Ngoloneya gwaHardap a hogolululwa

NGOLONEYA gwoshitopolwa sha Hardap meme Katrina Hanse-Himarwa ngoka a oshikako she mombelewa sha li shi na okupwa ko momasiku 7 gaDesemba nuumvo, okwa hogolululwa nokwaganithilwa nale nokuli iilonga ye mombelewa oshiwike sha zi ko.

Onzo yimwe yomeni lyopaati, oya popi ngeyi kutya omahogololo inaga enda nawa molwashoka Okomitiye Ompitithi yOpashitopolwa oya ende pomunkulo omilandu dhomahogololo ngaashi dha totwa mo kOmbelewa ya Amushanga-Ndjayi. Pahokololo lyonzo yimwe, Amushanga-Ndjayi gwoSwapo okwa li a tseyithile iitopolwa ayihe moshilongo mu Septemba nuumvo kutya oshitopolwa kehe nashi ulike ookandidaate ndatu ngele odhindji nokutuma omadhina ngoka kOpolitburo opo Opolitburo yi ka hogolole mo okandidaate yimwe.Sho a pulwa oshiwike sha zi ko, Hanse-Himarwa okwa ekelehi omapopyo ngoka ta ti moshinima shoka kamu na uushili.Ta ti kutya ye Okomitiye ompitithi yopashitopolwa, oye mu fala kOpolitburo ong’okandidaate oyo ayike konima sho kwa li kwa ningwa omahogololo ge li paundemokoli ngoka ga li pokati ke na Kansela gwOpashitopolwa Karl Kisting.”Mokati komake gaahogololi ye li 19, Kisting okwa zi mo owala nomake gaheyali, nonda tala nee kutya onda hogololwa ngaaka paundemokoli,” Hanse-Homarwa ta popi.Ta ti Okomitiye yawo yopashitopolwa, inayi enda nando elombwelo lya Amushanga-Ndjayi pomunkulo.”Ngaashi naanaa sha indilwa kutya nakutumwe omadhina gatatu, okomitiye yopashitopolwa oya ningi etokolo oku ulika owala aantu yaali nokutotha mo gumwe sha ningwa pamahogololo ngoka ga ningwa paveta,” ta popi ishewe ngaaka.Hanse-Himarwa ta ti ookansela dhopaitopolwa ngaashi Trougot Classen na Barakias Namwandi oya hogololwa ya ninge iilyo yewilikongundu.Edward Wambo, Theo Diergaardt na Kisting otaya kala yowala.Okuhogololwa kwa Namwandi mOkomitiye yEwilikongundu, nalyo olya taambiwa ko kaantu nomaiyuvo gayoolokathana.Onzo yimwe yomeni lyopaati oya popi ngeyi kutya Namwandi oku na nale oshinakugwanithwa oshinene komapepe ge, shoku kalelapo oshitopolwa mOlaata yOpashigwana, notashi vulika nee a ka kale ita gwanitha po iinakugwanithwa ye mokomitiye yewilikongundu lyoshitopolwa.Pahokololo lyonzo yimwe, Amushanga-Ndjayi gwoSwapo okwa li a tseyithile iitopolwa ayihe moshilongo mu Septemba nuumvo kutya oshitopolwa kehe nashi ulike ookandidaate ndatu ngele odhindji nokutuma omadhina ngoka kOpolitburo opo Opolitburo yi ka hogolole mo okandidaate yimwe.Sho a pulwa oshiwike sha zi ko, Hanse-Himarwa okwa ekelehi omapopyo ngoka ta ti moshinima shoka kamu na uushili.Ta ti kutya ye Okomitiye ompitithi yopashitopolwa, oye mu fala kOpolitburo ong’okandidaate oyo ayike konima sho kwa li kwa ningwa omahogololo ge li paundemokoli ngoka ga li pokati ke na Kansela gwOpashitopolwa Karl Kisting.”Mokati komake gaahogololi ye li 19, Kisting okwa zi mo owala nomake gaheyali, nonda tala nee kutya onda hogololwa ngaaka paundemokoli,” Hanse-Homarwa ta popi.Ta ti Okomitiye yawo yopashitopolwa, inayi enda nando elombwelo lya Amushanga-Ndjayi pomunkulo.”Ngaashi naanaa sha indilwa kutya nakutumwe omadhina gatatu, okomitiye yopashitopolwa oya ningi etokolo oku ulika owala aantu yaali nokutotha mo gumwe sha ningwa pamahogololo ngoka ga ningwa paveta,” ta popi ishewe ngaaka.Hanse-Himarwa ta ti ookansela dhopaitopolwa ngaashi Trougot Classen na Barakias Namwandi oya hogololwa ya ninge iilyo yewilikongundu.Edward Wambo, Theo Diergaardt na Kisting otaya kala yowala.Okuhogololwa kwa Namwandi mOkomitiye yEwilikongundu, nalyo olya taambiwa ko kaantu nomaiyuvo gayoolokathana.Onzo yimwe yomeni lyopaati oya popi ngeyi kutya Namwandi oku na nale oshinakugwanithwa oshinene komapepe ge, shoku kalelapo oshitopolwa mOlaata yOpashigwana, notashi vulika nee a ka kale ita gwanitha po iinakugwanithwa ye mokomitiye yewilikongundu lyoshitopolwa.