ODOLA yaAmerica natango oyo tayi kala oshimaliwa ta shi longithwa melandakanitho muuyuni, nonando opena iimaliwa iikwawo mbyoka yi li methigathano okulongithwa ongo iimaliwa yuuyuni.
Ngaka ogo omadhiladhilo gomuwiliki gwehangano lyo International Monetary Fund, ngoka a ti odola natango osho oshimaliwa hashi longithwa kuuyuni,nonando opena omahunganeko kutya shika otashi ka pingenwapo koshimaliwa sho euro nenge oyuan yokoChina.Dominique Strauss-Kahn okwi itaala kutya oshimaliwa shAmerica osho tashi kala natango oshimaliwa shuuyuni ethimbo ele tali ya.Okwa ti China okwa pumbwa oku eta elunduluko mongushu yoyuan , oshoka oshimaliwa shika ongushu yasho oyi li unene pevi kaashili mondjila.Omuwiliki gwo IMF okwa ti uuyuni itau ka shuna we muudhigu womahupilo moka wu li ngashingeyi nuumvo andola , ndele okwa ti okuza mo kwawo, momahupilo ga nkundipala otaku kala taku ende kashona.Strauss-Kahn okwa popi ndhika moonkundathana nehangano lyehumithokomeho lyomahupilo lya Hong Kong omanga inaaka popitha oshigongi sho Asian Financial Forum oshiwike shika.Oku za muudhigu womahupilo okuya pethimbo omahupilo taga tameke ishewe okulonga nawa oshinima oshidhigu osho Strauss-Kahn a ulike.Uuna ongushu yoshimaliwa yi li pombanda tu tye ngaashi oyuan , kiilongo mbyoka hayi longitha oshimaliwa shoka,China niikwawo nena omahupilo giilongo mbyoka otaga inyenge guuka mondjila ombwanawa.Okwa itaala kutya iilongo yokAsia otayi ka kwathela omahupilo guuyuni ga shune komukanka omwaanawa, noku kala ishewe ga thikama ga kola.Iilongo mbika oyi na omahupilo taga humu komeho nawa.Okwa ti uuna oshilongo sha ningi oshinene momahupilo nena shika otashi kala woo shi na oshinakugwanithwa okumona nkene omulandu aguhe gwomahupilo tagu ende.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
