Nujoma e ekelahi omapopyo goosheya mu Avid

OMUPRESIDENDE gwa Namibia omukulu, Omundohotola Sam Nujoma, okwa ekelehi kokule omapopyo kutya oku na oosheya mOkampani ya Avid Investments Corporation, moka mwa kanene oshimaliwa shOodola oomiliyuna omilongo (N$ 30 million) ndatu dhOkampani ya Social Security Commission (SSC).

E li we mooha kOminista yOmauyelele nOmatumomawimombepo Netumbo Nandi Ndaitwah nosho wo kOminista yIinima ya guma Oomeme nAanona, Marline Mungunda, Nujoma okwa lombwele iikundaneki mOvenduka mEtine lya zi ko kutya ye oshinima shika “oshe mu uvitha nayi noshe mu halutha” noonkondo. “Onda hala okushi popya mo sha yela kutya kapu na nande esiku limwe omuntu gwontumba (Mr Blaauw nenge Mr Kapia), a li e ya kungame shi na sha na Avid Investment, nenge nda li ndi shi ngele oku na Okampani ya Avid Investments,” Nujoma ta popi ngaaka.Okampani ndjika okwe yi uvu ashike sho ya holoka miikundaneki shi na sha noshimaliwa shOodola oomiliyuna omilongo ndatu, shoka ya ndopa okugalulila SSC.Paendokumende ndhoka Avril Green (a li nale Menindjela gwa kwalukehe mu SSC) a gandja kOmpangu, otadhi ti kutya Blaauw okwa li e mu lombwele (a lombwele Green) kutya oosheya dhoopelesenda 80 mu Avid odhEwawa lyAagundjuka moSwapo na Nujoma naye oku na mo wo oosheya dhomwaalu gwontumba.Nujoma okwa ti oshinima sha Avid oshe shi ulike ishewe kutya mOokampani dha yama kEpangelo itadhi wilikwa nawa, unene tuu ndjoka ya SSC.”Nashi kale sha tseyika nawa kutya ngele Mr Ralph Blaauw na Mr Paulus Kapia oya longitha edhina lyandje naandyoka lyEwawa lyAagundjuka moSwapo, shika oye shi ningi pamatompelo oyo ayeke ye ga shi.”Nujoma ta popi.”Otandi indile nee Green, Mr Blaauw na Mr Kapia ya popye oshili noshili ashihe,” ta gwedha po ngaaka.Okwa ti ngele opu na Aanamibia ya hala okutala ngele okwa mona oshimaliwa sha za ku Avid, Oakaunta ye mOmbaanga FNB nomOombaanga dhilwe dhomoshilongo, oya manguluka okuninga ngaaka.”Onda hala okushi popya mo sha yela kutya kapu na nande esiku limwe omuntu gwontumba (Mr Blaauw nenge Mr Kapia), a li e ya kungame shi na sha na Avid Investment, nenge nda li ndi shi ngele oku na Okampani ya Avid Investments,” Nujoma ta popi ngaaka.Okampani ndjika okwe yi uvu ashike sho ya holoka miikundaneki shi na sha noshimaliwa shOodola oomiliyuna omilongo ndatu, shoka ya ndopa okugalulila SSC.Paendokumende ndhoka Avril Green (a li nale Menindjela gwa kwalukehe mu SSC) a gandja kOmpangu, otadhi ti kutya Blaauw okwa li e mu lombwele (a lombwele Green) kutya oosheya dhoopelesenda 80 mu Avid odhEwawa lyAagundjuka moSwapo na Nujoma naye oku na mo wo oosheya dhomwaalu gwontumba.Nujoma okwa ti oshinima sha Avid oshe shi ulike ishewe kutya mOokampani dha yama kEpangelo itadhi wilikwa nawa, unene tuu ndjoka ya SSC.”Nashi kale sha tseyika nawa kutya ngele Mr Ralph Blaauw na Mr Paulus Kapia oya longitha edhina lyandje naandyoka lyEwawa lyAagundjuka moSwapo, shika oye shi ningi pamatompelo oyo ayeke ye ga shi.”Nujoma ta popi.”Otandi indile nee Green, Mr Blaauw na Mr Kapia ya popye oshili noshili ashihe,” ta gwedha po ngaaka.Okwa ti ngele opu na Aanamibia ya hala okutala ngele okwa mona oshimaliwa sha za ku Avid, Oakaunta ye mOmbaanga FNB nomOombaanga dhilwe dhomoshilongo, oya manguluka okuninga ngaaka.