Oilyo yeumbo etivali lopashiwana Omaandaxa oya holola osho ya shakeneka momukokomoko woshikako shayo shomido nhano mopaliamente ndee tai ti oya kendabala okukwashilipaleka kutya oya pitifa eeveta odo di lile po eemumbwe doshiwana.
Omunapaliamente wongudu yoSwapo Bethuel Tjaveondja okwa ti efimbo laye meumbo etivali lopashiwana ola patulula omesho aye. Ta ti kutya okwa shakeneka mo ookaume, Tjiveondja okwa pula oilyo ipe i yambule po omilandu deumbo etivali lopashiwana keshe efimbo.
“Onda kalela po oshitopolwahoololo shaTjozondjupa, tangi eshi mwe tu lineekela tu kalele po oshitopolwahoololo noshiwana ashishe koonono,” osho a ti ngaho.
Tjaveondja okwa indila oilyo oyo tai fiye po oilonga i lidimine po, ta weda po kutya okutambulafana oitya pefimbo leemhata kakwa li okuponokela omunhu ashike okwa li ashike okutwa eemhata nawa ndee hamunhu nande a kwata onghone.
Omunapaliamente Sakeus Nangula (Oshikoto) okwa ti okwe lihonga shihapu, unene ngaa oveta okupitila momadeulo okomitiye yeumbo eli nosho yo omaalweendo ahapu opaunyuni.
Okwa yandja omapandulo aye molwewiliko lopamufika olo a mona okudja komunashipundi weumbo etivali lopashiwana Lukas Muha nahamushanga weumbo etivali lopashiwana Tousy Namiseb.
Oshilyo shongudu yoUnited Democratic Front (UDF) Sebastiaan !Gobs, sha kalela po oshitopolwahoololo shaKunene okudja koshikandjohoololo shaKhorixas, okwa ti ita ka alukila nande keumbo etivali lopashiwana shaashi ota ka fiya po opolitika.
Pefimbo kwa li ta popi, !Gobs okwa ti ondjila yaye oya tamekele momudo 2005 ndee okwa li alushe shidjuu okuuda ko oinima yewiliko eli.
Muha okwa dimbulukifa oilyo kutya mopolitika kamu na okufiya po oilonga kwaalushe shaashi ondjokonona otai kala alushe i na oshilonga oule womido dihapu.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
