Ohofa yaaniilonga moSouth Africa ya zimine ombapila yuuwehame ya ka shiluudhe

OHOFA yaaniilonga oya koleke eindilo lyomuniilonga opo omuhona gwe a taambe nokuyalula onzapo yuunamiti ya nyolwa komundohotola gwopahedhi.

Onkundana ndjika ya nyolwa moshifo sho Sunday Times oya ti omuniilonga nguka sho a tindilwa efudho itaali futwa komuhona gwe mo Pretoria mo 2007, Johanna Mmoledi okwa gandja onzapo yuuwehame ya za komundohotola gwe gwopashigwana ndjoka ya hokolola kutya okwa li a pangwa oshinima shoku yaguma ta popiwa naye koombepo dhaakulu yonale yoludhi lwaandjawo. Pamishangwa dha pewa ompangu, oshinima shika shoku talelwapo kaakulu yonale oshe mu thigithapo iilonga uule womwedhi gumwe opo a ka pangwe komundohotola nenge konkulungu yopashigwana ndjoka ye mu kwathele opo a mbilipaleke aakulu yonale mboka ya li ye mu silondjahi. Ohofa oya gandja etokolo kutya etidho miilonga lye kalya li nawa, na oya gandja etompelo kutya shika oshili ngaaka molwaashoka oshigwana sha South Africa osha thikama moohedhi odhindji no dha yooloka, moka epango lyopahedhi lina oku yalulwa,ngaashi ashike omapango ngoka haga ningwa koonganga dhopashinanena. Omuperesidende gwongundu yaanangeshefa aaluudhe nenge Black Business Council, Ndaba Ntsele okwa ti oongeshefa naagandji yiilonga oya pumbwa woo oku taamba oonzapo dhuunamiti dha za koonganga dhilwe kakele kaandhoka dhoshinanena. Ndele omunawino mooveta dhaaniilonga, Tony Healy okwa ulike onkumwe ye a ti South Africa okwa koleke onzapo yuunamiti wopashigwana nonando oshilongo kashi ompango ndjoka tayi yalula iilonga yoonganga dhopahedhi yaantu ya Africa.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.