NTB na Napwu ya shaina etsokumweuvathano

AMUSHANGA-NDJAYI gwehangano lyaaniilonga lya Namibian Public Workers Union (Napwu), Gabes Andumba, okwa ningi eindilo kEwiliko lyOlaaata yOmatalelopo ya Namibia/Namibia Tourism Board (NTB), yi simaneke shoka shi li metsokumweuvathano li na sha nomauwanawa gaaniilonga yawo – ndyoka NTB na Napwu ya shaina oshiwike sha zi ko.

‘Ihe eindilo lyandje enene olyo ndika kutya, out na okulongela kumwe opo adha elalakano lyetu li na sha nuuwanwa waaniilonga nosho wo noshilongo ashihe,’ Andumba ta popi ngaaka.Etsokumweuvathano ndika olya li lya shainwa ku Andumba nOmukuluntuwiliki gwa NTB, Digu //Naobeb ongula yEtitano lya zi ko. Andumba okwa ti Napwu okwa kalela po aniilonga ye 50 kwa gwedhwa mu NTB.Okwa ti olundji omahangano gaaniilonga naagandji yiilonbo ohaya kala taya kondo, ga nyengwa okukandula po omayoolokathano shoka nee hasi eta aaniilonga ya ninge omakanka.Ta ti, shika ohashi holoka po ngele ehangano lyaaniilonga naagandji yiilonga oya ndopa okwiiyutha kwaashoka shi li momatsokumweuvathano ngoka ya shaina.