Ohofa ya ekelehi ondjindikila yokweetamo iinamwenyo

OONDJINDIKILA dhokweetamo iinamwenyo yomaludhi ga yooloka moshilongo oku za pondje ndjoka ya li ya tulwapo kOshikondo shOmidhingoloko Nomatalelopo odha ekelwahi kOhofa yOpombanda oshiwike shayi.

Oshikondo shomudhiingoloko osha tulilepo oondjindikila ndhika omumvo 2009, sho sha li sha tindile oshikunino shopaumwene shiinamwenyo shedhina Erindi Private Game Reserve, uuthemba okweetamo oondjamba omathele gaali oku za ko South Africa. Oshikondo shoka osha li sha longitha omautho goveta yedhina Nature Conservation Ordinance yomumvo 1975. Omupanguli Kobus Miller okwa ti pamautho goveta ndjoka Uuministeli mboka kawu na oonkondo oku ninga ondjindikila ndjoka oshoka ndjika ina yi kwatelamo eetemo lyiinamwenyo yina omwenyo. Oveta ndjika ota yi ti kapena omuntu nenge olutu ta lu eta mo nenge ta lu tumumo iilongomwa yiinamwenyo yomukuti ngaashi iipa inaa yi hikwa nayilwe pwaana epitikilo lyUuministeli wOmudhingoloko. Uuminsiteli owa li wa ningi oondjindikila dhokwaa etamo iinamwenyo ngaashi oondjamba, oonduli, oohorongo, oomenye oonkoshi, oongwe, noongandu nosho tuu. Omunaveta guuministeli, Tinashe Chibwana okwa zimine kutya oveta ndjoka ina yi gandja uuthemba kOshikondo shoka opo shi longe ngaashi sha ningi ngaaka.Oshikunino shika shopaumwene osha li sha pula okulanda oondjamba omathele gaali oku za kepangelo ndele ka sha li sha pewa ompito okushi ninga opo ihe osha ka uvanekelwa okupewa oondjamba dhomwaalu ngoka okuza koshikunino shiinamwenyo shopaumwene shedhina Sabi Sand shoka sha li shina oondjamba odhindji naandhika okwa li ta dhi gandjwa oshali. Uupyakadhi owa li ashike uuthemba woku dhi etamo moshilongo. Sho shika osho sha thiminike Erindii Private Game Reserve pokati kOkahandja nOmaruru a indile ohofa opo yi talele ekaleko lyokweetamo iinamwenyo ngaashi lya ningwa kuuministeli mboka. Ohofa oya gandja elombwelo kUuministeli womudhingoloko opo wu tale eindilo lyehangano ndyoka okweetamo ookahenge yomwaalu ngoka oku za ko South Africa, netokolo ndyoka oli na oku ningwa meni lyiiwike itatu oku za kesiku lyetokolo.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.