, mwa adhika kamu na nando omuntu gulwe.Oyo ashike aniwa ya li mo.Ngoka omushona okwa tsu ngoka omunene nombele lwomontulo moka nokufadhuka po.Sho e shi hokolola kegumbo, aantu oya matukile kOngeleka.Oya adha nakutsuwa ngoka taku tiwa kutya oye Nande Jonas ta kanitha ombinzi oyindji.Oye mu kutha noku mu fala koshipangelo shEpangelo sha Shakati, ashike pokuthika poshipangelo, okwa hulitha.Opolisi otayi konaakona oshiningwanima shika shaanona yethike mpoka yi idhipaga.Ngoka omushona gwoomvula 14 okwa kala ta dhenge mo mukwawo ngoka gwomukuluntu gwoomvula 15 mokuthangela mo oonkoola odhindji.Ngoka omukuluntu okwa kala ke uvitile oshinima shoka ombili nokwa tameke ta dhenge ngoka omushona.Ngoka omushona, okwa kala ta fadhuka po aniwa, ashike ngoka omukuluntu okwa kala te mu lamba noku mu dhenga.Ngwiya omushona aniwa okwa kutha ombele, andola i ipopile nayo, ashike ngoka omukuluntu okwa kala ashike a lamba ko.Omushona okwa yi a ka hondame mOngeleka puKandjengedi mpoka.Ngwiya ka omukuluntu okwa lamba ko nolugodhi olwa tameke mOngeleka moka, mwa adhika kamu na nando omuntu gulwe.Oyo ashike aniwa ya li mo.Ngoka omushona okwa tsu ngoka omunene nombele lwomontulo moka nokufadhuka po.Sho e shi hokolola kegumbo, aantu oya matukile kOngeleka.Oya adha nakutsuwa ngoka taku tiwa kutya oye Nande Jonas ta kanitha ombinzi oyindji.Oye mu kutha noku mu fala koshipangelo shEpangelo sha Shakati, ashike pokuthika poshipangelo, okwa hulitha.Opolisi otayi konaakona oshiningwanima shika shaanona yethike mpoka yi idhipaga.